又公開指責張致恒？雯雯自爆屋企被cut電：請問你想我點？！

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋企發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。

希望今次做得耐啦。

有「離婚界KOL」之稱的張致恒（Steven）與太太區燕雯（雯雯）四年抱四，一家六口長期經濟困難，衣食住都有問題，更要PO QR code向網民借錢解決。雯雯亦經常網上放負又公開數臭老公，雖然張致恒偶爾生性，返不同的兼職，又曾北上登台，但始終「死性不改」，工作不久就被老婆爆「揀工」、「不務正業」等。近日，早前曾報喜考獲地盤平安卡的張致恒就被發現現身地盤開工。

一家六口。

兩公婆經常呻窮。

雯雯曾公開一家人因欠租多時而被業主趕走。

張致恒做過不同兼職。

又曾北上登台。

但工作不久就被雯雯公開數臭。

有網民在「小紅書」分享張致恒在地盤工作的照片，並留言：「努力工作吧，希望能堅持。」相中可見，張致恒頭戴黃色安全帽，與其他工友有傾有講，不少網民都為他找到工作感到高興，並留言為他打氣：「肯做就好啦」、「加油啊，腳踏實地總歸是好的，希望能堅持」、「只要努力工作賺錢養家就值得鼓勵，要好好堅持工作啊，要養小朋友們的」、「加油，要堅持啊史提芬」、「自食其力不丟人，希望他能堅持吧」，但亦有人並不看好，「做到3個月先算啦」、「肯工作养家就行，就怕做一天就跑了」。

張致恒於上月報喜考獲地盤平安卡。

近日終於有工開！

昔日好友吳浩康於去年離開效力20年的英皇娛樂，為養家便跨界做「職安真漢子」，並拍片分享地盤工作日常，憑自力更生的好男人形象人氣急升，網民紛紛大讚勤力又有擔當，當時就有不少人建議張致恒學吳浩康打地盤工，而吳浩康出席活動時透露曾邀請張致恒加入做地盤，但就因為當時對方已有朋友介紹其他工作而拒絕，之後張致恒又曾在IG上開直播中堅拒做地盤，但最終都要面對現實，接受到地盤工作。

吳浩康離開英皇後，為養家便跨界做「職安真漢子」。

不時拍片分享地盤工作日常。

不過，吳浩康沒有放棄音樂事業，更以地「地盤佬」Look開音樂會。

張致恒曾在IG上開直播時拒絕跟吳浩康做地盤，但最終他都要面對現實。