社會事
麻煩戴完包好扔入垃圾桶~
新冠肺炎人人自危，除了出街要戴口罩，戴完亦要包好再掉以免散播細菌。有市民就遇見天降口罩，樓上住客口罩正正掉中自己屋晾衣架，批評無公德心。亦有市民投訴同區居民口罩未包好就丟棄，更指見過地下一次有10個用過的口罩。
我們都是在朗屏長大的FB
有市民在Facebook群組分享相片，指自己住元朗朗屏邨，請樓上住客自律，「有啲功德心喇，唔好一時貪方便，這樣做會傳播細菌，如果掉正你間屋嘅哂衫架，相信你會破口大罵，唔好咁自私啦。」
Tai Po · Fu Heng 大埔 · 富亨FB
亦有大埔富亨邨居民就見到有街坊隨地掉口罩，「其實包好啲口罩再掉係咪好困難？街坊可唔可以有啲公德心？」更指自己影相當日已經算少，前晚地下起碼有10個。
市民指最多見過地下有10個口罩。Tai Po · Fu Heng 大埔 · 富亨FB
不少網民都有共鳴，有人指不只口罩，亂掉垃圾已經是長期問題，有人試過被樓上掉煙頭及衛生巾，亦有網民就批評管理處未有做好規管。
樓上住客掉口罩正中晾衣架（右）。網民分享相同經歷（左）
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
