Skip to Content Facebook Feature Image

港司機行公路中「尿彈」佈滿車窗 網民逐格重播車cam助緝兇

社會事

港司機行公路中「尿彈」佈滿車窗 網民逐格重播車cam助緝兇
社會事

社會事

港司機行公路中「尿彈」佈滿車窗 網民逐格重播車cam助緝兇

2024年04月17日 12:30 最後更新:04月18日 18:42

有私家車司機在公路上中「尿彈」,尿液灑滿車窗如洗車,網民逐格重播車cam助緝兇:對面線的士!

司機行公路慘遇「尿彈狂徒」

有網民於Facebook群組「車cam L(香港群組)」上載一段片長17秒的車cam片段,顯示晚上時分,受害私家車司機正在公路上行駛,突然一個載滿尿液的容器猶如從天而降,砸向了車頭玻璃,容器撞擊後破裂,尿液像瀑布般灑滿車頭玻璃,司機視線受阻,場面既嘔心又危險。

(FB圖片)

(FB圖片)

網民紛紛譴責指心理變態

影片曝光後,網民紛紛譴責「尿彈狂徒」的無良行為「痴X線,佢以為玩緊Mario Kart呀?好危險呀」、「好嘔心,一啲公德心都無」、「點解要咁做?好好玩?發洩?心理變態?」、「如果驚青司機真係會抄咗!做佢啦」、「好陰濕!好賤格!求車主心理陰影面積」、「呢啲人應該落地獄」。

(FB圖片)

(FB圖片)

網民助緝兇:對面線的士!

不少熱心網民逐格放大重播車cam片段助緝兇,更一致認為對面線的士司機是尿彈狂徒「11秒睇到係對面架的士掉過嚟」、「重播左幾次...個樽好似真係對面線飛過嚟」、「真係對面掟,你重複0:10睇」、「兩邊都有車速,所以造成好似向前掉嘅衝擊!反覆睇片後,很肯定係個的士狗!」、「慢播左,對面dc9 扔過黎,放大睇,燈下面有個拋物線」、「的士佬先會屙喺樽,睇到係對面線掟過去」。

(FB圖片)

(FB圖片)

「亂拋垃圾出車外」屬違法行為可報食環

根據食物環境衛生署網站,司機或乘客亂拋垃圾出車外,最高可被罰款港幣$25000及監禁6個月。如市民遇見有人從車廂中拋擲垃圾到車外,可向食環署舉報個案。市民可在食環署各區環境衞生辦事處及民政事務總署各區民政事務處索取「車上拋擲垃圾-舉報表格」,也可從食環署網頁下載表格。

(FB圖片)

(FB圖片)

帖文來源:Facebook群組「車cam L(香港群組)

往下看更多文章

跑馬地的士「大地任我行」直剷行人路駕駛險撞途人 網民:已舉報

2024年05月28日 11:30 最後更新:11:48

以為做緊戲!跑馬地一輛紅的直剷行人路,更差點撞到路上途人,非常驚險。影片曝光引網民批評「離晒譜!大地任我行」。

(FB影片截圖)

(FB影片截圖)

跑馬地紅的直剷行人路

有網民於Facebook群組「車cam L(香港群組)」上載影片,事發地點為跑馬地,當時一輛未有載客的紅色的士直剷上行人路,更差點撞到在路上的途人,非常危險。

司機並未即時倒車 反而繼續行駛

更令人匪夷所思的是,該的士剷上行人路後,並未有即時倒車離開,而是繼續架駛前進,路上的途人要不斷閃避,險象環生。樓主表示已向有關部門舉報事件。

(FB影片截圖)

(FB影片截圖)

網民鬧:「離曬譜」

片段曝光後,不少網民指責司機危險駕駛「呢個真係誇張咗啲」、「離哂譜!大地任我行」、「夠做老危,影埋樣!」、「鏟上人路,對行人產生極大危險,屬於危險駕駛,即時報警」、「仲要咁多行人行緊,一定要做佢啦!」、「D 的士佬。真係痴線 。仲話加價。又放蛇。係香港人都唔撐您地」、「究竟有冇基本駕駛知識?」

有人則笑言「咁型得唔得呀?」、「仍然自由自我⋯永遠高唱我歌⋯走遍千里⋯」、「香港真係一個好自由嘅城市,呢種行為我哋應該要同全世界啲朋友講」、「一個咁出色嘅男人,就好似漆黑中嘅螢火蟲」、「咁樣去公廁快啲?」、「每分每秒都想上落幾百萬⋯條馬路塞車咪揸上行人路囉。你哋應該包容唔好針對佢」

(FB影片截圖)

(FB影片截圖)

危險駕駛最高可被判處監禁3年及罰款2.5萬元

根據法例,任何人在道路上危險駕駛汽車,即屬犯罪,一經循公訴程序定罪,可處第4級罰款及監禁3年;一經循簡易程序定罪,可處第3級罰款及監禁12個月。至於危險駕駛最高可被判處監禁3年及罰款2.5萬元,如屬首次被定罪,可被停牌至少6個月,再被定罪,則可被停牌至少2年,另外須強制修習駕駛改進課程及記違例駕駛10分。

(FB影片截圖)

(FB影片截圖)

帖文來源:Facebook群組「車cam L(香港群組)

你 或 有 興 趣 的 文 章