MIRROR尾場回到原點 《前傳》回憶殺證12子初心不變

衝出亞洲橫跨歐美，九站巡唱圓滿落幕

由Katch音樂娛樂平台冠名贊助、光尚娛樂主辦，一連四場《MIRROR FEEL THE PASSION CONCERT TOUR 2024 • MACAU 》19日晚在澳門銀河綜藝館圓滿結束，這也是MIRROR世界巡唱，繼香港、倫敦、曼徹斯特、洛杉磯、三藩市、紐約、多倫多、新加坡站後終極最後一站。有見及此，MIRROR專程將澳門站驚喜彩蛋改為團歌，尾場更以《全民造星》主題曲《前傳》作回憶殺，將全晚氣氛推至頂點，而Encore完場後，有一半Fans不捨巡唱終結，不願離開留在現場拍照留念，期望MIRROR可再上台Enocre。

一連四場《MIRROR FEEL THE PASSION CONCERT TOUR 2024 • MACAU 》在澳門銀河綜藝館圓滿結束

澳門站頭場驚喜彩蛋有《一秒間》、第二場《Reflection》第三場《WE ARE》，去到巡唱終極一次送彩蛋，台下Fans已不停狂叫，隊長Lokman感觸說：「呢份禮物好特別，我哋特登揀咗成個巡迴最後最後最後送畀大家，5年前MIRROR未出道，呢首歌將我哋介紹畀大家，我想話我哋嘅初心一直都冇變，我哋好珍惜每次嘅演出。」接著AK說出歌名《前傳》，Stanley則補充，：「呢首歌好勁，所有嘢都由呢首歌開始！」音樂響起，Ian唱出第一句：「很精彩的汗滴在背後」，台下歌迷情緒即時高漲，在副歌MIRROR齊齊跳回《前傳》舞步 ，Fans更是尖叫不斷，而騷後Anson Lo亦即時分享，慨嘆時間太快。

MIRROR專程將澳門站驚喜彩蛋改為團歌

MIRROR帶來優秀舞台給Fans

MIRROR帶來優秀舞台給Fans

感動時刻，何止《前傳》再現！早在由Lokman代表MIRROR感謝Fans沿路支持，承諾會繼續做更加多好作品送給Fans時，並以《WE ALL ARE》 及《One and All》兩首歌作為MIRROR這5年間心聲送予Fans，12子各人邊唱邊表現感觸，Frankie與Tiger攬攬互相鼓勵、Jeremy和Stanley淚眼汪汪、姜濤感動得叉腰深呼吸，加上大屏幕播出各人當年青澀片段，台上台下感動非常。

Lokman代表MIRROR感謝Fans沿路支持，承諾會繼續做更加多好作品送給Fans

小組演出上，Alton 與AK、Lokman 唱《REBOUND》時，做完一字馬起身時甩鞋，Alton 處變不驚，冷靜穿回波鞋，繼續跳舞，完場笑言好彩對襪無穿窿；而Stanley 唱《來不及》至尾段時，因偷看了背後Led Wall母親的照片，感觸落淚，全場Fans即時大合唱，場面感人。Jer與Edan合唱的《皮囊》，則繼續飆高音大顯唱功。而歷時2個半小時，MIRROR世界巡迴演唱會澳門站結束，各人訪問時都大讚尾場氣氛，在後台等侯上台期間，也完全聽到Fans無間斷歡呼，同時異口同聲表示肚餓，並期待下次演唱會與歌迷再聚。

Edan

Jer x Edan

Alton

AK x Alton x Lokman

Anson Lo

Tiger

姜濤

Stanley

Frankie

Lokman

Jeremy x Stanley

Jer

lan

AK

Jeremy

期待下次演唱會與歌迷再聚

Sammi第10場演唱會的表演嘉賓是MIRROR成員柳應廷Jer。

天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。

Sammi紅館騷來到節10場了！

車婉婉與囝囝

吳雨霏Kary、區文詩Angela

歐陽靖MC Jin

岑寧兒YoYo

Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。

Sammi再次換新裝，穿上Ralph Lauren牛仔晚裝配襯閃爆Swarovski珠寶。

Jer升上舞台與Sammi合唱《不要驚動愛情》。

2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」

Jer指今次只有自己一個人做嘉賓，所以特別緊張。

Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！

二人抱抱。

Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Jer之後獨唱新歌《約齊靈魂在墳墓前開生日派對》。

Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。

Sammi在Encore時換上Tomas Chan的小背心牛仔褲配Tiffany & Co.珠寶型格登場。

並獻唱唱新歌《盲盒》。

完騷後，Sammi孭住「薯片斜孭袋」到紅館外為Fans簽名和收禮物。

幾百Fans企滿場外和火車站外等待Sammi，非常熱鬧！