親自落場Sell碟。
網上圖片
自從疫情爆發以來，各行各業都受到打擊，包括唱片業。即使最近疫情稍有緩和，不少歌手出碟計劃都被打亂，同時亦不能造勢宣傳。不過，原來許廷鏗竟於疫市下出新碟，今次則相隔一年再推新碟，當然忠實歌迷就必然會買碟支持。原來香港獨立傳媒、靈異及外星人研究者雲海都有專程買碟，可惜最後「食白果」。
網頁截圖
雲海於社交網留言：「話說今日我做完嘢，黃昏特登去到佐敦恆豐中心間唱片舖，諗住買許廷鏗最新大碟，點知賣晒！」他指自己以與某大型唱片鋪的員相熟，可以留碟，不過該店已經倒閉，買碟變得困難，他更搞笑地表示：「我同許廷鏗先生冇私交，睇嚟呢隻碟都幾難買到！」
網上圖片
豈料甫出POST ，許廷鏗本人竟然留言回覆，他留言問雲海：「有冇嘢幫到手？」雲海直接回答：「我想買碟呀！放多啲貨比唱片鋪啦」許廷鏗搞笑地再回應：「幫緊你！幫緊你！會放貨！！感謝支持！」
資料圖片
不少網友趁機留言，希望得許廷鏗親自回應，有人更留言表示問：「是否包郵？」、「直頭送隻簽名版啦！」有成功買碟的歌迷則相當大方，圖文並茂分享買碟地點。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
