有網民批評港媽行為不合理。
香港地少人多，父母推BB車帶年幼子女外出用膳，如果餐廳較為狹窄，或會與食客發生口角。有網民近日去米線店用餐遇到無理港媽，對方不但不肯摺起BB車空出通道，更惡言相向要該名網民讓位，令其非常不滿。
設計圖片
近日有網民投稿至社交媒體Facebook專頁「生仔要考牌系列」，指有一次獨自去一間米線店用膳，因客人關係而被店員要求調位3次。當事主以為終於可以好好享用食物時，怎料其後一對父母推BB車進入餐廳，因車上掛滿購物袋所以相當佔位置，店員勸說港媽不果，更被罵：「如果摺起、拍埋嗰陣佢跌咗落地，係咪你哋負責先？」
設計圖片
店員無可奈何，只好第4次請求事主調位，事主果斷拒絕，港媽卻突然聲大夾惡發難，指責他沒有愛心：「點解唔讓個位比我哋？你食嘢大晒呀？」。面對港媽情緒勒索，事主仍然企硬，指她們可以坐自己對面的位置，但港媽繼續發難：「你唔行開，咁架bb車放邊？」
設計圖片
設計圖片
最後事主直接無視，港媽站著站著亦無癮離開。事主表示「讓係人情，唔讓係道理」，又為小孩有這樣的父母而感到可憐。事件引起網上熱議，有網民批評港媽行為不合理：「好多父母真係以為老馮要讓」、「明知呢d地方係咁逼點解推住架bb車都重要去個度食」。亦有幾個媽媽網民表示，若推著BB車和一堆戰利品則不會到小店用餐，「人多又窄，仲要有滾水熱湯，好易整到」，又指「唔會因為咁要人地特登讓我，小朋友喊緊做呀媽有責任控制佢」。
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
