娛圈事
嚴師才能出高徒啊！
黎諾懿早前因為在節目《如果這樣生活》到訪雲南，在節目中大講港式普通話（港普），雖然他率先在社交網作出預告，但仍被網民嘲笑為「港普教父」，他亦公開稱感慚愧，是一個壞榜樣，叫小朋友不要學他。他亦坦言因為普通話不靈光，所以少接內地Job，如熱爆親子真人騷《爸爸去哪兒》他都不敢接。
黎諾懿的港式普通話成網民笑話。
黎諾懿透露網民叫他不要改善普通話。
據今期《東周刊》報道，黎諾懿原來為此靜雞雞找來曾合作拍廣告的利嘉兒惡補普通話，因為利嘉兒曾主持《笑談普通話》大受歡迎。雖然份屬好友，但要嚴師才能出高徒，利嘉兒直指黎諾懿廣東話都有懶音，講國言口形都不對，要從基本學起。
黎諾懿的起心肝，搵利嘉兒幫他學好普通話。（《東周網》截圖／《如果這樣生活》圖片》）
現身昂坪360出席「童悠共享 花燈照昂坪」中秋活動揭幕禮
黎諾懿與葛民輝今日（9月13日）現身昂坪360出席「童悠共享 花燈照昂坪」中秋活動揭幕禮，葛民輝仲將「親生仔」HEROIC KOGIANT結合中秋元素，化身嫦娥及玉兔，將傳統和現代結合！
黎諾懿（左二）與葛民輝（右二）到昂坪360出席「童悠共享花燈照昂坪」中秋活動揭幕禮。
黎諾懿為享樂行慈善基金會共同創辦人，他們找來超過100位小朋友畫畫製作燈籠，為昂坪的遊客送上祝福，「自己負責搵人幫手，今次都係靠亞葛嘅創意！之前同佢開會都好緊張，好想入去佢嘅Studio參觀，因為佢有好多收藏品，但暫時未有資格入去。」
黎諾懿為享樂行慈善基金會共同創辦人，找來超過100位小朋友畫畫製作燈籠。
剛剛九月開學，黎諾懿都化身做「湊仔公」接送愛兒返學，還自言有妙計令小朋友唔喊，「每日返到學校我都同佢講『你望吓嗰邊』，之後急速逃走！慢慢佢都習慣冇再喊啦！之前暑假我地帶小朋友學滑雪，返到嚟再開始學劍擊，本來哥哥因為套衫唔夠靚，唔想再學落去，但我同佢講爸爸當年拍『四葉草』，依家傳承去第二代，再大個啲可以父子檔一齊拍『四葉草2』，又或者佢承傳奧運都唔錯。」
黎諾懿分享令小朋友返學唔喊的妙計。
葛民輝聯同昂坪360董事總經理董沛銓為中秋擺設揭幕，並分享今次設計心得，「其實佢地好有善心，想比機會啲小朋友發揮創意，真係唔話得！今次我都係靠把口去指指點點，團隊負責落手做！」
葛民輝聯同昂坪360董事總經理董沛銓為中秋擺設揭幕。
今次中秋展覽活動葛民輝隔空與幼童「Cross over」，他就大讚小朋友創意十足，但拒絕「收徒弟」傳授創意，「我怕我太長氣，佢地以為係入室弟子要幫我『洗底褲』，我又怕教識徒弟冇師父呢，所以一齊玩就得！」他聞說黎諾懿欲參觀自己創作室，便叫對方「 擺低啲按金」，歡迎對方隨時到訪。
葛民輝隔空與幼童「Cross over」。
大讚小朋友創意十足，但拒絕「收徒弟」傳授創意。
笑言怕自己太長氣。
葛民輝又叫黎諾懿要「 擺低啲按金」才可以參觀自己創作室。
昂坪360出席「童悠共享 花燈照昂坪」中秋活動由2024年9月14日至10月20日於昂坪市集展出，市民可免費到昂坪市集參觀，感受幼童創意之餘，更可與葛民輝作品打卡，為節日增添色彩。
