專訪｜謝淑怡賀年必玩「魚蝦蟹」 自爆新年最大福利：終於唔使練琴！

同屋企人貼完揮春，就拎起個骰盅！TVB娛樂新聞台主播兼「鋼琴女神」謝淑怡（Zoie）接受本網專訪時分享，新年最開心是全家一齊玩「魚蝦蟹」：「年初一、年初二一定會玩『魚蝦蟹』！呢個係一個好傳統嘅傳統。」

謝淑怡（Zoie）向《巴士的報》讀者送上新年祝福。（攝影：inmhypointofview@IG）

Zoie表示新年最開心是全家一齊玩「魚蝦蟹」。

傳統定要跟 唔洗頭為咗氹屋企人
講到新年習俗，Zoie話規矩多多，但最緊要一家人開心：「佈置家之後，一定係年三十晚全家沖個涼，準備年初一。」對於年初一不洗頭這類傳統習俗，Zoie笑言：「其實我自己唔太介意，但屋企人就好堅持。無謂對抗佢哋，一齊做囉！」果然係孝順女。

整糕氹自己 十幾人一齊先夠氣氛
對Zoie以言，新年一定要有糕：「一定要煎糕！一齊做蘿蔔糕、年糕、紅豆糕，呢啲係必須嘅。」出身自大家庭的她，新年動輒十幾人聚會，非常熱鬧：「我屋企人全部都喺香港。」整完糕，當然就係開枱玩魚蝦蟹，這個畫面就是她最掛住的港式年味。

製作賀年糕點也是必備環節。

Zoie三歲半開始學琴，每天練習時間很長，新年成了難得的休息時間。

外國過年最掛住 唔使練琴係Bonus
曾赴美國深造的謝Zoie，有一段時間無法回港過年：「會掛住屋企㗎！」她坦言在外地過年時，特別想念家中的熱鬧氣氛。

談到小時候對新年的期待，謝淑怡給出令人意外的答案：「細個嗰時會覺得，終於有個假期，嗰幾個鐘唔使練琴。」她三歲半開始學琴，每天練習時間很長，新年成了難得的休息時間。

談到新年願望，Zoie目標明確，盼有更多工作機會。

Zoie更揚言：「我可以唔瞓覺！」

新年願望搏到盡：我可以唔瞓覺學嘢
講到新年願望，Zoie目標明確：「當然係工作，感情就算喇！」出名勤力的她，希望新一年有更多機會：「因為我係一個好願意去努力嘅人，我好勤力。就算係一個我唔熟悉嘅領域，我可以唔瞓覺都要學識嘅。」

Zoie於2024年參選港姐入行，除了是TVB娛樂新聞台主播外，另一個身份其實是鋼琴家！

美國約翰霍普金斯大學鋼琴演奏碩士畢業的她，於國際大賽中屢獲殊榮，是名副其實的「鋼琴女神」！

場地提供：香江花月

近日TVB真人秀節目《魔音女團》成為城中熱話，其中「東張女神」麥詩晴（Ceci）憑藉「極用力」的歌聲與率真的反應，意外收穫大量網民關注。從優雅港姐到被貼上「魔音」標籤，麥詩晴接受專訪時，不僅大方自嘲，更剖白了入行六年來鮮為人知的低潮期，包括與情緒病搏鬥以及支撐患癌父親的感人故事。

「東張女神」麥詩晴（Ceci）日前接受本網專訪。（攝影：inmhypointofview@IG）

剖白入行六年來鮮為人知的低潮期。

近日TVB真人騷《魔音女團》成為城中熱話，麥詩晴憑「極用力」的歌聲與率真反應意外爆紅。

麥詩晴在海選中因唱歌表情過分用力，被網民直指似「好似撩交打」！

她幽默回應：「嗰日腸胃炎嘔吐完，人好虛，結果用力過猛。」

自認「純天然魔音」笑對網民熱議
談到參加《魔音女團》的契機，麥詩晴笑言全靠好友邢慧敏（Sharon）的「推波助瀾」：「我本來好細膽，Sharon鼓勵我唔好局限自己，我先敢試一次。」

面對網友對她唱Rap太用力的評價，麥詩晴幽默回應：「因為啲字好密，我怕斷氣，加上嗰日腸胃炎嘔吐完，人好虛，結果用力過猛。」她坦言自小唱歌必開「伴唱」，這次是人生第一次公開清唱。雖然被封魔音，但父親卻是她的忠實擁躉：「真係好難聽，我都唔敢聽，但我爸爸不停重播，我叫佢唔好再看！」

麥詩晴畢業於浸會大學傳理系。

麥詩晴參選《2020年度香港小姐競選》，最後入圍十強，獲TVB賞識並簽約成為旗下藝人。

擁有芭蕾舞專業級證書。

麥詩晴的甜美笑容非常煞食。

女友力十足。

身高170cm的她，一對長腿可以話係超級「殺食」！

曾患創傷症手震記唔到對白 靠藥物與愛犬走出陰霾
螢幕前愛笑的Ceci，原來曾走過一段極黑暗的日子。入行初期工作量不穩，加上家中父母身體抱恙，重擔壓在肩上，令她一度患上情緒病及創傷症。

「嗰段時間壓力大到瞓唔著，夢裡面全部都係可怕嘅畫面。食咗藥之後手會震，記性變差，拍《輕功》時連幾句對白都記唔住。」她坦言當時常與同屆佳麗比較，鑽進牛角尖：「嗰時覺得競爭好大，睇唔到前途，甚至想過放棄。」幸好Ceci意志堅定，主動求醫並配合藥物治療，加上愛犬「包包」的陪伴，僅用兩個月便走出陰霾。

麥詩晴2021年加入《愛‧回家之開心速遞》飾演「慌張西望」主持程絲展開拍劇生涯，並先後演出多套劇集等，曾在《新聞女王》與佘詩曼合作。

麥詩晴近幾個月加入《東張西望》大家庭，頻頻出動採訪娛樂活動，榮升做新「東張女神」。

作為東張新人，麥詩晴採訪影帝級的古天樂亦淡定從容，盡顯主持功力。

麥詩晴自認外型親和「冇氣場」，反而容易讓受訪者放下戒心。

不過螢幕前愛笑的麥詩晴原來曾走過一段極黑暗的日子。

入行初期工作量不穩，加上家中父母身體抱恙，重擔壓在肩上，令她一度患上情緒病及創傷症。

「東張女神」目標：努力工作報答癌父養育之恩
經歷過情緒起伏，麥詩晴變得更加主動。現時她擔任《東張西望》主持，直言這份工作令她性格大轉變：「我以前好自閉又易緊張，入咗《東張》之後成個人開心晒，變得敢講嘢。」她自認外型親和「沒氣場」，反而容易讓受訪者放下戒心。

談到未來的目標，麥詩晴展現出孝順的一面。她回憶小時候父親曾隨口說過喜歡開篷車，但為了供書教學、支撐家庭，父親一直捨不得買：「我依家嘅目標就係努力賺錢，買一架開篷車送畀爸爸，報答佢對屋企嘅付出。」

麥詩晴與家人感情深厚。

幸好麥詩晴主動求醫並配合藥物治療，加上愛犬「包包」的陪伴，僅用兩個月便走出陰霾。

與邢慧敏台慶打鼓結緣，一凹一凸夾出真友情。

與邢慧敏「打」出深厚姊妹情
訪問中，麥詩晴多次提到好友邢慧敏。兩人性格迥異，卻因台慶打鼓表演而結緣，，成為演藝圈中難得的知己。看到Sharon在社交平台經營得有聲有色，麥詩晴也表示要向對方學習：「我要學佢咁樣多方面嘗試，多啲推自己一把，唔再只係被動咁等工作。」

麥詩晴直言，爸爸為家庭放棄太多，如今輪到她為爸爸圓夢。

無論魔音定女神，麥詩晴繼續用笑容感染大家！

場地提供：Zinge（銅鑼灣駱克道491號京都商業中心10樓）