福祿壽訓練學院丨郭珮文「迷女郎」上身瘋狂發呆勁搞笑 陳懿德連環出奇招補鑊成功入屋

由阮兆祥、李思捷、王祖藍主持的香港首個扮嘢真人Show《福祿壽訓練學院》播出第二集，除了參賽者，獲封「迷女郎」的郭珮文以及「補鑊專員Just A 竹」陳懿德亦引爆熱議。

以《鬼滅之刃》戀柱造型擔任「扮工室助理」的郭珮文（Juliana），連續兩集節目均鮮有發言，先後遭祖藍及思捷點名要求「對話」，當中以與思捷互動最為搞笑。當思捷準備淘汰其中一位隊員時，他故意說：「都要啲唔識講嘢嘅Cue我」，可惜被暗示接話的Juliana未能接上，思捷只能笑言：「佢堅持唔問喎。」

郭珮文變咗「迷女郎」。

郭珮文變咗「迷女郎」。

郭珮文變咗「迷女郎」。

郭珮文變咗「迷女郎」。

陳懿德（德德）見狀連忙幫忙打圓場之餘，亦嘗試提醒Juliana，幾經德德努力，Juliana終於「醒番」，嘗試cue回思捷淘汰流程，可惜未知是否太過緊張，Juliana一時間不但講不出思捷隊名，就連「班房」兩個字也說不清楚，令思捷相當無奈。由於Juliana表現太過「經典」，令不少網民懷疑是製作組故意設計橋段。

好彩全程有德德好心提醒同傍住。

不過佢始終都可能因為緊張開口夾著脷。

不過佢始終都可能因為緊張開口夾著脷。

不過佢始終都可能因為緊張開口夾著脷。

不過佢始終都可能因為緊張開口夾著脷。

場面搞笑到不得了。

至於在旁全程貼心的德德，亦因而贏盡網民讚賞，大讚德德抵得諗又肯做肯捱，紛紛對這位新一代「東張女神」進行起底，並直指德德之前在《香港小姐再競選》的腹語演出，是足以令人眼前一亮，演藝天份夠高！

德德之前喺《香港小姐再競選》嘅腹語演出相當impressive。

德德之前喺《香港小姐再競選》嘅腹語演出相當impressive。

學員再度扭六壬扮鬼扮馬！

《鄰住買特約：福祿壽訓練學院畢業Party感謝祭》將於今晚（21日）8點半翡翠台播映，節目由陳懿德、郭珮文（Juliana）擔任主持，三大導師阮兆祥、李思捷和王祖藍率領一眾學員，包括（排名不分先後）陶大衛、關嘉敏、黃建東、林樂熙、周百恩、莫家淦、彭建豪、趙頌宜、伍韻婷、陳柏曦、趙亮昭、麥嘉欣、劉倬昕、鄭詠謙、林妍、郭浩皇、葉泓聲、梁山山、黃潤成和馮彥中，與熱播劇《反黑英雄》主演陳山聰、姚子羚、朱晨麗、張馳豪、丘梓謙和曾文心大玩遊戲。今集節目優惠多多，除有大量感謝祭貨品於晚上9點半後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到現金利是！

《福祿壽訓練學院》一眾學員齊齊影畢業相，Btw德德好掗拃。

《福祿壽訓練學院》一眾學員在節目中繼續扮鬼扮馬化身經典惡人或恐怖角色，當中以黃建東、麥嘉欣、鄭詠謙和林妍的造型最為搶鏡。戴上長假髮的東東，化身電影《九龍城寨之圍城》中的爆紅角色「王九」，還原角色「招牌奸笑」後相似度更直達90%！在《福祿壽》初選時扮醜晒「反差萌」的麥嘉欣，則紮上孖辮化身電影《孤疑》主角Esther，倒模的造型加上陰森的笑容令人不寒而慄！鄭詠謙落足心機扮演Joker，除戴上綠色假髮兼化小丑妝，連Joker的招牌紫色西裝亦跟到十足。林妍戴上粉色假髮兼化超重眼妝扮演劇集《殺手》的易蘭，還以短打上陣大晒魚網絲襪。兩位主持的造型同樣搶Fo，Juliana穿上露腰裝大晒無敵纖腰扮演性感獄警，德德則孭住鐵欄和穿上間條衫扮犯人。

陳懿德（左）、郭珮文造型好搶眼。

郭珮文纖腰冇得輸。

郭珮文纖腰冇得輸。

東東扮王九，相似度達90%！

林妍魚網絲襪搶Fo。

麥嘉欣減甜化身電影《孤疑》嘅Esther，好陰森喎。

鄭詠謙嘅Joker造型都好搶眼。

葉泓聲玩到爆呔

首個遊戲「福祿壽 搶著數！搶櫈仔！」場面熱鬧，第一Round已經有逾20人一同上陣爭櫈仔， 音樂聲一停大家便蜂擁而上撞到一仆一碌，玩得落力的Gordon葉泓聲更激到爆呔，十分搞笑。之後的「 扭扭檸檸福祿壽」挑戰大家腰力，玩法是各隊派出一人上演1對1 Battle，兩人要穿上特製彈弓腰帶後並需於限時內瘋狂扭腰務求盡快得到鎖匙。身材Fit爆的朱朱原來腰力驚人，對戰伍韻婷時猶如裝上摩打般扭動蛇腰，以絕對實力秒殺伍韻婷，朱朱風騷地說：「我平時好鍾意玩呼拉圈㗎！」

廿幾人玩爭櫈仔，畫面震撼。

葉泓聲玩到爆呔。

朱朱喪扭蛇腰大晒驚人腰力。

「以訛傳訛福祿壽」考驗眾人的扮嘢實力，對於雲集好戲之人的「反黑英雄」隊來說絕對是小菜一碟，子羚大晒好演技一人分飾三角完美演繹「捉姦」，一時扮奸夫玩咀嘴，一時又嬲爆爆扮捉姦在床，場面搞笑；視帝山聰同樣玩得落力，不但肉緊地捉住丘梓謙的頭扮咀嘴，更激到差點撞冧道具隔板。李思捷挑戰演繹「刀鋸美人」，出名扮聲叻的思捷以口技完美演繹刀鋸聲音。

子羚大晒演技一人分飾三角扮「捉姦」。

山聰玩得落力。

思捷大晒扮聲神功。

但係畀豬隊友林妍拖累，關嘉敏睇到成頭問號。

最後的遊戲「對答如流福祿壽！！！」花生指數十足，玩法每隊派出6人出戰，  於限時10秒內輪流答對問題，答錯要接受噴面大懲罰。當中一條問題「令姚子羚快啲結婚嘅方法」掀起全場高潮，曾文心搶答「拍多啲劇」時，竟遭搞鬼的祖藍搭嗲謂：「好憎呢個答案，拍劇唔係為咗拍拖㗎！」之後眾人起哄指祖藍和老婆李亞男便是例子時，祖藍再笑笑口回應：「我反對，我哋係一齊咗之後，我先安排啲劇同佢一齊拍！」最後一條問題，思捷竟因一事被辣着搞到爆粗，想知問題到底是甚麼？密切留意今晚播出的《福祿壽訓練學院 畢業Party感謝祭》。

祖藍詐麥嘉欣型，到底咩事？

噴面大懲罰。

大家玩得好歡樂。

祖藍成日都口多多，好搞笑！

思捷因咩事嬲到爆粗？

精選圖片

精選圖片

張馳豪好大隻呀！