Beanies成團一年從未嘈交做到「和而不同」 期望繼續創造更多無限可能

年底Beanies再派上今年第三首派台新歌《十二變》，預祝成團一周年！

來自「陳輝陽x女聲合唱」的Jaime張天穎、Geor陳樂頤、Chiutung潘釗彤、Kay李凱翹及Winky黃健怡，五人組成為新晉唱作女子組合「Beanies」。短短出道一年的Beanies唱得又作得，實力不容忽視，年底Beanies再派上今年第三首派台新歌《十二變》，預祝成團一周年！

第三首全新派台歌曲《十二變》於日前正式上架。

Jaime張天穎、Geor陳樂頤、Chiutung潘釗彤、Kay李凱翹及Winky黃健怡，五人組成為新晉唱作女子組合「Beanies」

今次首次邀請大熱女填詞人王樂儀及著名監製何秉舜合作，由成員Winky擔任作曲，關於《十二變》歌詞代表着Beanies出道一年有許多變化與成長，Chiutung表示：「十二有很多不少的含義，當中包括十二個音符，與我哋好有關，我哋亦都想喺十二粒音符內帶俾大家無限嘅旋律與歌曲。」面對着更多個十二，Beanies會繼續創造更多無限可能。

《十二變》歌詞代表着Beanies出道一年有許多變化與成長。

面對着更多個十二，Beanies會繼續創造更多無限可能。

關於五人這一年內的變化，Winky認為最大的變化就是成立Beanies：「因為未做之前，我都未了解呢一行嘅生態，對我嚟講呢一年都好有趣，都好多新鮮事情發生，而且我都多嘢講咗。」

Winky認為最大的變化就是成立Beanies。

Chiutung自爆自己由暗黑女孩轉變成一個「粉紅色」少女：「因為成員們會俾返啲女孩子之間嘅小對話與行為，帶入我嘅生活內。」Jaime則透露自己之前係solo歌手好多嘢都係自己處理，「比較孤單」但今年與成員們一起，變得「好熱鬧」，「令我開心咗好多，且身體好咗好多」。

Chiutung自爆自己由暗黑女孩轉變成一個「粉紅色」少女。

Jaime則透露自己之前係solo歌手好多嘢都係自己處理。

Geor表示自己好似多咗好多屋企人，「今年同佢哋日見夜見好似返翻之前中學時期，生活上是豐富左，同佢哋一齊能量都會高咗，而且身體上也健康咗，肥咗。」Kay認為自己變身成一個海綿，「之前嘅我比較一成不變，呢一年與她們的相處我就不斷吸取佢哋嘅知識。」

Geor表示自己好似多咗好多屋企人。

Kay認為自己變身成一個海綿。

一班女仔的相處嘈交係無可避免的，而Kay直言其實好期待嗌交的時刻，但目前仲未發生過，Winky表示：「我哋見面經常都係工作，所以基本上一見面就是『我哋要做啲咩』、『下一步要去邊』。」Geor亦表示即使係之前出去玩都冇嗌過交。Chiutung認為大家之所以相處得好，因為明白每個人的性格好唔同，亦都沒有想控制其他人改變的諗法，做到「和而不同」。

一班女仔的相處嘈交係無可避免的，但Beanies卻做到「和而不同」。

早前成員Geor生日，成員們都有精心準備為她慶生。Geor表示其實那段時間大家都好忙，但都有聚會食飯，而成員亦都送上兩份特別的禮物，第一份就是深藍色的睡衣，而睡衣上面印這好多Geor的人頭，第二份就係巨型毛巾，毛巾上就有成員們的黑圖人頭。

早前成員Geor生日。

關於明年的目標，Winky表示自己同Kay目前都冇自己的Solo歌曲，目前都已經密謀緊，都希望明年有機會可以出到，希望Beanies都可以帶到更多歌曲給大家！

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理