為追仔家嘈屋閉！港爸WFH照返公司獲老闆分享經驗頓開竅

生仔一啲都唔易~

生兒育女一點都不簡單！一位網民向社交媒體Facebook專頁「辦公室日報」投稿，表示自己一位爸爸級同事，即使老闆講明在家工作，仍堅持要回公司工作，之後才知道原來一切都是為了避老婆！

資料圖片

他表示這位港爸本已育有一名女兒，但因為他是家中的「長子嫡孫」，家人希望他「追仔」，而他自己都想，不過因為老婆不肯再生，兩公婆為了這件事家嘈屋閉，更由第一波新冠肺炎疫情嘈到現在第四波。

Getty圖片

即使同事如何勸喻，但對這位堅持想要兒子的港爸來說似乎沒有幫助，依舊於在家工作的日子返回公司上班，繼續返9點至6點；直到一天，公司老闆回公司拿東西後，港爸就從此沒於在家工作期間到公司上班。

最近公司轉返AB更，樓主某次在公司樓下大堂遇到老闆，於是問他當日如何讓港爸同事不再在公司工作。老闆表示，自己7年前也成為了爸爸，當時老婆有輕微產前抑鬱、經常發脾氣，所以很擔心她，「老婆嘔，我都唔想食嘢，一直陪佢；老婆去檢查，我全日唔返工陪佢，生意都甩咗幾單；入產房我唔敢，留喺出面等，幻想過老婆會唔會母子平安，如果唔平安，我寧願唔要BB都想老婆健健康康。」

幸好最後母女平安，但老闆深深體會到生兒育女一點也不簡單，「嗰陣老婆餵人奶，我每次都唔會自己瞓，一定起身陪佢，一晚幾次，每次再瞓番都唔超過3個鐘，阿女賴屎賴尿，沖涼氹瞓覺，我全部落手落腳參與，驚老婆太辛苦，驚完佢產前抑鬱，又驚佢產後抑鬱。」

直到女兒上幼稚園，又要擔心另一個階段的問題，「唔好話我老婆要懷胎10月又暈又嘔咁生個BB出嚟，作為男人企喺側邊都覺得好辛苦好攰，做到我咁都唔夠膽叫老婆生第二個，你為咗追個仔走去迫老婆生？仲有呢種諗法真係冇嘢好講。」

樓主忍不住大讚老闆對老婆照顧有加，更令港爸同事開竅，怎料老闆卻搖搖頭表示：「我先冇咁偉大，全部同事返嚟又係開晒公司啲燈，一個同事返嚟又係開晒啲燈，電費唔使錢呀？我仲有個女要養㗎，諗唔通就自己去自修室做嘢啦！返office搞搞震！」

有網民指一名港爸同事為「追仔」而經常跟老婆吵架。資料圖片（示意圖）

網民看完帖文後，紛紛大讚老闆是好爸爸及好老公，「佢咁設身處地咁喺老婆方面為老婆諗，佢真係Real man」，也有人認為港爸同事不應當老婆是生仔機器，「為咗追個仔講唔掂就屋企都唔返，萬一應承咗生多個但都係女仲得了？」、「多數想追多個的男人都係無點湊過的男人。」

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」