Alfred認為做歌手就希望能為大家提供娛樂,讓大家有個空間放鬆。
許廷鏗(Alfred)到電台宣傳新碟《拾》,並指開售當天到唱片店當售貨員開箱賣碟,喜見即日已打入唱片銷量榜第二位,某些唱片店更供不應求,網上的反應也很好,因此有可能印第二版;並計劃代購服務,因新碟沒有在內地發售,遭内地粉絲投訴要四出撲碟。
許廷鏗新碟推出後,反應不俗。
Alfred坦言:「有人問我為何在這段時間出碟,我認為做得歌手就希望能為大家提供娛樂,讓大家有個空間放鬆。近日在聊天室與粉絲互動,也有感這段時候最重要是陪伴與同行,用一個安全地方跟朋友見面,對自己而言也是調整。」
網上圖片
提到受市面環境因素影響,早上路面多處受阻,Alfred不諱言有想過取消某些工作,但既然選擇了自己的工作就要盡能力做好;並感觸指沿路中有許多感受,因看到熟悉的路變得頹垣敗瓦。
許廷鏗堅持繼續工作,不想取消工作。
許廷鏗表示當實體唱片是自己的卡片。
許廷鏗(Alfred)日前舉辦新歌試聽會及簽名會,由中午2點簽到晚上九時,Fans沿途各站上車見偶像,Alfred簽名都簽到手軟:「電車做新歌試聽會及簽名會,我之前好忍手唔幫Fans簽名,因為想等到今日先簽名,可以喺電車度同大家傾吓計,我同歌迷之間似朋友多啲,佢地已經唔會簽叫,所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即,亦宣布即將海外宣傳:「廣東話有時頗限制,但如果令其他地方了解多啲廣東話,呢個講法有啲偉大,但最想自己嘅音樂去到唔同嘅地方。」呢日雖然舉行「簽名會」,但中途發生「哈碌」情況:「我本來準備咗十幾枝簽名筆,不過呢一刻應該仲喺我張床度!簽名會唔記得帶筆真係癲咗線,好彩我有個美麗嘅Fans借咗枝筆比我,應該都頂到兩站嘅,不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離,仲話自己不時「周圍去」,希望與大家貼近:「希望用自己嘅影響力比其他人聽到,所以好多時作品源自Fans嘅DM,成為創作嘅養份。而出碟係因為自己『老餅』、『老派』,想要有實物喺手,我都當唱片係自己嘅卡片,不過張卡片嘅製作費好貴,只要有人買同想我簽名,所以都會製作。」佢就話同贊助品牌熟絡,碰巧對方電車有空檔,Alfred即時借用舉行互動簽名會,仲話有機會巡唱,叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴,但Alfred指只要有人買同要他簽名,他都會製作。