社會事
出街食都不可以就太霸道......
有素食餐廳員工近日在網上發文，指老闆曾表示不論員工犯甚麼過錯亦不會被解僱，但若發現他們食肉則會即時解僱，令本身並非為素食者的樓主無奈地表示，在食飯時間亦要「偷偷摸摸」。
FB「奴工處」圖片
該名網民近日投稿至facebook專頁「奴工處」，指自己在一間素食餐廳工作，其老闆曾表示，不論員工犯下甚麼過錯亦不會解僱他們，但若發現他們食肉則會「即炒」，而且即使是外出食飯亦不例外。該網民續指，在此規定下，同事都變得有恃無恐，「遲到嘅遲到，曠工嘅曠工，最忙時樓面可以得返一個人做，呢啲都冇扣錢又冇俾人話」。
示意網圖/FB「奴工處」圖片
該網民又指，同事之間只有一人為素食者，因此無奈地指，自己與其他非素食者的同事，「出去食晏，個個變得偷偷摸摸」。網民亦指，其老闆經常向同事們「宣揚」食素的好處，「瘋狂洗人腦」。
不少網民其後紛紛留言，指「舖內唔食得我接受，但出街食都唔得就真係」、「簡直侵犯人權，勞工處見」等。另外，亦有人建議樓主轉工，並指「咁咪唔好做呢間餐廳囉！ 好簡單，佢餐廳理念同你本人飲食習慣已經咁大抵觸。」
港女想放租自己私樓，卻被無業妹指不孝，要求將私樓給予她與母親入住，網民鬧爆「自私」。
資料圖片
港女欲放租私樓 無業妹妹要求攜母親入住
該港女於親子王國討論區以「俾阿妹鬧我自私不孝」為題發文，表示自己已婚與丈夫同住私樓，妹妹則與母親同住公屋。日前她回去探望母親，言談間透露了名下其中一個單位不獲續租，需另覓新租客。豈料剛回家的妹妹聽到後，即要求與母親一同入住該單位，並質問「你住咗咁多年私樓，仲要阿媽住公屋。有樓多出嚟，點解唔俾阿媽住？」
資料圖片
妹妹罵樓主「不孝」 樓主指責妹妹「零貢獻」
樓主立刻被焫着，指責妹妹對家庭「零貢獻」、「一年返三個月工，休息七個月，又唔俾家用」、「你成日唔做嘢，又唔俾家用，而家你哋住緊嗰度嘅水電煤屋租，全部係我比，我阿媽生活費都係我比」。妹妹則不斷罵樓主「自私不孝」。樓主覺得，妹妹不是存心為母親著想，只是「想不勞而獲，可以升級住屋」。
Getty示意圖片
單位屬丈夫公司資產
樓主又表示自己曾嘗試託朋友介紹工作給妹妹，但妹妹卻因種種原因「又話啲人針對佢，又話地點遠，又話食飯時間短」，返了兩個禮拜工便辭職，令她感到非常尷尬和無奈，自此再也不敢介紹工作給妹妹。樓主還稱，該私人物業實際上是丈夫公司的資產，並非她個人所有，她僅因首置名額，才以個人名義購買。
示意圖
網民鬧妹妹「大貪」、「別有用心」
帖文引熱議，不少網民指責妹妹貪心及自私「佢都幾大貪，大食懶都算，仲吼住人哋層樓」、「其實最自私不孝係佢」、「你妹最識計著數」、「真係人無恥便無敵」；網民紛紛叫樓主小心中計「果種人易請難送，唔好捉租霸入米缸」、「你亞妹別有用心根本就冇為老人家諗過 ，恐怕將來易請難送，租又無得收，仲要養埋佢。千祈唔好制！」
(Getty圖片)
網民主張不宜與家人透露資產情況
有網民則建議不要與家人透露資產「親人是最強情緒勒索者，唔好理佢，日後自己有幾多錢同身家都唔好講比家人知，最多有需要時幫手就已經足夠」、「自己生活過得好，唔好同人講，親人都唔好講，愈親的人愈係唔抵得你，例如覺得你咁有錢都唔分D比我」、「對自己阿媽好、照顧係冇問題，但絕對唔會俾佢知道自己和老公真正財務狀況，冇必要！最怕佢年紀大口多同啲兄弟姐妹、親戚朋友閒話家常咁嘴多多，自找麻煩！」
示意圖片
帖文來源：親子王國討論區
