周殷廷奮鬥九年終成功舉行首個個唱 Gin Lee為好友感動落淚

周殷廷在台上笑指自己是令Gin Lee喊得最多的男人！

由環球唱片主辦，一連兩場YAN TING周殷廷（YT）首個個人演唱會《WHO IS YAN TING LIVE 2024》昨晚（5月14日）於九展舉行。明年是YAN TING出道十年周年，對於自己首個個人演唱會 尤其重視。首場演唱會，在火熱、搞笑、感性及感動的氣氛下圓滿完成。奮鬥九年的YAN TING忍不住哽咽落淚，連擔任嘉賓的Gin Lee（李幸倪）也大受感動，淚流滿面。

YANTING奮鬥九年，終於段行個人首個演唱會。

令他很難忘。

演唱會於晚上八時半開始，身穿蛇皮西裝的YT狂野登場，並大騷誘人胸肌，他先以一曲《Killa》炒熱現場氣氛，歌迷尖叫聲不斷。緊接又唱又跳，演繹《小姐你好》及《Gonna be alright》。本身亦是導演的YAN TING，特別拍攝了自己訪問自己的片段，以導演YT的角度大談對今次開演唱會的感受。

型爆的勁歌熱舞。

勁舞令觀眾尖叫聲不絕。

隨即唱他曾執導的MV歌曲，包括吳雨霏的《今夜星光燦爛》、AGA的《Superman》、Mirror的《Asap》、Gin Lee的《Dum Dum》，再配以勁舞，台下觀眾又報以熱烈歡呼聲。演唱一首慢歌《自我催眠》後，YAN TING表示今次的演唱會是由YT導演加上藝人周殷廷一齊構思，當中會有很多音樂及環節，希望大家enjoy，亦可以找到誰是YAN TING。

YANTING的笑容融化了一眾粉絲

舞台設計十分花思。

演唱會以T字型設計舞台。

周殷廷希望大家可以找到誰是YANTING。

最近YAN TING宣布與網絡天團JFFT組成新晉男團JFYT，並推出新歌《Hands Up》，首次開騷，當然少不了以男團姿態演出，JFYT身穿白色西裝，甫出場，全場觀眾自動波「Hands Up」，氣氛高漲。JFYT更扮男團大講韓文跟觀眾打招呼，YAN TING指香港現在有很多男團，但JFYT是香港第一天團，又笑指香港有些團很垃圾，笑說：「話說薯茄就係一隊垃圾！唔係我哋勁，係你哋廢！」引來全場大笑！他又笑問觀眾：「我哋有冇Super Junior的影子，有啲old school！我都知香港而家有個團好勁，我哋要挑戰，直接抽嬴佢哋！」說罷，他笑稱放完炸彈要走先，其隊友們就笑指以上言論都是周殷廷講，又笑他點像思覺失調。

與網絡天團JFFT合唱。

YANTING大騷搞笑才能。

YAN TING演唱《晨星》，這首歌是寫給15歲的自己，「我不太敢望回15歲的自己，當時我說想做歌手。我由從冇自己的演唱會，到今日有三千觀眾，呢首歌叫自己唔好放棄，我堅持二十年到今日。我想同大家講，老豆、媽咪、阿哥，希望有令你哋驕傲。」YAN TING都忍不住哽咽，並續說：「追夢過程係好孤獨，但有好多戰友，有啲人一直陪伴我去拼搏夢想。」

勁騷舞姿！

又唱又跳熱炒氣氛。

演唱《晨星》。

YANTING指《晨星》是寫給15歲的自己。

YANTING自父母台下感動落淚。

接着好友Gin Lee登場，二人合唱《日出時讓街燈安睡》，Gin Lee都忍不住唱到淚流滿面。她坦言很少見到YAN TING喊，相反對方經常見到她喊，YANTING笑指自己是令Gin Lee喊得最多的男人。Gin Lee又分享了YT大哥一直對她的支持，「我那時在人生低谷，對生活生命失去動力，好絕望，但又要做歌出碟，是他不停鼓勵我。他幫我搞個project，用盡所有精神，出錢出力拍微電影、MV。除咗多謝佢，亦想講對唔住，嗰段時間我狀態非常差，自己顧唔掂自己，但原來佢都經歷低谷，我想到你嗰時幾痛，但你在垂死最後一口氣都扶我一把，我都應該關心你多啲。我而家狀態好好，我可以扶你。」YAN TING反過來亦叫觀眾記得撐Gin Lee，如果上紅館一定要支持。

YANTING與GinLee二人淚流滿面。

GinLee唱到要用紙巾抺眼淚。

二人喊到齊齊用紙巾抹眼淚。

Gin Lee看見YT大哥動感落淚自己亦忍不住喊出來。

整晚，YAN TING不吝嗇展示其健碩胸肌，在Encore環節時，他更真空只穿白色閃爍外套登場，大騷腹肌，期間，觀眾大叫除衫。尾升，YAN TING顯得依依不捨，他與三千觀眾拍下大合照留念，並請大家亮起手機燈，唱出最後一首歌《My Everything》，首場演唱會亦在一片燈海及歡呼聲中完結。

Man爆大騷結實胸肌。

睇到粉絲瘋狂歡呼。

在一片燈下唱出最後一首歌。

YANTING在一片燈下越唱越感動。

與現場3000多位觀眾大合照。

Gin Lee李幸倪推出全新歌曲《新牌仔》，這次新歌為大家帶來「成長」課題，歌詞繼續由黃偉文（Wyman）操刀，作曲方面，則由Gin跟好友馮允謙（Jay Fung）、陳考威及黃銘一起創作。

Gin推出新歌《新牌仔》。

觀看相關影片按連結：https://youtu.be/fA7rKkQcfbQ

原來「成長」這個主題，一直在Gin的袋中藏着多年，「我記讀大學嘅時候，有一日我個同班同學同我分享佢屋企嘅嘢，話點解佢爸爸會係咁？我就突然間有一個諗法，同佢講：『其實你爸爸都係第一次做爸爸㗎咋，可能有好多嘢佢都係學緊，你唔好怪佢啦，可能佢之前做得唔好，但經過嗰次之後佢有嘗試補救、有嘗試做返好，不如你原諒佢或者俾多次機會佢。』」

Gin分享成長的故事。

Gin謂小時候總覺得大人應該甚麼都會，長大後才知並非如此，「有時候佢哋會犯錯或者唔識，所以人生就係要不停學習，冇人永遠都一百分。」她續說：「人生去到唔同嘅階段，分唔同嘅工，每一個階段做嘅每一個選擇，當時可能會令到你不知所措、會令到你覺得好難嘅一啲新嘅課題，但你要去學。」

Gin指小時候總覺得大人甚麼都會，但長大後才知並非如此。

「苦候」多年，終於迎來這首歌，Gin直言是Timing、是緣份。她跟Jay Fung認識多年，閒聊間也會提到寫歌，但一直未有行動，直到今年二人合作拉闊音樂會，再次提起作歌，終於成事。Gin大爆《新牌仔》本來是不存在的，「我哋原先寫咗另外一首歌，好順利寫完之後，大家覺得好似仲有啲精力、仲有好多諗法，仲可以去創作另外一首歌，當時我好興奮，『我有個諗法！』跟住我就成個故事講咗一次俾大家聽，大家好有感覺，佢哋都覺得呢個題材有趣，《新牌仔》就喺咁嘅情況下誕生。」

作曲由Gin及好友Jay Fung合作。

而歌詞就再次找來Wyman相助，Gin坦言歌詞有很多擊中她的小心臟，覺得這是Wyman給她的一份小禮物，「首先一定係父母嗰一part，佢知道我同屋企人感情好好，我好想孝順父母，但可能有啲時候做唔到，因為自己要離鄉別井追求自己想要嘅嘢，歌詞有句『但對父母親 別提及傷口』；第一句『大踏步 踏出氧氣罩』都好有感覺，因為我係七星女，唔足月出世，一出世就要瞓氧氣箱一個月先可以出嚟。」

歌詞再次找來Wyman相助。

MV方面，Gin跟導演麥曦茵是首次合作，找女導演是希望透過女性的敏感度，感受girl's talk，然後再用她的方法將感受呈現於MV中。籌備拍攝前期的工作，Gin表示發送了很多段audio note給導，她笑言全部至少有四十五分鐘，將自己由出生到現在的每個重要時刻都跟導演說了一遍，「講晒我成個人生比佢聽，我已經特登講好快，哈哈，我自己已經x咗2㗎啦，至少！呢個其實係一個幾得意嘅過程，因為我同導演係之前係完全未見過面，但係佢彷彿認識咗我一生。」期間更講到喊，她也說自己始料不及，「講到某個位講唔落去，stop咗先，然後開始喊。隔咗五分鐘我平復咗再繼續，我真係估唔到會講到自己喊，我諗導演都有嚇親。」

MV方面，Gin與導演麥曦茵是首次合作。

MV其中一個場景是禮堂，Gin表示感受特別深，「我係一個好容易好大壓力嘅人，記得有一排我好大壓力嘅時候，我每一晚都發同一個夢，就係發夢考試！夢入面我係『死啦冇溫到書呀』、『呢一科唔熟呀』、『唔記得晒啲嘢呀』真係好驚！但MV嘅情景係唯美嘅，我就諗返起求學時期好開心同同學一齊打排球、食嘢、傾偈、田徑，係溫馨嘅，一定唔係考試嗰part，哈哈。」

MV中禮堂的場景令Gin感受特別深。