2024年首位唱作女新人 黃健怡推首支solo兼鎖定目標：想多啲聽眾認識我

大家好，她是今年的女新人，黃健怡Winky Wong！

唱作女子組合「Beanies」，在沒有大公司backup下，於2023年度叱咤樂壇流行榜頒獎典禮中獲得「叱咤樂壇生力軍組合金獎」，為她們打了一支強心針！2024年2月23日，成員之一的Winky黃健怡推出首支個人單曲《喵喵厭世學》，成為今年首位出歌的女新人，Winky說：「呢個solo嘅project，喺未攞獎前已經plan咗。」

Beanies成員Winky黃健怡推出首支個人單曲《喵喵厭世學》，成為今年首位出歌的女新人。

觀看相關影片按連結：https://youtu.be/GYt60z-wVPg?si=0by9UtJZG7CV-8G1

Winky畢業於中大學音樂文學士，主修聲樂，新歌《喵喵厭世學》由Justin Yau監製及編曲，Winky自己作曲，並請來Oscar填詞，對於創作靈感，Winky就是去年年初日本之旅已有，「呢首歌嘅idea pop up得好快，上年3月去日本時突然間有個好童話嘅感覺，好似一個漫畫世界咁，究竟貓嘅視覺係點睇呢個世界呢？」本身好鍾意貓的Winky，但卻沒有養貓，「因為同屋企人住而冇養貓，所以先至對貓有好多嘅幻想！」

《喵喵厭世學》由Winky自己作曲。

首支個人單曲《喵喵厭世學》不是K歌，一點都不易唱，Winky笑言自己在加緊練習中，「自己唱都有啲難度。」雖然不是K歌，但卻很搶耳，樂迷聽到容易有印象，「首歌入面有好多唔同嘅風格，中間有一段會好似big band咁，個groove會由4拍變3拍又變番去4拍。」這個idea，是由Winky與監製Justin Yau一齊想出來，「因為Justin玩啲比較jazzy嘅嘢，咁我就搵咗佢編曲，擺咗好多唔同idea入呢首歌，變成咗一首比較多唔同風格嘅一首歌。」

Winky直言《喵喵厭世學》一點都不易唱，自己唱都有啲難度。

拍MV當日，市區氣溫只得7度，由於拍攝場地在新界北區的村落，氣溫比市區低幾度，為了配合MV拍攝，Winky只能穿上薄薄的lace長裙，加上因為裙太薄，未能貼上暖包，所以對她來說特別難忘，「4、5度嚟到坪輋荒廢嘅廢屋，我係覺得好凍嘅！但係有電視同薯片嘅加持，咁我就唔凍喇！」

Winky在只有攝氏4度的坪輋廢置屋捱凍拍MV。

雖然好凍，但Winky有電視同薯片加持就唔凍！

習慣同隊友齊上齊落，Winky今次單飛出歌，完全感受到當中的分別，「拍MV feel到好唔慣，平時拍MV同其他幾個女仔一齊，好多嘢可以分享，唔會話自己一個好悶，今次要好專心咁記得下一個位要去邊、要咪邊part嘴，呢個位我仲係好唔慣嘅。」單飛出歌做女新人，Winky沒有擔心會影響Beanies的發展，「佢哋每個人都會有自己嘅solo歌曲，個個嘅風格唔同，樂迷可以憑大家嘅solo去睇到我哋嘅特點！」

Winky指Beanies每個人都會有自己的solo歌曲，個個風格都不同，樂迷可以憑大家的solo去知她們的特點。

2月11日生日的Winky，得到一班fans送上生日應援，在一間甜品店擺放上很多Winky的不同size的海報、相片，成為全方位的打卡位，為了多謝fans的支持，Winky特別抽時間到訪！至於今年的目標，Winky直言：「想多啲聽眾認識我，如果攞到獎就更加好，不過，最想畀大家睇到另一面嘅Winky Wong！」

Winky生日獲一班fans送上生日應援。

Winky特別抽時間到訪簽名打卡。

Kay李凱翹直言：「呢半年賺到嘅所有錢都擺咗喺做歌上，好耐無試過咁熱血！」

唱作女團Beanies成員之一的Kay李凱翹，日前推出首支個人單飛歌曲《分手的決心》！作為一位獨立歌手，Kay為了出新歌傾囊而出，將近半年因為Beanies所賺到的錢都押上，她說：「除咗Beanies賺到嘅錢，連呢半年返菲林店part time、教瑜珈賺到嘅所有錢都擺咗喺做歌上，好耐無試過咁熱血，希望我嘅作品大家會喜歡同有共嗚。」

Kay李凱翹日前推出首支個人單飛歌曲《分手的決心》。

Kay更為了出新歌傾囊而出，將近半年所賺到的錢都押上。

觀看相關影片按連結：https://youtu.be/kBMumZE6RIs?si=qQgWtkwVCJD6vfMr

未入行當歌手前，Kay是一名空姐，做了8年後選擇裸辭，成為了獨立歌手，去年與Jaime張天穎、Geor陳樂頤、Winky黃健怡及Chiutung潘釗彤組成唱作女團Beanies。眼見其他成員陸續單飛出solo歌曲，Kay亦趕上步伐，推出個人單曲《分手的泱心》。對於裸辭一事，Kay說：「原來全心全意做自己喜歡嘅嘢，真係好值得！由裸辭到而家，都係用緊自己嘅儲蓄，最希望可以有多啲班教，有多啲機會接主持工作，同埋要再慳啲。」Kay笑言自從裸辭後，成為了一位精明的消費者，最喜歡留意各樣的優惠。

Kay未入行前是一名空姐，做了8年後選擇裸辭，成為了獨立歌手。

眼見其他Beanies成員陸續單飛出solo歌曲，Kay亦趕上步伐，推出個人單曲《分手的泱心》。

對於裸辭一事，Kay認為能全心全意做自己喜歡的事，真的好值得！

《分手的決心》由Kay與Patrick Yip合作寫曲部份，填詞找來小克，編曲及監製由Patrick Yip負責。日前，Kay為歌曲拍攝MV，請來中學師弟KF做導演及曾參與ViuTV真人show節目《戀愛staycation》的林嘉宏當男主角，由於拍攝的景點很多，所以分了兩日拍攝。

Kay與Patrick Yip合作為《分手的決心》寫曲。

MV男主角找來曾參與ViuTV真人show節目《戀愛staycation》的林嘉宏擔任。

喜歡攝影的Kay最難忘的除了是可以在黑房親手手沖黑白菲林，還有拍爆喊的過程，她說：「室內拍嗰日，一roll機就要我爆喊，本身好擔心，但好多謝我嘅acting coach（演戲導師） Donovan，佢好了解我，知道要點去引導我，喺我隔離一路講嘢，已經可以令我好快投入到個情緒爆喊出嚟！」

MV中，Kay最難忘的是可以在黑房親手手沖黑白菲林。

拍爆喊的過程亦相當難忘。

Kay感謝演戲導師Donovan，一直引導她。

另外，Kay表示第一日拍完外景，收工的時候租用的車卻忽然爆軚，她說：「最後全部人喺維修區嘅空地度等咗個半鐘，但係嗰個半鐘大家傾偈傾得好開心。」Kay表示以前做空姐，旅行佔了她的人生很大部份的時間，所以，MV其中一個景點是在機場維修區拍攝，令她重拾不少回憶，份外感觸和開心。

MV其中一個景點是在機場維修區拍攝，令Kay重拾不少以前做空姐的回憶。

Kay透露今次的MV是想用第一身視覺去記錄，所以用了DV機去拍攝，至於MV及歌曲的故事，她說：「係講一對情侶一齊及同居多年，感情由濃轉淡，說好嘅冰島之旅已經去唔到。喺沖曬菲林及執拾家中物件時回憶以往種種，最後雖然係好唔捨得，但都係決定放手離去。」

Kay又指今次的MV是想用第一身視覺去記錄，所以用了DV機去拍攝。

MV及歌曲的故事是關於一對情侶感情由濃轉淡。