娛圈事
驚險一刻照片曝光！
溫碧霞（Irene）早前出席陳淑芬生日派對時不慎遇意外，一把長髮遇火災，幸好助手發現敏捿及時撲息，幸好未有受傷，不過她就大受驚嚇！
溫碧霞日前出席金牌經理人陳淑芬的生日宴。
當時溫碧霞背靠吧枱拍照，身旁放有蠟燭。
Irene憶述當時意外：「驚死我，成把頭髮後面燒着曬，好彩內地助手發現夠敏捷幫我吹熄，否則毀容，睇番呢兩張相都好驚，嚇死我，頭髮燒到燶曬，嗰日影相，冇留意後面有蠟燭，挨住枱影相，頭髮向後，好彩內地助手幫緊我影相，見到頭髮後面着火，好快手咁幫我吹熄，好危險，神未甫定，已感覺到後面頭髮斷曬又好大陣燶味，好恐怖，好彩頭髮夠厚，遮著背脊沒有燒傷皮膚，只燒到面層的頭髮。」
疑因頭髮太接近燃燒中的蠟燭而著火。
險毀容！
女神真係好幸福！
最幸福靚太溫碧霞（Irene）將於下周二（7月30日）正日生日，Irene的老公何祖光（Kenny）特別為她精心安排一場生日派對，並邀請了Irene的至愛親朋出席，絕對是寵妻暖男。
溫碧霞（Irene）將於下周二（30日）正日生日。
Irene獲老公安排生日派對提早慶生 。
Irene和Kenny結婚24年，兩人婚後恩愛如昔，為慶祝愛妻生日，Kenny專程請來Irene的多年好友和同事出席生日派對為愛妻提早慶生，當中包括英皇經理人 Winnie及同事、商界女神胡曦文（Christy），愛子何國倫（Xavier）亦專程由美國返港為靚媽慶祝生日，而Irene當日身穿一襲白色吊帶連身裙，酥胸半露，十分性感。
Irene和Kenny結婚多年恩愛如昔。
甜蜜錫錫！
心情大靚的Irene在派對上滿場飛，除了與嘉賓們合照，又與老公甜蜜鍚鍚，場面溫馨。Irene事後表示：「因為我好耐冇喺香港，今次喺party上一次過見番好多年冇見嘅好朋友，好開心。」Irene又指今次派對全程由老公操刀，「佢送咗紮花畀我，因為我正日係30號，未知佢送咩禮物畀我。」
Irene生日願望是希望新片《謊島美人魚》大賣。
派對上Irene共收到5個相當精緻的生日蛋糕，Irene表示其中一個是老公送，自己亦訂了一個送給今個月生日的朋友，認真有心；提到生日願望，Irene表示：「最緊要心想事成，希望自己工作室繼續拍多啲好戲，新片《謊島美人魚》有好口碑同大賣，樣樣順意、身體健康，大家都開開心心。」Irene在派對後已飛到峇里島，並會在當地過一個火辣辣的生日。
Irene與好姊妹胡曦文開心合照。
Irene在派對後已飛到峇里島。
