Mayanne小喇叭丨周家蔚遭細仔禁「暴露」周吉佩細仔入行有望？

星二代才藝晒冷騷Quali！

適逢明日（12日）母親節，無綫推出特備節目《Mayanne小喇叭 加長版》，繼續由麥美恩（Mayanne）擔任主持、曾展望（GM）擔任助理主持，今晚（11日）8點翡翠台播映。本集邀來三個家庭包括林盛斌（Bob）、洪天明及周吉佩（吉吉）一家大細，分享親子趣事，大談育兒經，有笑有淚勁溫情。

（右）麥美恩、曾展望分別擔任主持和助理主持。

洪家（左起）：周家蔚、洪竟琋（JT）、洪天明、洪大仁（TJ）

林家（左起）：Pearl、Jaye、Kaye、Bob

周家（左起）：周吉佩、波仔、包包、Louise

三個家庭輪流分享育兒經及親子趣事。

洪天明與周家蔚育兒理念不一致？
節目開首，三個家庭先後「晒冷」騷quali，小朋友輪流表演擅長才藝，Bob三女林機兒（Kaye）和孻仔林道申（Jaye）分別表演藝術體操和跆拳道；洪天明細仔洪竟琋（JT）表演體操晒真功夫，並由大仔洪大仁（TJ）拉大提琴伴奏。吉吉則彈結他與仔女玩Jam歌，女兒周洛澂（包包）負責主唱，兒子周煥林（波仔）則擔任鼓手。談到培養子女興趣，天明認同Bob應讓他們自行選擇喜愛的興趣，而非單是滿足父母欲望，並坦言不認同太太周家蔚安排大仔表演大提琴：「我覺得呢個唔係佢強項，亦唔係學咗好耐，有時家長喜歡嘅嘢，無意間迫咗小朋友去做…要小朋友自己enjoy學嘅嘢，先pick up得好。」

Kaye表演藝術體操，大晒柔軟度。

細佬Jaye大耍跆拳道顯身手。

身為爸爸嘅Bob興奮大叫！

洪家兄弟檔演出，哥哥TJ拉大提琴，細佬JT表演體操。

天明坦言唔贊同大仔表演大提琴。

周家蔚談小管家JT：「去水上樂園短褲都唔得」
正所謂「童言無忌」，自然經常「語出驚人」！周家蔚透露JT是小管家，曾坦言不接受媽媽衣著暴露：「佢唔畀我著泳衣，去水上樂園短褲都唔得。我問佢驚咩呢，佢話驚我cheat，每次阿仔管我，天明都喺後面笑！」吉吉太太Louise指波仔個性古靈精怪，令她「唔知好嬲定好笑」：「有次我話記得提媽咪買漱口水，佢就話『我知，牙肉萎縮嘛，你都40㗎喇』，呢個係廣告slogan！」波仔更即席神模仿廣告Tone，引發全場大笑。Bob亦藉此爆料指女兒越來越有反社會人格。一眾父母又分享調停子女打鬧絕招，到底是甚麼？密切留意節目！

吉吉父子父女檔jam歌。

周家蔚同Pearl被選為「惡媽」。

周家蔚同Pearl被選為「惡媽」。

齋望Bob同天明握手，已經聽到「I know that feel bro」！

Bob爆料指女兒越來越有反社會人格。

細仔嚴管家蔚衣著，原因竟然係擔心媽媽對爸爸不忠？！

Louise分享波仔童言無忌經歷，仲即場示範，引得主持們大笑！

Louise分享波仔童言無忌經歷，仲即場示範，引得主持們大笑！

細仔JT（右）撐腰模仿媽咪，相當搞笑！

Bob感激太太教仔女教得好。

之後Mayanne又拋出「屋企邊個最惡」的「超．現實」快問快答問題，大部分子女投票覺得媽媽最惡，Pearl和家蔚均當選為「惡媽」；Bob還不時與天明握手表達「I know that feel bro」的心情，相當抵死！Mayanne還測試了小朋友對父母有多了解，在「默契大考驗」環節拋出「爸爸做咩最易激嬲媽咪」、「爸爸激嬲完點氹番媽咪」等，當中有小朋友踢爆爸爸愛玩手機，甚至有人嫌老婆「老」，究竟邊個咁大膽？

天明發表愛的宣言，令家蔚感動到眼濕濕。

天明發表愛的宣言，令家蔚感動到眼濕濕。

天明之後仲咀嘴老婆sweet爆！

吉吉感激太太陪伴度過低潮期。

吉吉感激太太陪伴度過低潮期。

Bob感激Pearl教仔女教得好
爆完一輪「童言無忌式」家事，子女親自DIY母親節卡送給媽媽，更和爸爸親吻媽媽以表愛意，溫馨滿載錄影廠；爸爸們亦藉此向太太發表愛的宣言，感謝她們一直以來無條件為家庭付出，當中天明的話令家蔚感動得熱淚盈眶：「其實佢比較想專注事業，但為咗我放棄咗，仲為咗我生小朋友，而我同其他家庭唔同，成日唔喺度，佢一個人好辛苦……我覺得佢真係好唔容易，真係要thank you媽咪。」身為一家之主的Bob為擔起頭家努力在外賺錢，他感謝Pearl「一打四」將頭家打理得妥妥當當：「細路都好生性、好明白（事理），我就覺得（自己）點辛苦都值得。」吉吉則感謝Louise在其每個人生低潮期均陪伴在側。

仔女DIY心意卡送畀媽媽們。

仔女DIY心意卡送畀媽媽們。

仔女DIY心意卡送畀媽媽們。

指定動作：溫馨咀嘴！

指定動作：溫馨咀嘴！

吉吉激動擒上太太度獻吻！

東張六大女神之夜！

由麥美恩（Mayanne）擔任主持、曾展望擔任助理主持的清談節目《Mayanne小喇叭》，乘勢追擊加推「加長版」篇章第二擊，並於明晚（15日）8點翡翠台播映，延續小喇叭精神。本集邀請《東張西望》六位女神吳幸美、李旻芳、何沛珈、梁敏巧（Maggie）、陳懿德（德德）及黎寬怡（貓仔），分享採訪辛酸史，及工作期間遇過的奇聞逸事，內容笑中有淚。

今集嘉實係《東張西望》六位女神（左起）：梁敏巧（Maggie）、何沛珈、吳幸美、黎寬怡（貓仔）、陳懿德（德德）及李旻芳。

Mayanne、曾展望

貓仔撞樣吳幸美竟是成為《東張》一份子的原因？！

節目中，六位「東張女神」輪流講出自己勝任《東張》主持崗位的重要元素，李旻芳自覺勇字行頭，甚麼都肯做；Maggie和德德入行前則同樣做過記者及小編；貓仔笑言可能樣貌與元祖級「東張女神」吳幸美相似，不時被認錯為對方；何沛珈更激罕公開面試時監製其中一條問題：「佢問我驚唔驚曱甴、老鼠，我話連屍體都唔驚。」自認夠貼地、在街坊心目中似女兒般親切的吳幸美，對於當年做「測試專員」試飲「斷片酒」成代表作，幸美坦言曾擔心被指扮醉，並澄清當時真的喝醉：「條片係想嘗試話畀大家聽，女仔飲咗酒有機會有危險，後尾條片畀政府買咗嚟做宣傳教材。」

吳幸美自認夠貼地，曾被街坊指像女兒一樣親切。

李旻芳勇字行頭，咩都肯做！

Maggie同德德入行前做過記者及小編，零舍有份使命感。

Maggie同德德入行前做過記者及小編，零舍有份使命感。

貓仔成日被認錯做吳幸美（左），並笑言呢個係可以加入《東張》嘅原因。

李旻芳都試過被人認錯係幸美！

幸美當年試飲「斷片酒」嘅片段，被政府買咗嚟做宣傳教材

談到《東張》主持不時要深入「鼠」穴及曱甴屋採訪，貓仔和Maggie曾體驗過老鼠和曱甴發出的360度「環迴立體」聲效，而且已懂得分辨垃圾、曱甴屎甚至死老鼠的氣味；她們又指追訪期間不時遇上驚險事，旻芳透露有次到圍村拍攝，攝影師遭惡人叉頸兼粗言穢語問候，對方更向她作出恐嚇，旻芳坦言當時覺得生命受到威脅：「第一次拍嘢拍到腳軟！但當時做緊嘢已入咗working mode，就算佢哋咁樣對我哋都繼續。」貓仔則憶起到元朗大橋街市採訪「蛋蛋姐」經驗，當時有指「蛋蛋姐」曾擸刀刺大伯，而且檔口總插著一把菜刀，故採訪帶有一定危險性，貓仔說：「當時要確保電視框入面見到我同佢，又唔可以畀佢拮到，睇住有咩動靜要即刻彈走！」

何沛珈唔單止唔驚曱甴、老鼠，就連屍體都冇有怕！

Maggie曾深入「鼠」穴及曱甴屋採訪，真實體驗過360度「環迴立體」恐怖聲效！

貓仔話依家識得分辨垃圾、曱甴屎，甚至死老鼠嘅氣味！

李旻芳講媽媽勁感觸

多次在屯門採訪至報警收場的Maggie，笑指在該區警署「File成呎厚」，她透露採訪大媽聚集公園賣唱時，不但遭疑似忠粉叔叔爆粗恐嚇，對方更動手推跌攝影師，並在攝影師身上抓出多道血痕：「我哋唔會主動報警，除非人生受到傷害，或有人犯法，通常係當事人報警話我哋騷擾佢，所以要記低資料。」旻芳透露母親常為其工作感到擔憂，說到此處更不禁淚水盈眶哽咽道：「每次節目出街後都會問我有冇事，聽到媽咪咁講…我哋做嘢雖然係好辛苦，但幫到人覺得好值得。」

Maggie試過見證攝影師被人推跌，兼被抓出多道血痕！

李旻芳話媽媽睇到驚險採訪片段後會好擔心，講起媽媽時更不禁感動到眼濕濕！

李旻芳見證同行攝影師被叉頸，坦言當時感到生命受威脅！

除了投訴和驚險case，《東張》亦會為有需要人士作出器官捐贈呼籲，並曾促成好事。幸美曾採訪一名20多歲女子，因心臟有事一直等待移植機會，其痴情男友一直堅持在旁守護，並希望手術成功後與她結婚，幸美憶述：「節目出街後真係有人捐心，亦冇排斥，佢哋最後結咗婚、組織咗好好嘅家庭，好感動，我哋《東張》幫到人。」做過護士的何沛珈，坦言入行後曾感到迷失，惟加入《東張》後找回初心：「透過每一次嘅case、訪問搵番初心，原來做artiste可以透過另一份工作去幫到人，搵番個意義出嚟。」

咩事聽到主持眼都凸埋呢？

「東張女神」有dress code？被指賣弄性感主持點睇？

「東張女神」正義感夠煞食之餘，她們的貼身、小背心造型亦經常備受網民關注，錄影當日Maggie一如以往穿開窿上衣亮相，德德吊帶裙亦十分吸睛，令Mayanne不禁問到「東張女神」是否有dress code！想知道一眾「女神」點答，且對被外界認為賣弄性感有何看法？密切留意明晚節目。