Skip to Content Facebook Feature Image

雞仔嘜「後生版C朗」著開胸上衣騷「腹肌」向師奶推銷 網民起底真實身份

社會事

雞仔嘜「後生版C朗」著開胸上衣騷「腹肌」向師奶推銷 網民起底真實身份
社會事

社會事

雞仔嘜「後生版C朗」著開胸上衣騷「腹肌」向師奶推銷 網民起底真實身份

2024年05月17日 12:30 最後更新:05月19日 23:05

有民眾目擊雞仔嘜靚仔店員身穿開胸上衣,露出「朱古力腹肌」向一名師奶銷售產品。網民笑:鴨仔嘜?

(FB圖片)

(FB圖片)

雞仔嘜靚仔店員大騷「朱古力腹肌」

「雞仔嘜」是香港一家以羊毛底衫見稱,家傳戶曉的老品牌。近日,有網民於社交平台上載照片,表示「有無人發現最近屋企多咗好多雞仔嘜嘅衫?」照片顯示,一名男店員在分店門前正在向一名中年婦女銷售產品。該名男店員樣貌深遂帥氣、高大威猛,像極一名混血兒。而最殺食的是,他竟穿著一件開胸襯衫,大騷其「朱古力腹肌」,非常吸睛。

(FB圖片)

(FB圖片)

師奶揀衫時笑曬

靚仔店員頸上掛著一張「STAFF」員工牌,唇紅齒白的他笑容可掬,非常親切。他正向中年婦女銷售展示架上的衣服,而婦女看上亦十分開心「嗒糖」,未知能否成功「開單」。

網民笑言:鴨仔嘜?

照片迅速在網上瘋傳,不少網民心心眼表示「好似C朗後生個樣」、「俾地址我幫佢着好件衫」、「哈哈哈,這個好哦!好身材,長得又帥」、「咁啱呢想買衫,跪求地址」;有人則戲言「呢間唔係鴨仔嘜?」、「鴨仔式銷售」、「賣底衫仲乜唔著返件底衫」、「道德在哪!?廉恥在哪!?地址在哪!?」

(FB圖片)

(FB圖片)

網民猜測非真店員

不過,亦有網民估計只是店方的宣傳手法「廣告啫,佢邊會喺度丫」、「呢啲咪Marketing囉」、「不得之了!買衫搭朱古力個,marketing 做得幾好」、「好明顯廣告嚟,不過又幾成功」。

雞仔嘜隨後亦於其Facebook專頁揭示,原來靚仔店員是公司的「試衫專員」,表示「因為好多人買我哋啲衫都係買埋俾屋企人,所以有我哋試衫專員幫手試款之後,就包 Fit 身啦」。

(FB圖片)

(FB圖片)

帖文來源:Instagram

往下看更多文章

環保團體倡重用糭葉「吹乾下年再包糭」挨轟 急改字眼兼道歉

2024年06月13日 12:30 最後更新:13:14

環保團體「綠領行動」於社交平台發文,呼籲大眾重用糭葉隨即引來網民炮轟罔顧食物安全,迅速更改字眼兼發文致歉。

資料圖片

資料圖片

提倡重用剩下的糭葉 減少碳排放

「綠領行動Greeners Action」日前於其Facebook專頁發文,呼籲大眾在端午節食完糭後,將剩下來的糭葉重覆使用,減少製造垃圾:「食完糭之後,塊竹葉去咗邊呢?唔係就咁抌落垃圾桶掛.... 其實洗返乾淨吹乾就可以循環再用,下年再包過糭又得⋯」

FB截圖

FB截圖

網民洗版 炮轟「無腦!」、「離地!」

帖文引網民嘩然,不少網民批評團體言論「過火」兼離譜「你地成班人已經走火入魔」、「你地個腦真係送比回收佬都唔要」、「呢班環保團體已經走向極端主義」、「葉已經係大自然野都要重用,頂級,超卓」、「糉葉採集過程唔需要斬樹,唔用又可以自然分解,攪重用真係唔知意義響邊」、「糭葉點樣洗乾淨循環再用到下年?點樣保持新鮮又存放好無細菌滋生?你哋詳細講吓教吓市民,唔該!」

還有人揶揄「屈原投河個腦既入水量都唔夠你地咁多」、「請問你哋組織嘅人,炆屎係咪用毛巾?用手?用麻繩?定係廁紙洗完曬乾再用?」、「其實扇貝蒸完個殼都可以重用,唔少食店都做緊」、「唔該小編一年後用返啲洗乾淨嘅糭葉包糭,再食比我地睇」、「不如你地連草連葉都一齊食埋佢啦,洗葉同煲糉啲水記得留返嚟飲,飲唔晒拎去沖涼都得,刷牙就唔好喇,唔環保呀!」

涉事團體急改字眼 限制留言

面對網民猛烈的迴響,「綠領行動」迅速修改帖文,刪除了「下年再包過糉又得」的字眼,但仍保留了「其實洗返乾淨吹乾就可以循環再用」的建議。同時,為防止更多負面評論,綠領行動設置了只有追蹤專頁24小時以上的用戶才能留言的限制。

FB截圖

FB截圖

發文致歉「諗得唔夠全面」

另外,「綠領行動」又發文致歉「小編喺度同大家講聲唔好意思!早兩日端午節嗰篇提議重用糉葉嘅帖文,引起咗坊間好大反應,我已經收到大家意見喇~的確,出帖文之前諗得唔夠全面,忽略咗重用糉葉嘅可行性同衛生問題。明白大家覺得我有啲離地,真係對唔住!綠領行動嘅初衷都係希望大家可以過一個更環保嘅端午節,減少浪費。下次會再認真啲諗過先出帖文,保證會貼地實用!」

FB截圖

FB截圖

帖文來源:「綠領行動Greeners Action

你 或 有 興 趣 的 文 章