Skip to Content Facebook Feature Image

囝囝食大埔茶記外賣三文治吐出「呢樣嘢」 港媽致電投訴 店家咁回應惹公憤

社會事

囝囝食大埔茶記外賣三文治吐出「呢樣嘢」 港媽致電投訴 店家咁回應惹公憤
社會事

社會事

囝囝食大埔茶記外賣三文治吐出「呢樣嘢」 港媽致電投訴 店家咁回應惹公憤

2024年05月20日 12:30 最後更新:15:11

港媽到大埔茶記買三文治外賣,囝囝「食食下卜一聲」再吐出異物,於是致電投訴,店家竟咁回覆惹公憤,網民揭:呢間一向西。

示意圖。設計圖片

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷,表示日前到大埔昌運中心一家茶餐廳購買外賣「芝士火腿三文治」,豈料回家後囝囝「食食下卜一聲」,再吐出一塊「硬膠」。從照片可以,小朋友吐出來的「硬膠」為白色、呈不規則三角形,驟眼看好像一顆掉下來的牙齒。

(FB圖片)

(FB圖片)

店家態度惡劣「大聲過我,差到無朋友」

樓主見狀即致電店家反映,店方得悉後竟未有即時道歉,還大大聲「我地而家好忙,唔得閒送過比你」,然後更冷冷地問了一句「想點?」樓主氣憤表示「呢個明顯係佢地責任,仲大聲過我,真係差到無朋友」。

(FB圖片)

(FB圖片)

網民建議報食環

帖文一出,不少網民批評店方不負責任「直接剷落去同佢講啦!你唔好講到想呃多你份三文治咁,小朋友食架,唔小心吞左咁點呀?」、「吞咗後果不堪設想,咁嘅態度,建議報食環」、「報食環可能會令佢有所明白」、「吞落去大鑊,大人細路食倒都唔好啦」、「如果係我就會即時報警,攞埋檔案編號,再報食環」。

(FB圖片)

(FB圖片)

街坊揭:呢間一向西

有街坊則指該店員工一向態度惡劣「一向西地方,冇吃6年以上」、「個女人不嬲係咁」、「這個店根本不值得去,收銀及服務員態度奇差!」、「不嬲西,仲西足幾廿年」、「入咗黑名單好久了」、「尤其收銀個女人之前都唔係好語氣,最近更加乜都唔滿意」、「呢幾年一次都冇去過,佢忙佢既事,遲早佢哋會好得閒」、「幾個月前去食早餐,聽到個女樓面數D過年冇俾利是既客人」、「態度超西,從此發誓永不幫襯」。

帖文來源:facebook群組「大埔人大埔谷

往下看更多文章

阿伯搭九巴突向車廂淋奶茶 多名乘客慘中招 車長反應更絕

2024年06月25日 12:30 最後更新:16:28

大角咀街坊搭九巴時,遇到一名阿伯在車廂內淋潑奶茶,多名乘客慘被殃及,她即向車長投訴,豈料對方的回應令她更嬲。

FB圖片

FB圖片

阿伯搭九巴向乘客淋奶茶

該街坊於facebook群組「我長於大角咀重生版」發文,表示日前到醫院覆診後,乘坐九巴2E路線回家,因為腳部受傷,她只能選擇坐在車廂下層。當巴士行駛一會兒後,她感到「被一些液體從後方潑到」,全車嘩然有人淋潑奶茶之際,她目睹「一個阿伯同一個師奶拉拉扯扯,然後個師奶急衝落車,原來阿伯就係潑液體的人!」

FB圖片

FB圖片

多名乘客遭殃 阿伯「仲鬧返乘客轉頭」

除了樓主外,有多名乘客都被奶茶潑到,有人甚至被潑到成身濕透「巴士亦都潑到周圍都係」。乘客們紛紛鬧爆阿伯「有人開始鬧阿伯點解要潑奶茶」,但他卻毫無悔意「仲鬧返乘客轉頭,仲好串咁!」

FB圖片

FB圖片

乘客投訴 車長話「乜都見唔到」

由於車廂一遍混亂,乘客怨聲載道,樓主於是上前向車長反映事件,豈料對方竟回應「我乜都見唔到」。樓主非常不滿,開始拿出手機影相,拍下車廂情況及車長資料,對方見狀即指責樓主侵犯其私隱權,要求她刪相,樓主怒斥「點解司機淨係識欺負女人,但對住阿伯就話乜都睇唔到?」

樓主亦有嘗試打電話報警,但「警方話全車的人都唔可以離開」,為免耽誤其他乘客,她無奈收線,放棄報警,改由在社交平台公審。

FB圖片

FB圖片

網民促向九巴投訴

帖文一出,不少網民提議樓主向九巴投訴「香港冇肖像權,去九巴投訴司機,有冇影低車牌司機資料?」、「睇唔到唔係理由,佢揸緊車睇到反而出奇,乘客需要協助司機責無旁貸,反正受傷應該返唔到工住,一於投訴佢,最憎呢啲欺善怕惡嘅人」、「可以打返九巴客戶服務熱線投訴,車廂內有CCTV, 九巴會睇返當時情況」。

FB圖片

FB圖片

後續:九巴回覆致歉

樓主表示有影低車長資料,於是透過電郵向九巴公司投訴。事後,她收到九巴回覆表示已提醒車長要在突發事故中,應作出適當應變及安排,亦會留意車長的服務表現。並就事件帶來的不便,向樓主致歉。

FB圖片

FB圖片

帖文來源:facebook群組「我長於大角咀重生版

你 或 有 興 趣 的 文 章