香港婚後事｜黎諾懿大方分享化解與富貴太太背景差距妙招 張振朗自揭曾網上識女仔

今集《香港婚後事》請來張振朗及朱敏瀚擔任節目嘉賓，並大談對「約炮新世代」、婚姻觀與家庭觀的看法。

綜藝節目《香港婚後事》由劇集《婚後事》四位主角陳自瑤（Yoyo）、賴慰玲（阿賴）、黎諾懿及羅天宇主持，今晚（5月2日）播出的第三集，與張振朗、朱敏瀚因合作《反黑路人甲》結緣的阿賴，為答謝好友一口答應擔任節目嘉賓，眾人大談對「約炮新世代」、婚姻觀與家庭觀的看法。

朱敏瀚

張振朗

作為「無飯主婦」的阿賴與Yoyo親自 準備shabu shabu招待兩位「牛魔王」，六人邊吃邊開「研討會」，鬥坦白的同時還鬥互窒，氣氛相當熱熾。六人之中，振朗、朱仔及天宇均尚未成家，份屬好友的振朗及朱仔原來婚姻觀相當類近，除每次拍拖均會以結婚為前提，又不約而同認為要有經濟基礎才可成家。

賴慰玲係「無飯主婦」。

賴慰玲同Yoyo一齊準備shabu shabu火鍋。

用嚟招待兩位好友嘉賓張振朗（左2）同朱敏瀚（右3）。

朱敏瀚詞不達意搞到振朗笑到見牙唔見眼！

不過，振朗回應結婚話題時，一再強調 「錢唔係最大嘅問題」，期間驚爆一句：「講有錢要問番黎總先得！」Yoyo見狀即搞笑釋出「問題兩連環」攻擊黎總：「你幾歲結婚？」、「我唔知你嗰時有冇依家咁有錢」，嚇得振朗急急補鑊：「我哋唔好再喺黎總面前講錢！」雖然成為被玩對象，但諾懿還是大方回應與太太「女尊男卑」的問題：「嗰時以我嘅能力，要追趕我太太係冇可能嘅事。但嗰時真係鍾意…」之後諾懿一本正經分享如何以一招贏得太太信任，內容真摯感人。而現年36歲的天宇則坦言心急結婚：「40（歲）都係大嘅年紀，都急（結婚）嘅。」

講到結婚議題，振朗話錢唔係最大問題，但目前就以事業為重先。

「黎總」黎諾懿躺著也中槍。

取代羅天宇成為被窒對象！

Yoyo打蛇隨棍問諾懿當年結婚「有冇依家咁有錢」。

Yoyo打蛇隨棍問諾懿當年結婚「有冇依家咁有錢」。

諾懿承認自己當時嘅能力遠遠不及太太，並大方分享如何化解二人之間的分歧。

六人還圍繞了《婚後事》其中一個核心思想「約炮世代，性愛分開」進行討論，振朗自爆中學時曾透過聊天室約異性出街，更勁老土地以「紅玫瑰」做相認記認：「嗰時主要都係傾偈，傾傾吓就會試吓約出嚟。但因為嗰時好細個，咪約幾個Friend一齊，講話著咩色衫，咬住支紅玫瑰做記認咁。」振朗又指由於當年科技未夠發達，聊天室不設頭像，故有很大想像空間，盡顯浪漫一面：「會諗諗呢個係咩女仔，可能會諗到好多美滿嘅事情。」而振朗當年的「網戀」，最後因一個原因泡湯，到底係乜？思想開明的振朗又認為「約炮」並非「不良好事情」：「男未婚女未嫁，試多幾個有咩問題？約炮只係一個名，點都有愛意喺入面。」並分享了好友由約炮演變到結婚生仔的故事。

諾懿將當年嘅通訊程式「ICQ」講錯做「ICU」，引發全場大笑！

諾懿將當年嘅通訊程式「ICQ」講錯做「ICU」，引發全場大笑！

振朗自爆中學時期曾網上識女仔，約出街見面嘅信物竟然係紅玫瑰？！確係正。

振朗自爆中學時期曾網上識女仔，約出街見面嘅信物竟然係紅玫瑰？！確係正。

振朗話「約炮」被世人標籤為唔好嘅行為，但佢認為男未婚女未嫁試多幾個冇咩問題。

今集繼續有情境題Q&A，包括「會否接受『多人運動』」及「約炮發生在仔女身上，作為父母可接受？」等，不過最搞笑的，莫過於諾懿問振朗及朱仔「會唔會揀賴慰玲做老婆」，結果兩人異口同聲因為一個原因嫌棄阿賴，朱仔更指覺得二人在教小朋友方面很大分歧：「我試過同埋佢個仔一齊坐地鐵，佢個仔喺度郁嚟郁去，當然好乖冇搞到其他人，我就心諗如果呢個係我個仔，我一定會叫佢坐低。」振朗聞言即勁搞笑謂：「我估唔到朱仔已經諗到咁遙遠，完全冇呢個幻想嘅餘地。我同佢（阿賴）太friend，我冇諗過，我有啲想嘔。」想親眼直擊六人七嘴八舌一刻，密切留意節目！

諾懿拋出多條情境題，大家又會點答呢？

諾懿拋出多條情境題，大家又會點答呢？

諾懿拋出多條情境題，大家又會點答呢？

大家傾得好開心！

今集開首又有小劇場。

今集開首又有小劇場。

今集開首又有小劇場。

今集開首又有小劇場。

今集繼續有彩蛋，就係賴慰玲玩快問快答！

今集繼續有彩蛋，就係賴慰玲玩快問快答！

大合照

「林雪兒」慘死下線惹「民」憤，姚子羚爆遭「意難平」網民留言「詐型」

由騰訊視頻和TVB聯合製作，王娟、鍾澍佳擔任總監製、方浤酌擔任監製的警匪劇《大棧即食蟲草燕窩特約：反黑英雄》，本週一至五晚8點半翡翠台播映結局周，主要演員包括陳山聰、張振朗、袁偉豪、張頴康、朱晨麗、姚子羚、傅嘉莉、黃子恆、林景程、何沛珈等。24日播出的第23集，女主角林雪兒（姚子羚飾）竟慘死在大奸角陳祖耀（袁偉豪飾）手上 ！劇情講述林雪兒殺了「太子」（謝可逸飾）後遭「太子」父親「金爺」（李家鼎飾）追殺，為爭取時間逃亡，林雪兒向金爺開出十億港元「換命條件」…經過一輪追逐，心知大限已到的雪兒，向初戀情人徐國賢（張振朗飾）道出殺死「太子」真相其實是為了保護對方，就在徐國賢自責難過的一刻，林雪兒選擇「告別」，最終於停機坪遭突然殺出的陳祖耀活活勒死！

林雪兒畀金爺叮到實一實。

原本佢諗到「移形換影」大法甩身。

但都係畀金爺悉穿咗，搞到畀人追殺。BTW，子羚開槍好型。

好彩阿賢喺最危急時趕到。

呢個動作型！

張振朗姚子羚獲封「白月光CP」。

張振朗姚子羚獲封「白月光CP」。

子羚呢幕被勒死戲做得相當逼真。

呢個情景加埋啲林雪兒徐國賢回憶Flashback，真係好淒美。

姚子羚同袁偉豪第一次正式合作，就係畀對方殺死。

對於女主角「逆光環」下線，不少網民大感難過兼難以置信，責怪編劇「殺死」林雪兒的同時，又直指振朗與子羚這對「白月光CP」既浪漫又虐心，是令人「一看就上癮」的CP配：「最愛他們這一對，眼裏好有愛，都很深情」、「他倆很般配，完全不夠看」；據知，林雪兒雖然已死，但餘下兩集還會曝光更多關於雪兒和徐國賢的虐心浪漫位，有搶先看過大結局的網民留言直指：「最後三集很好哭」，絕對值得期待。對於與振朗CP配成功入屋，姚子羚受訪時笑言多謝觀眾支持：「啲網民都戥我哋緊張，特別係已經睇埋結局嘅內地網民，佢哋都仲有留言畀我哋話『意難平』，話好唔相信個結局係咁。子羚續指今次是首次真正跟振朗合作演感情戲：「我哋本身都熟嘅，所以演起嚟都有默契。」又甜笑著大讚振朗眼神確實深情：「有唔少人讚佢Bling Bling眼。」談到昨晚被振朗拖著逃亡的場口拍得十分唯美，子羚透露劇組拍時落足功夫、心機及時間：「我記得導演拍嗰時想唯美同淒美啲，所以佢哋都花咗唔少時間去拍啲Shot，仲擺咗一條好長嘅車軌去褦住我哋拍，我好少見有咁長車軌，就係為咗追住個日落。佢哋有拍手又有拍剪影，我覺得都係呢啲咁唯美嘅鏡頭，令到呢對CP嘅感情線更加豐富。」至於與振朗型到爆裂的「一跪一企」開槍畫面，子羚笑言有「諗過度過」：「我有思考要型啲定係生疏啲，因為林雪兒人設上冇殺過人，除咗太子，又唔係好識打，但為咗配合番型到咁嘅振朗，我都決定咗要型番少少，好開心網民都好滿意個效果，林雪兒終於有個型啲嘅Shot。」

呢段咁唯美浪漫嘅逃亡戲，係台前幕後花咗好多心思拍。

影手係佢哋嘅重點。

呢幕強忍傷痛同強裝歡顏嘅道別戲好正！徐國賢亦終於向林雪兒坦白咗臥底嘅身份。

除了振朗，子羚與袁偉豪Ben原來亦是首度正式合作，子羚更笑言與Ben劇中唯一一場對手戲就是遭對方勒死，並大讚Ben很照顧對手：「拍呢場戲前有同武術組溝通，佢哋話會用鋼絲勒死我，但就做足安全措施喺鋼絲度套咗條膠管，等我唔會𠝹親，阿Ben好錫我，因為場戲講我被勒到要瞓落佢度，我哋試位時阿Ben有用隻腳頂住我，等我唔會跌低。到正式拍時，我都有叫Ben放心畀力，等我可以演得真實啲。因為勒頸個反應其實幾難演，因為要有嗰種窒息感覺先至真，武指有畀貼士我話拍時可以閉一陣氣，令自己缺氧，當你缺氧暈暈地時就係嗰種感覺，咁先有啲生理反應配合到，所以拍嗰陣我都有忍住呼吸。」

姚子羚同袁偉豪第一次正式合作，就係畀對方殺死。

昨晚另一焦點，是當雪兒與徐國賢進行移形換影計劃蒙騙金爺時，在劇中飾演雪兒「背替」的曹銦玲，除了因為其背影與子羚真的有八成相似外，曹銦玲於22集閃現時，亦早已吸引不少網民關注大讚靚女。翻查資料，透過第31屆藝員訓練班加入娛樂圈的曹銦玲，除了是兒童節目《Hands Up》主持、並在節目中飾演「蚌蚌公主」，也曾出演處境劇《愛·回家之開心速遞》「綠茶婊」小瑤一角。被指樣子酷似年輕版前「電波少女」梁雪湄的曹銦玲，以可愛路線及甜美笑容見稱，加上樣子清純、身材姣好及GFable，難怪贏得不少網民歡心。銦玲受訪時，笑言為子羚擔任「背替」絕對是機緣巧合：「嗰場原本唔係我做替身，但因為原本個替身髮色同子羚唔一樣，佢哋覺得唔似，咁啱我頭髮顏色同子羚接近啲，所以先轉咗我做替身，都係嗰日臨時發生嘅。」對於首度與「電眼張振朗」有對手戲，銦玲坦言很開心，原因是能近距離目睹對方拍攝埋身打戲：「佢同武指傾咗兩、三吓點樣去，就可以即刻做到成個效果出嚟。」

姚子羚同袁偉豪第一次正式合作，就係畀對方殺死。

曹銦玲IG靚相。

曹銦玲有演出過《愛‧回家》。

仲係《Hands Up》女主持之一。

佢之前讀藝訓班時，袁偉豪係導師之一。

曹銦玲細細已經好靚女，仲有啲似唐寧添。