由黎芷珊主持的《芷珊約您》昨晚(5月19日)播出第五集的嘉賓是許志安(安仔),芷珊除了直擊他去年12月底於澳門舉行的巡迴演唱會,還與他促膝長談進行深度專訪,內容真摰感人。
許志安、黎芷珊
2019年經歷人生低潮的安仔,曾一度短暫退出演藝圈,直到2022年9月舉行網上音樂復出樂壇,而去年舉辦多地巡唱,相隔七年再次舉行個人演唱會。出道約38年的安仔,在樂壇歷盡高低起跌,承認心態上有很大的轉變,以前較在意舞台機械及效果,現在一切猶如回到最初,站在只容納3千名觀眾的舞台,反而唱得更有信心:「依家個台有幾細我都唔怕,總之一響聲,我就有信心唱得最好。」
昨晚第五集嘉賓係安仔。
昨晚第五集嘉賓係安仔。
公演當日,安仔獲三十多名親戚現身支持,他指以往僅於農曆新年才齊人聚首一堂,難怪安仔零舍感觸,一落台即攬住芷珊流下男兒淚:「今次有種無形壓力,對我嚟講係意義重大嘅一日,屋企人好耐冇睇我上台唱歌。呢年嘅演唱會最冇嘢,但我對嚟講內心係最震撼,好珍惜喺台上面每一首仲有機會唱嘅歌。」續透露人生第一次在紅館開騷,一度緊張至呼吸有困難。
公演日
安仔獲三十幾位親戚嚟到會場睇騷支持。
安仔獲三十幾位親戚嚟到會場睇騷支持。
安仔落台後攬住芷珊感觸落淚!
安仔落台後攬住芷珊感觸落淚!
安仔在訪問中多次提及「初心」,感受到他對唱歌的熱誠猶如初入行,享受在寧靜環境聽自己唱歌之餘,更重拾對彈鋼琴和結他的樂趣。節目除了記錄安仔綵排和公演的片段,連做健身爆汗的過程都全程直擊,藉此分享獨自做運動讓他鍛鍊到「堅持」。
綵排片段
直擊安仔健身,爆肌又爆汗!
直擊安仔健身,爆肌又爆汗!
直擊安仔健身,爆肌又爆汗!
1986年,安仔參加新秀歌唱大賽後不久,便與天后梅艷芳合唱《將冰山劈開》,他不但向芷珊透露MV並非與梅姐一起拍攝,當年歌曲入圍《勁歌》總選時,表演卻是梅姐與組合草蜢,坦承成為其人生第一個打擊:「可能唔識喺台上表演,嗰時係有唔開心。」
安仔於1986年參加新秀歌唱大賽。
入行冇耐就同梅姐合唱《將冰山劈開》。
入行冇耐就同梅姐合唱《將冰山劈開》。
《勁歌》總選,同梅姐表演嗰個唔係安仔,而係草蜢!
安仔坦言有唔開心,仲係人生第一個打擊。
入行15年後,安仔終在2001年《十大勁歌金曲頒獎典禮》首奪最受歡迎男歌星獎,領獎時激動落淚,並對著台下的鄭秀文發表「廚房愛的宣言」,他透露當時其實早已準備一套華麗戰衣,但因「收錯風」以為自己冇獎攞,最終換回一套舊衫:「記得嗰年係公司同我自己做咗好多嘢,又聽到啲風聲話好似唔係,未到你,嗰時造咗套衫,當下午聽到消息話唔係,不如低調番少少,著番啲舊衫。嗰陣唱咗15年歌,如果唔得冇辦法,再做好啲囉,估唔到就宣布係自己,好意外。」
安仔於2001年首奪最受歡迎男歌星獎。
安仔坦言得獎後曾被勝利蒙蔽自己,因為怕失去,所以經常放大自己:「起晒槓,唔知自己為乜,可能嗰時做到壓力好大。又唔輸得,未得獎反而冇呢種感覺。」壓力持續至二、三年後,「最受歡迎男歌星」不再是許志安,才鬆一口氣過來。
歌迷追隨安仔多年。
歌迷追隨安仔多年。
與安仔相識二十載的芷珊,見證著好友成長,指安仔整個人轉變不少,變得更踏實,直言香港樂壇沒了他會很可惜:「許志安值得一個機會,大家重新認識佢。」此外,每集嘉賓均向芷珊分享一個小秘密,安仔透露他「夾硬」將領養回來的貓咪,生日日期設為8月12日,與安仔生日同日:「第一次帶佢睇醫生,醫生問幾大,我估計三個幾禮拜,推斷8月中,所以夾硬話佢聽8月12日,獸醫都覺得好奇怪你咁清楚,明明係領養!」相當搞笑。
芷珊與安仔相識二十載。
安仔成個人唔同晒!
最後一集特別為觀眾送上連串彩蛋,將精彩的漏網鏡頭一次過送上。
由黎芷珊主持的《澳娛綜合呈獻:芷珊約您》,9日9點半翡翠台播映最後一集。芷珊跟隨溫拿、張敬軒(軒仔)、王嘉爾(Jackson)、許志安(安仔)、陳慧琳(Kelly)、楊千嬅、草蜢去到世界各地,一邊開騷一邊暢談人生,最後一集特別為觀眾送上連串彩蛋,將精彩的漏網鏡頭一次過送上。
黎芷珊主持的全新節目《澳娛綜合呈獻:芷珊約您》將於4月21日推出
在美國開巡唱的軒仔原來還有「尋人記」番外篇,軒仔在當地重遇了多年沒見的「恩人」,他憶述「事發經過」:「嗰晚係好奇怪嘅一晚,以往開騷啲Fans都係嚟自五湖四海,突然聽到把好熟悉嘅聲音,我再望吓佢個樣,佢亦都有望住我。因為(當時)好多粉絲,我一路簽住名但我個身係一路滾(意指因激動而體溫上升),因為佢係我中學同學,我哋畢業之後再冇見過。」他直言這位中同是他的天使:「佢係我恩人嚟,呢個女孩子好似天使咁存在,冇脾氣啦,又成日幫我補習,如果我冇佢係唔會畢到業。到我簽完晒名,我知道同佢(相認)嗰吓係歷史性Moment,我當時係徹底崩潰,當住現場咁多位粉絲面前喪喊。」
軒仔美國開騷上演「尋人記」,重遇中同恩人!
軒仔美國開騷上演「尋人記」,重遇中同恩人!
軒仔話當刻係崩潰爆喊。
蔡一傑@草蜢的感情世界最惹人關心,當芷珊指他多年來像獨行俠一樣,傑仔即反擊:「你都係呀!」引得全場大笑。傑仔之後大方分享做獨行俠的好處:「我可以唔使同人交代,想去旅行咪去旅行囉,有人(伴侶)嗰時當然都有Sweet Sweet嘅時候,你拍拖頭3個月梗係Sweet㗎,第4個月梗係嘈交㗎啦,有邊對情侶唔係咁吖?」傑仔認為上天已經對他不薄,並大拋感性Bite:「個天已經畀咗好多天賦我,十隻手指有長短,佢有一樣嘢唔畀你,有咩所謂啫,以前都會覺得搞錯呀,人人都有得我冇,但問吓自己,其實已經擁有咗好多嘢。」傑仔笑言欣然接受愛情來臨:「我度門一直都打開,係冇人入嚟之嘛!」傑仔分享完畢後即將矛頭直指芷珊:「咁你呢?」芷珊即時怕醜妹上身:「完喇呢個訪問!」
傑仔大談感情世界,仲反擊問番芷珊感情事。
傑仔話自己度門一直都打開,只不過係冇人入嚟。
草蜢
任賢齊神秘現身送驚喜求合唱《花好月圓》
芷珊又帶大家直擊千嬅上海站演唱會後台重地,千嬅還分享了後台極速換衫的趣事,原來演唱會戰衣最難穿的不是華麗Bling Bling晚裝裙,而是一條望落普通的貼身褲,千嬅笑言:「呢條褲着咗成一分鐘,因為我成身都係汗,啜住晒拉唔到上嚟,每次都要用半支爽身粉吸乾啲水份先,估唔到哩?」千嬅在上海站演唱會唱完最後一首歌後,便急急落台拖着芷珊離開,千嬅解釋:「其實係為咗安全問題,因為場館好大、好多觀眾要離開,要確保藝人離開咗場館先,等啲粉絲唔好有期待而唔走住,以防秩序上出現問題。」回到酒店後,好友任賢齊神秘現身為千嬅送驚喜,千嬅見到小齊後嚇到尖叫,回過神後即與對方抱抱,小齊說:「好想有一日可以做你嘉賓,同你合唱《花好月圓》。」千嬅即時爽快答應:「好呀,呢個萬眾期待。」
直擊千嬅演唱會後台重地。
千嬅話畀呢條緊身褲考起。
小齊神秘現身為千嬅送驚喜。
小齊神秘現身為千嬅送驚喜。
溫拿五子則笑談昔日造型,校長譚詠麟笑言:「以前啲衫都係自己拎,當時冇人跟住我哋,所有嘢都係自己拎自己帶。」彭建新更爆料指鍾鎮濤「冇口齒」:「阿B(鍾鎮濤)嗰件珠片係我啲妹釘,話釘完請食牛扒,講到今時今日都仲未請,一九七幾年喎!」講到經典羽毛造型,阿B笑言:「唔記得邊度搵啲孔雀毛黐到通身都係,我為咗補償呢個過失,我就好專心研究時裝,真係睇咗好多雜誌。」校長續指溫拿亦曾是潮流指標:「我哋創造咗獅子頭、喇叭褲 、鬆糕鞋,全部都係我哋創造出嚟!」
溫拿笑談昔日經典造型。
校長話以前啲造型都係自己一手包辦。
彭建新話啲衫嘅珠片都係自己人手釘。
呢個羽毛Look好正。
B哥哥笑言曾惡補時裝知識。c
溫拿以前係潮流指標。