港男到將軍澳餐廳用膳，「自備膠飲管」飲檸茶遭到店方阻止，嬲到當場爆粗回敬女侍應，更拍下對方照片公審，事件引熱議。
自4月22日起，本港首階段「走塑」措施正式實施，很多市民表示不習慣用紙餐具。（FB圖片）
港男用「自備膠飲管」被餐廳侍應阻止
自4月22日起，本港首階段「走塑」措施正式實施，禁止餐廳堂食及外賣提供一次性塑膠餐具。有港男於FB群組發文，表示日前到將軍澳日出康城的一間泰國餐廳用餐，並點了一杯凍檸茶。由於樓主不想使用餐廳提供的紙飲管，他便換上了「自備膠飲管」。豈料，一名女侍應立即上前阻止「穿藍衫個侍應即刻走埋嚟，話唔用得膠管」。
(FB圖片）
港男發火 爆粗質問對方
樓主當場發火，大聲斥責對方：「乜X嘢唔得啊？邊X度唔畀啊？」而女侍應則未有回應便行開。樓主在帖文表示「如佢再嘈我即刻拍片，一路X佢老X一路拍片週圍放，好彩呢幾日心情比較好，未X佢老X」。
網民撐樓主：侍應錯誤理解政策
帖文引熱議，有部分網民認為法例並沒有禁止客人使用自備的膠製餐具，侍應誤解政策「職員又係傻嘅 ，你自己有冇觸犯法例自己知呀，間舖頭行得正企得正怕咩畀人告？自己過左火比人鬧好正常」、「樓主自帶飲管呀，關你餐廳X事咩？唔帶腦返工！」、「又係政府叫人自備餐具飲管既，自己帶好合理啊」、「自備膠飲筒，又唔係餐廳比，個職員出聲唔係搏x，搏咩？」、「又未犯法，個職員又對政策唔識，憑咩管人用膠飲管？邊條例唔比用？」
（FB圖片）
網民：一場誤會，唔駛咁
有網民則認為侍應的反應出於職業壓力，應該予以理解「會唔會係(驚)政府會黎check，check到罰店舖？」、「一陣俾人捉以為餐廳提供膠飲筒，你就搞着人哋」；有人指事主反應過度，認為他應該冷靜處理，解釋清楚即可「其實你話可以自備咪得，一場誤會，唔駛咁」、「佢都係打份工啫」。
（FB圖片）
帖文來源：Facebook
