Alfred表示雖然不想鼓吹炒風，但不會因此而加印。
許廷鏗（Alfred）去年在各大音樂平台的成績非常好，新碟《Negative》賣到斷市之餘，又首奪叱吒樂壇男歌手金獎。為答謝粉絲支持，他昨晚出席一個網上答謝會，揚言有問必答，「問題應該不會太尖銳，雖然網民的力量不可睇小，但我近年都玩得比較開，應該不會難到我。」又希望疫情過後，能以下廚答謝粉絲支持。
Alfred給讚自己過去一年的成績。
講到新碟賣到斷市，炒價更高至600元，Alfred稱被大家太抬舉了，雖然他不想鼓吹炒風，但坦言覺得很爽很開心，又不會因此而加印。他強調沒想過會否助長炒風，因為不想辜負首批支持的粉絲，但認為音樂有價，是否值得則由大家決定。
Alfred不想鼓吹炒風，但仍忍不住開心。
就日前在社交網分享下廚給父母品嘗的照片，意外讓過千呎的獨立屋曝光，Alfred表示一點也不意外，「我以前都有在家中拍過唱片封面照，這是父母努力的成果，我都希望將來像他們一樣擁有大屋。我以前很少出花園，但最近因為疫情反而多了時間和家人相處，姐姐有兩個小朋友，我們會在花園開派對。」
許廷鏗之前都分享過屋企的大花園。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
