專訪｜謝淑怡賀年必玩「魚蝦蟹」 自爆新年最大福利：終於唔使練琴！

同屋企人貼完揮春，就拎起個骰盅！TVB娛樂新聞台主播兼「鋼琴女神」謝淑怡（Zoie）接受本網專訪時分享，新年最開心是全家一齊玩「魚蝦蟹」：「年初一、年初二一定會玩『魚蝦蟹』！呢個係一個好傳統嘅傳統。」

謝淑怡（Zoie）向《巴士的報》讀者送上新年祝福。（攝影：inmhypointofview@IG）

Zoie表示新年最開心是全家一齊玩「魚蝦蟹」。

傳統定要跟 唔洗頭為咗氹屋企人
講到新年習俗，Zoie話規矩多多，但最緊要一家人開心：「佈置家之後，一定係年三十晚全家沖個涼，準備年初一。」對於年初一不洗頭這類傳統習俗，Zoie笑言：「其實我自己唔太介意，但屋企人就好堅持。無謂對抗佢哋，一齊做囉！」果然係孝順女。

整糕氹自己 十幾人一齊先夠氣氛
對Zoie以言，新年一定要有糕：「一定要煎糕！一齊做蘿蔔糕、年糕、紅豆糕，呢啲係必須嘅。」出身自大家庭的她，新年動輒十幾人聚會，非常熱鬧：「我屋企人全部都喺香港。」整完糕，當然就係開枱玩魚蝦蟹，這個畫面就是她最掛住的港式年味。

製作賀年糕點也是必備環節。

Zoie三歲半開始學琴，每天練習時間很長，新年成了難得的休息時間。

外國過年最掛住 唔使練琴係Bonus
曾赴美國深造的謝Zoie，有一段時間無法回港過年：「會掛住屋企㗎！」她坦言在外地過年時，特別想念家中的熱鬧氣氛。

談到小時候對新年的期待，謝淑怡給出令人意外的答案：「細個嗰時會覺得，終於有個假期，嗰幾個鐘唔使練琴。」她三歲半開始學琴，每天練習時間很長，新年成了難得的休息時間。

談到新年願望，Zoie目標明確，盼有更多工作機會。

Zoie更揚言：「我可以唔瞓覺！」

新年願望搏到盡：我可以唔瞓覺學嘢
講到新年願望，Zoie目標明確：「當然係工作，感情就算喇！」出名勤力的她，希望新一年有更多機會：「因為我係一個好願意去努力嘅人，我好勤力。就算係一個我唔熟悉嘅領域，我可以唔瞓覺都要學識嘅。」

Zoie於2024年參選港姐入行，除了是TVB娛樂新聞台主播外，另一個身份其實是鋼琴家！

美國約翰霍普金斯大學鋼琴演奏碩士畢業的她，於國際大賽中屢獲殊榮，是名副其實的「鋼琴女神」！

場地提供：香江花月

《2026香港小姐競選決賽》將於周日（8月30日）晚8時隆重舉行，大會公布其中一個表演環節，由歌手梁漢文率領三位「音樂才女港姐」同台演出。三位表演者中，2024年港姐謝淑怡的音樂背景最為亮眼，被網民封為「音樂學霸」。

《2026香港小姐競選決賽》周日（30日）晚舉行，歌手梁漢文將率領三位「音樂才女港姐」謝淑怡、陳楨怡及郭柏妍同台演出。

謝淑怡6歲起學音樂，畢業於美國約翰霍普金斯大學皮博迪音樂學院，以GPA4.0佳績完成碩士課程，曾奪多項國際鋼琴大賽冠軍。

謝淑怡自6歲起於香港演藝學院修讀音樂課程，其後遠赴美國深造，先後畢業於歐柏林音樂學院及約翰霍普金斯大學皮博迪音樂學院，更以GPA 4.0滿分成績完成碩士課程。她曾多次於國際鋼琴大賽奪冠，包括紐約國際鋼琴比賽、利馬交響樂團青年藝術家比賽及日本伊勢志摩國際鋼琴比賽，並獲頒Pauline Favine鋼琴紀念獎。

決賽當晚謝淑怡將與梁漢文、郭柏妍及陳楨怡同台演出。

施展「新穎彈琴大法」。

決賽當晚，謝淑怡將表演「新穎彈琴大法」；陳楨怡則演奏豎琴；而以「魔音」聞名的郭柏妍除吹奏單簧管外，更會再度開金口獻唱，與梁漢文擦出火花。三位港姐才藝表演各有特色，成為今屆決賽一大焦點。

謝淑怡與梁漢文同台獻技。