新婚妻呻夫婚後懶剃鬚 夫反駁咁小事都管

夫婦相處要互雙體諒

網上討論區「親子王國」有新婚女網民發文，抱怨丈夫婚後懶於剃鬚，妻子變成「常哦」提醒要剃鬚，夫妻因此發生口角，她更被丈夫「鬧咁小事都管佢」。

女網民因為剃鬚問題與丈夫時有口角。Getty圖片

女事主發文指，丈夫習慣幾日才剃一次鬚，而她一直不喜歡丈夫這個毛病。女事主說，「未結婚前特登買個新款鬚刨俾佢，同佢講要每日剃鬚，佢最後當然做唔到啦，我唯有退一步，叫佢兩日剃一次」。之前夫妻到娘家中秋過節，丈夫又留了幾日的鬍鬚，而令妻子不滿。前日夫妻外出時丈夫又無剃鬚，但妻子都照樣忍受。

女網民因為剃鬚問題與丈夫時有口角。Getty圖片

但女事主投訴，昨日夫妻準備外出用餐，臨出門口她再提丈夫要剃鬚，丈夫一於少理，說落樓下食飯而已。女事主形容，「我呢一刻已經要爆，次次都有唔同藉口來耍我！ 佢仲解釋話『我上次咪講左如果出去我自己會剃囉！』我聽完仲嬲，問佢『咁尋日出去呢？你有冇做到？』佢再解釋『帶住口罩你都睇唔到啦』」女事主更被鬧「咁小事都管佢，唔明有咩咁大不了」。

有網民認為，「佢嘅鬚又唔係我嘅鬚，當然唔會管佢。何況剃鬚又唔係刷牙，唔係必要嘅」、「點解要管住對方剃鬚？明知佢唔中意，相嗌又傷感情」、「我老公都係咁，佢返工都係咁， 但我唔會管， 呢個係佢嘅自由， 佢覺得舒服就可以， 咁大個人」。

女事主其後再留言稱，發展大部分網民覺得無需要理丈夫是否剃鬚，自言可能太固執，「新婚未夠一年，我仲未習慣另一半個麻甩樣，而且我份工同我本身性格都係注重儀容，起碼要乾淨企理。佢唔止放假，而係平日都少剃鬚，頭都唔吹唔梳，同埋接受唔到佢咁耐同我媽食一次飯都哩哩啡啡咁 」，現在會調節下自己心態少強迫丈夫。

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」