不少網民指事主父親工作近一輩子，退休後大使屬正常。
不少勞碌一生為求有安穩退休生活，用退休金歎世界。有連登仔發文老竇領取200萬元退休金後變得大使，經常到高級餐廳歎下午茶，又在不經度尺寸下買傢俱，認為他十分大使。
連登仔呻父領200萬退休金變大使。
連登仔「顏色不一樣的煙火」在論壇發文，指任職銀行職員的爸爸領取200萬元退休金後變得大使，「成日去高級餐廳high tea，豪客到人哋個老闆以為佢係有錢人，當佢係貴賓咁招待。」他稱，因家中準備裝修，指父親在無度尺寸下買傢俱，「阿媽問佢『吓，咁如果唔啱size點算? 太大放唔到落去呢一個位』佢就話唔啱嘅咪再買過第二個囉!呢個放埋一二邊囉。」
連登仔呻父領200萬退休金變大使。
他又指，其父親不願將退休金存至與母親的聯名戶口，又不時時向朋友透露已經有筆退休金，「所以我同屋企人好驚佢會俾人搵笨，因為我阿爸耳仔軟。」
不少網民都認為，工作幾近一輩子，退休後大使屬正常，「一世人未威過，想威下，突然有一大筆錢，就當發咗達，土豪心態，就算佢中咗頭獎都過唔到一代」、「辛苦成世都冇儲到200萬，一退休就有咪會咁，覺得200萬使唔哂」、「筆錢係佢嘅，點使係佢話事」。
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
