不少網民鬧爆：「為咗移民咩都做得出。」
本港近年爆發「移民潮」，不少港人都計畫移民到英美等地。一對年邁夫婦日前被兒子𠱁賣樓移民，怎料兒子及新抱在英國安頓好後，卻拒絕接兩老同住，突然「樓財兩失」。不少網民鬧爆該名兒子及其妻「為咗移民咩都做得出」，不過亦有網民認為兩老「自己攞嚟」！
設計圖片
一對年邁夫婦被兒子𠱁賣樓移民英國，怎料之後對方竟拒絕將他們接去同住。資料圖片
有網民在網上討論區「親子王國」上，以「真係心酸，為咗移民呃咗父母層樓」為題發文，指日前從長輩口中得知，有一對年邁夫婦的大仔打算移居英國，並𠱁他們賣掉兩層樓，指錢到手後，他會與妻子先到英國安頓，再接兩老到當地居住。兩老同意兒子的做法，怎料新抱到英國後，竟向老爺奶奶表示「唔想你哋兩個過去一齊生活」，兒子亦沒有出聲，只默默聽從妻子的意見。
資料圖片
兩名老人家一下子「樓財兩失」，無家可歸，本打算投靠細女，但對方聽聞賣樓一事後便相當生氣，認為兩老偏心哥哥，將賣樓所得的錢全數給哥哥，故拒絕收留兩老。該對年邁夫婦最終「樓又冇，錢又冇，仔女都冇埋」。
設計圖片
帖文引起網民熱烈討論，不少人都認為該對老夫婦感到可憐，「啲人為咗移民真係咩都做得出」、「咁都做得出，有冇搞錯？」、「唉，畀外人呃都無咁傷」、「仲衰過電騙~又傷心又嬲」。不過亦有網民認為是該對老夫婦咎由自取，「可憐人必有其可恨之處，點會俾晒錢俾個仔？」、「唔覺慘，係蠢，親生仔不如近身錢」、「咁大件事都唔同細女商量下，畀我都嬲」。
資料來源：「親子王國」
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
