方皓玟入行25年首辦歌迷聚會 小明為樂迷特製歌單與百名Fans近距離互動

小明首次舉辦歌迷聚會！

新一年，《Yahoo Lunch K XLive》邀來方皓玟，在可以容納更多觀眾的全新場地與樂迷見面，這次是小明入行25年來首度與樂迷舉行Fans聚會，她更窩心為樂迷特製演出歌單，唱出新作以外，更演繹早期的作品，令樂迷大飽耳福。Yahoo娛樂自家製音樂節目《Yahoo lunch K 》自2018年起將Office變做K 房，將Busking文化帶入Studio，到去年，Yahoo再將K房變做Live House，由場地到觀眾人數都加大、增多，變成XL size，推出季度節目《Yahoo Lunch K XLive》。

小明與100名Fans聚會

小明很珍惜今次的聚會

小明認為今次是很好的交流

《Yahoo Lunch K XLive》邀來方皓玟與樂迷見面

小明與粉絲有不少互動

與粉絲玩遊戲

與粉絲大合照

小明入行至今，原來從未辦過歌迷聚會，她說：「我想搞一個Fans Gathering好耐，但從來冇做過，所以今次《Yahoo Lunch K XLive》係第一次搞，係好珍惜，那怕人數係幾多，都係好難得嘅機會同大家見面，大家可以咁近距離，同平時睇演唱會嘅分別係好大 。所以今次係Meet Friends，將自己嘅新歌同之前未唱過嘅歌演繹一次俾佢哋聽，再加上玩遊戲，係一次好好嘅交流。」

小明與JonJon合照

今次小明與100名Fans聚會，當中不乏新舊Fans，所以這次演出歌單也別出心裁，小明與樂手們以Acoustic Set，演繹了新歌《神算》外，亦有經典金曲《假使世界原來不像你預期》，亦有早期轉型前的作品《小兔》等，而活動中，有正日生日的Fans為了與小明見面，不惜拋夫棄子請假前來，十分有心，而小明也窩心地送上生日歌，令對方感動得眼濕濕。小明道：「感謝跟咗我好多年嘅朋友，所以想唱返早期嘅歌俾佢哋聽，當然今次亦有新歌回饋新朋友，而今次同新一代嘅樂手合作，佢哋嘅觸感好好，雖然只係好簡單Acoustic Set，但俾到好多好好嘅Vibe我。我唔排除今次之後會搵The Hertz，或者更多新Musicians合作，因為佢哋俾到好多Input我。」是次《Yahoo Lunch K XLive》會於3月25日晚上7時於Yahoo HK首頁率先播放。

冼靖峰怕緋聞影響到方皓玟！

冼靖峰（Archie）早前被指與現年44歲的方皓玟因合唱結緣，之後兩人被影到在尖沙嘴餐廳食飯撐枱腳，疑似發展相差18年的「母子戀」！方皓日前玟開直播回應緋聞，直言：「食個飯比人傳緋聞。」

冼靖峰（Archie）否認與方皓玟譜母子戀。

昨日（6月1日）Archie出席TVB《萬眾同心公益金》活動，承認與方皓玟在節目《J Music》合唱後，就成為了朋友，他回應：「嗰餐飯唔單止係我哋兩個，仲有其他音樂人，但廢事講係邊個、拖人哋落水，張相crop咗我哋兩個出嚟，都幾無辜。」

問到與方皓玟會否有發展空間，他直言沒想過這回事，暫時工作為先，不打算拍拖：「我依家身份係Idol，自己唔會諗太多呢樣嘢（拍拖），我都接觸緊唔同層面嘅工作，真係分唔到心去做其他太多嘅嘢。」而問到擇偶條件是否較喜歡姐姐，他則說：「呢方面自己冇定限，最緊要合眼緣，(方皓玟合眼緣嗎？)只會當小明係前輩，我有傳短訊俾佢講唔好意思，唔想影響到前輩。」

現年26歲的LOOG 9成員冼靖峰，早前同44歲女歌手方皓玟傳出緋聞，兩人年齡差距大到可以做母子，不少人都覺得難以置信。

方皓玟上月作客TVB音樂節目《J Music》與冼靖峰合唱《分手總約在雨天》，有人撞到方皓玟同Archie在節目過後約會，齊齊去了尖沙嘴餐廳食飯。

Archie表示與LOONG 9成員嚴陣以待首個香港活動。

另外，談到LOONG 9拍手簽名會於6月9日舉行，同日MIRROR的陳卓賢（Ian）亦會在銅鑼灣舉辦生日展覽，Archie說：「我哋唔係踩場，同上次取消同一場地。」他又指唔介意LOONG 9被拿來跟其他人做比較：「我覺樂迷有得揀係好事，良性競爭先會促進樂壇發展，大家都做得好啲。」