社會事
毛管戙!
疫情當前理應比平日更注重衛生，不過網民就發現屯門一間健身室，浴室提供的沐浴露內藏近10隻曱甴，惡心至極令人「毛管戙」。
沐浴露內有多隻「小強」。連登圖片
網民在連登發帖，指該健身室衛生情況差並非第一日的事，每間中心不論健身、吹頭，都不難發現有「小強」爬來爬去，自己也早已見慣不怪。
沐浴露內有多隻「小強」。連登圖片
不料昨日他去浴室洗澡，並搓完健身室提供的沐浴露後，發現沐浴露樽中有些東西「半浮不沉」。起初他以為是毛毛蟲，「一打開蓋睇，XX！我都數唔到有幾多隻呀！」只見多隻曱甴浮在沐浴露上，全部反肚已死，相當震撼。他再換第二格冲涼，結果仍有曱甴，「無開一個幾月就搞成咁...依家個身仲痕痕地」。
網民紛紛留言批評，有人透露「其實已經投訴過好多次，次次都話會抹會抹」、「我試過一次唧出黎，有浸尿味。」、「幫你補充蛋白質呀，口服都唔夠，要外敷埋」。
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
