周永康亦想搞網媒

學聯秘書長周永康早前接有線節目《新聞刺針》訪問惹起風波，到如今還在澄清。

佢昨日在facebook寫咗篇3,000字長文，話係總結，其實又再澄清有線的報內容。

有關報道引發的爭議唔太複雜，有線當日報道周永康接受訪問時話，11月他們決定升級包圍政總，是可讓期望升級者明白，激進的行動未如理想。報道出街後，周永康受到很多人狠批他「送人去死」。他澄清有線只是輯錄他部份發言，引起誤會，訪問言談間令公眾誤以為學聯預先希望升級失敗，絕無此事。佢話「俾一啲期望升級為主嘅人見到，呢種行動未如理想」，從來不是1130行動升級的目標，而是學聯從行動失敗當中汲取到的事後教訓及分析。

Ariel對呢啲口水戰不太感興趣，倒是對周永康未來的動向感興趣。周永康早前接受商台節目《在晴朗的一天出發》訪問時話，認真考慮會否做記者，「我覺得沒有媒體是不行的，因為社會要改變，思潮起伏，新的思想或新的想法，是需要有媒體或傳媒去讓大家知道。」

後來他接受《經濟日報》訪問，談到2015年的動向，指他明年最想做兩件事，除了年底報讀研究生課程，就是自組媒體，認為「因為新媒體影響力強，故資訊應該更多元」。他這個自搞網媒的想法，相當有趣。

無論學聯抑或學民思潮，都覺得一些親泛民的報章，其實傾向泛民大黨的立場，在佔中時不斷想挾他們撤退。所以現在他們生起自搞媒體的想法，就不令人意外了。

周永康提到佔領運動後，政治版圖已經轉變，「市民對泛民政黨不信任，覺得他們會出賣人，而泛民也不了解市民期望。」他因此認為社會需要年輕人參政，更指聽聞過有佔領人士表示，會加入社民連，或參選區議會及立法會。但周永康話，他自己因不想再承載他人的期望，故不會參選明年區議會和2017年立法會。他亦表示無打算組黨，但自言希望走佔領華爾街運動領袖格雷伯（David Graeber）的路線，成為社運型學者，認為將來的社會需要好多不同學者，頂住壓力，高舉普世價值。

Ariel

** 博客文章文責自負,不代表本公司立場 **

肥佬黎先後辭任《蘋果日報》社長後，觸發《蘋果》大執位，人稱堅哥的葉一堅接任肥佬黎社長一職，現任總編輯張劍虹唔想再做總編個位，轉做副社長，所以堅哥唔係做香港《蘋果》的掛名社長，而係由台灣返咗香港，堅做社長。

至於《蘋果》總編輯一職，就未有定論，之前傳過的人選包括前有線副總裁(新聞)馮德雄，以及《蘋果》編採部一個女高層。

人稱阿馮的馮德熊9月離開有線後，未聽聞有特別動向。Ariel早前搵阿馮問佢係唔係入《蘋果》，佢斷然否認話：冇咁事。仲話自己依家好享受悠閒，兼職教書都幾好。聞說堅哥在《蘋果》內部直認有搵過阿馮，話「傾咗100次，佢拒絕100次」，堅哥都好有劉備三顧草蘆的風範，睇嚟仲會繼續努力。

至於女高層，堅哥就認為佢「好激」，「唔需要咁激的路線」，「佢做咗老總日日同我炒咁點算？」聽口氣相當有保留。佔中完結後，《蘋果》有報道提到新任社長堅哥的講話，堅哥提及他和肥佬黎接觸時，肥佬黎覺得報紙有可改善空間，有時予人覺得太過偏向一邊、一面倒，可以向中間靠攏多一點。堅哥引述肥佬黎指，現時社會因藍、黃絲分裂，傳媒有責任不應令社會分裂，希望社會和諧云云。

由堅哥公開引述肥佬黎的立場推斷，《蘋果》呢一刻唔想搵太激的人做老總。

咁多要求好難搵人噃？堅哥就喊出狠話:「搵唔到人做老總，我自己做番囉。」暫時睇《蘋果》走溫和路線的立場都好堅定喎。