港女會計師「連續工作68小時」過勞暈倒更思覺失調 親弟勸考生：不要入行！

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區

車cam片段曝光，觀塘繞道有的士行駛期間，後座乘客竟「隊個BB出窗」十分危險。網民驚訝：唔係親生？

的士乘客「隊個BB出窗」

有網民於Facebook群組 「車cam L（香港群組）」上載一段影片，留言「隊個BB出窗感受夏天的風」。事發地點為觀塘繞道公路上，影片顯示一輛的士行駛期間，後座有乘客舉高一名嬰兒，令嬰兒不時把頭及手探出窗外，非常危險。若然中途有車高速駛過，後果不堪設想。此舉維持將近20秒後，乘客才把車窗關上，影片就此結束。

(FB影片截圖）

網民鬧「痴x線」

影片曝光後，不少網民批評涉事乘客的危險行為「痴x線」、「個bb 應該唔係親生」、「坐的士本身已經夠危險仲做呢啲行為」、「跌死唔緊要，唔好搞到消防、救護員勞師動眾」、「出左事的話，會唔會賴DC唔阻止佢咁做」、「唔係卦？咁好玩？真係冇腦㗎喎」。

網民估計另有原因

有人則猜測「係咪bb想嘔，又無膠袋之類，所以隊佢出去」、「可能係架的士太臭」。

(FB影片截圖）

搭乘交通工具伸頭伸手出車或已違法

而根據香港法例第374D章《道路交通(公共服務車輛)規例》第46條，公共巴士、公共小巴或的士之乘客，在車內或車上時均不得將身體或肢體探出，或放在車輛之外，以致伸出道路上，任何人無合理辯解而違反規定即屬犯罪，一經定罪，可被罰款港幣5,000元，及監禁6個月。

(FB影片截圖）

帖文來源：Facebook 「車cam L（香港群組）」