社會事
遺失者可直接去大埔警署認領。
有網民展現路不拾遺美德。Robin Lo早上在社交網站facebook專頁「Tai Po 大埔」發文，「指太太朝早外出跑步時在路上發現錢袋一個，已交大埔警署。遺失者可直接去大埔警署報案室認領。」
遺失者可直接去大埔警署報案室認領。資料圖片
有市民若遺失千元大鈔，可能已有好人心幫忙尋回，可跟著帖文指示，去大埔警署報案室查詢一下。
「Tai Po 大埔」fb網民Robin Lo圖片
有回應的網民建議，希望遺失者成功取回後，能在專頁感謝好心人，另有網民大讚路不拾遺的做法正直誠實。
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
