林嘉欣透露準備到加拿大入住自己設計的Dream House

林嘉欣出席活動時指嚟緊到加拿大旅行。

Louis Vuitton 於香港瑰麗酒店Harbour House舉辦Savoir Rêver 2024活動，滙聚城中時尚名人，當中包括林嘉欣、張敬軒、周秀娜、王丹妮、廖子妤、魏浚笙、吳家忻(Kayan9896)、柯煒林、朱鑑然、梁仲恆及盧鎮業等，率先欣賞品牌無與倫比的工藝，並頌讚品牌獨具的生活藝術。

張敬軒出席活動時表示，作為「傢俬癡」的他，當刻最大的夢想就是想把場內所有家品放入囊中，更笑言將訂單直接交給經理人。當中，他最喜愛的是以法國巴黎艾菲爾鐵塔為設計靈感的艾菲爾鐵塔Tower trunk。而林嘉欣則順便挑選了母親節禮物 – Flower Trunk，因為此Flower Trunk把經典花卉行李箱重新演繹，可以隨着自己的心情，擺放不同的花藝。另外，她更透露下個旅行的目的地是加拿大，入住自己設計的Dream House。周秀娜透露自己熱愛大自然，所以夢想的生活是住在近大海或湖邊的地方，多接觸大自然，自己的心情也會變好，如果能在家居中擺放一套Disco Trunk就更圓滿，因為齊集所有開party的用品，又有型。至於大忙人魏浚笙（Jeffrey）在活動時一看見品牌供度身訂造的桌球枱就愛不釋手，忍不住使出真功夫！他表示最愛的單品是Disco Cocoon吊椅，放在家中猶如回到80年代。他更透露下一個旅行目的地是夏威夷，希望可以度過一個輕鬆的假期。

張敬軒係「傢俬癡」

笑言將訂單直接交給經理人

夢想就是想把場內所有家品放入囊中

林嘉欣順便挑選了母親節禮物

透露下個旅行的目的地是加拿大

到時入住自己設計的Dream House

周秀娜透露自己熱愛大自然

夢想的生活是住在近大海或湖邊的地方

她想齊集所有開party的用品

Jeffrey一看見品牌度身訂造的桌球枱就愛不釋手

王丹妮都有出席

廖子妤到場欣賞品牌工藝

吳家忻(Kayan9896) 一定不會錯過品牌活動

軒仔興奮地的表示見到一位外籍女士識唱《餘震》，是他第一次見到有外籍人士唱他的歌！

張敬軒日前正式展開「The Prime Classics HINS CHEUNG LIVE張敬軒演唱會」美加巡迴，首站於美國拉斯維加斯舉行，這亦是繼去年倫敦三場、澳門十四場後，第十八場「The Prime Classics」的演出。

張敬軒美加巡迴演唱會首站於美國拉斯維加斯舉行。

作為美加巡首站，這次場地位於拉斯維加斯Caesars Palace的The Colosseum，以往有不少國際級歌手曾於這個場地演出，如Celin Dion及去年軒仔來看她的show的Adele，絕對是殿堂級的場地。據知，場地已多年未有邀請華人歌手到場演出，難怪軒仔表示既榮幸又興奮，而且亦覺得別具意義，「今晚可以企喺呢個舞台上面，好開心，我仲用Adele嘅化妝間同埋坐佢張櫈㖭呀！」

演唱會在拉斯維加斯Caesars Palace的The Colosseum舉行。

Celin Dion及Adele都曾在同一場地舉行演唱會。

雖然相距一年再於拉斯維加斯開show，再加上日前微軟死機，令各地機場大癱瘓，但各地歌迷如紐約、芝加哥、洛杉磯、西雅圖及墨爾本等，依然排除萬難到場睇show，軒仔十分感謝，「多謝大家不理千里、萬里嚟到拉斯維加斯嚟睇我嘅演出，知道增加咗佢哋嚟嘅難度，有啲要飛廿幾個鐘、有啲飛咗去某個地方，然後要坐十個鐘頭車到，各式其適以唔同嘅方法抵達演唱會場地，好彩大家都可以齊齊整整嚟到。」

軒仔感謝歌迷在微軟全球死機下都排除萬難到場睇show。

當晚演唱會歌單除了新歌《青春告別式》，亦有不少軒仔的代表作，如《櫻花樹下》、《笑忘書》、《餘震》等，都變成「大合唱環節」，當大合唱完《餘震》後，軒仔興奮地說：「你哋知唔知啱啱嗰刻知唔知發生乜嘢事？我喺台度，好多朋友同我一齊唱呢首歌，突然之間見到呢位外籍女士，佢識唱《餘震》呀！佢真係好犀利！突然間令到我覺得自己好似一個外國明星，好犀利呀！我第一次見到有外籍人士唱我啲歌，除咗我『遮遮』之外。好神奇！我想話，你（外藉女士老公）都真係好有福氣，你老婆愛你愛到連廣東歌都學。」隨即全場歡呼。

軒仔唱出新歌《青春告別式》及其他代表作。

歌迷一齊大合唱。

又大騷舞技。

演唱會亦有落台握手環節，不過落台前，軒仔語重深長地着歌迷要冷靜一點，原來因為去年新加坡站的「陰影」，更笑說大家不用錫住他，最緊要錫住支咪，「上次我哋喺新加坡，因為大家太熱情已經撞跌我支咪，我支咪特登send去德國整，整咗我兩隻勞力士嘅價錢，所以希望陣間大家唔錫住我唔緊要，一定要錫住我支咪，知唔知？哈哈。我好易搞嘅啫，但係我支咪難搞。」歌迷亦十分聽話，最後軒仔人咪安全返回台上。

軒仔更落台與粉絲握手。

除此之外，向來寵粉的軒仔這次亦帶了T恤送給歌迷，而且他更「效法」Adele去年演唱會上派發給歌迷T恤的方式，不過是「加強版」，「佢送禮物送T恤俾觀眾係有支槍嘅，一射就射到好遠，但今次我冇準備到支槍，但我準備咗一支炮！因為佢應該可以射到好遠，哈哈。好彩今晚唔係好多小朋友喺度啫，事不宜遲，呢個時候我請我支炮出嚟先，呢個美國friend好勁，佢可以射得好⋯⋯ 呀，唔係，揈得好遠㗎。」隨後二人瘋狂將tee拋向觀眾，氣氛熾熱。拋完Tee後，有歌迷大叫「拋埋軒仔」，於是美國朋友立即抱起軒仔作狀將他拋出，全場立即狂呼，最後，軒仔安全於台上着陸，「嘩！嚇死我呀！你哋知唔知我咁大個仔第一次俾人抱起。」引得全場爆笑。

拉斯維加斯站圓滿結束。