許廷鏗曾被彈唱歌黐脷筋 籲畀空間姜濤進步

感同身受～

許廷鏗（Alfred）今日到商台宣傳新歌《無力感》，談到他在抗疫騷上和MIRROR成員姜濤及Anson Lo合唱，Alfred大獲好評，Alfred大搞爛gag說：「我也不知何故大家說我颷『海豚音』，可能因為我叫『許廷鏗』，所以有『海豚音』啦！好爛！加上久未上台，演出特別亢奮。我出道時也是21歲，見到他們就想起以往的自己，他們已經叻過我好多，又唱又跳，給他們一點時間吧！」

許廷鏗大讚後輩姜濤、Anson其實又唱又跳好叻，之前三人在東華抗疫騷中同台合唱勵志歌。

許廷鏗欣賞姜濤及Anson Lo。

提到姜濤因懶音起風波，Alfred說是過來人：「我當年都畀人話『黐脷筋』啦！直至跟老師學咬字，近年調整了才少了被嘲笑，但欣宜至今仍笑我。（介紹老師給姜濤？）不用啦！只是微少失誤，給些空間他們進步吧！」Alfred坦言享受跟他們合唱，加上Anson是其歌迷，聽他的歌長大，令他自覺歌曲能影響別人。笑問二人有否叫他Uncle Alfred？他說：「佢哋試吓呀？哈哈！當年我跟前輩合作也戰戰兢兢，他們相當有禮貌！」

許廷鏗坦言胡鴻鈞冇同他慶生，看來兩人感情不再。

此外，Alfred透露日前與好友欣宜及鄧小巧簡單慶祝32歲生日，笑言已到了不想大搞的年紀，願望是疫情盡快減退，早日除下口罩唱live給歌迷聽，預告稍後會再在網上開騷。問到傳反目的胡鴻鈞有否傳祝賀短訊？他坦言沒有，自己亦未有時間追看對方新劇。

至今老友欣宜仍然取笑許廷鏗黐脷筋。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。