教主有新造型相！
由MIRROR成員盧瀚霆（Anson Lo）演繹全新美髮造型工具ghd Chronos高清亮澤造型夾，自推以來即掀起全城搶購熱潮。
MIRROR成員盧瀚霆（Anson Lo）
教主有新相
演繹全新造型
品牌再度大派福利
花絮分享
教主Chok爆
鏡頭前後都魅力爆燈
神徒接收福利
散發獨特個人風格
釋出最新幕後花絮
品牌再度大派福利，繼早前發放Anson Lo驚喜造型照，讓各位神徒一飽眼福。今次再接再厲釋出Anson Lo出席活動時的幕後花絮及短片，以最新Chronos造型夾打造出一頭帥氣迷人的捲髮，配上潔白西裝，讓鏡頭前後的他都能保持魅力爆燈的狀態，一舉手一投足都散發著獨特的個人風格！大家還可以欣賞教主用ghd Chronos一滑一夾為自己打造全新髮型，快點跟上教主的步伐，入手同款造型夾，一起體驗ghd的極速造型力量！
Sammi第10場演唱會的表演嘉賓是MIRROR成員柳應廷Jer。
天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。
Sammi紅館騷來到節10場了！
車婉婉與囝囝
吳雨霏Kary、區文詩Angela
歐陽靖MC Jin
岑寧兒YoYo
Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。
Sammi再次換新裝，穿上Ralph Lauren牛仔晚裝配襯閃爆Swarovski珠寶。
Jer升上舞台與Sammi合唱《不要驚動愛情》。
2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」
Jer指今次只有自己一個人做嘉賓，所以特別緊張。
Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！
二人抱抱。
Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。
Sammi在Encore時換上Tomas Chan的小背心牛仔褲配Tiffany & Co.珠寶型格登場。
並獻唱唱新歌《盲盒》。
完騷後，Sammi孭住「薯片斜孭袋」到紅館外為Fans簽名和收禮物。
幾百Fans企滿場外和火車站外等待Sammi，非常熱鬧！
