租客約滿唔續租 業主擅自帶人入屋睇樓惹熱議

香港樓價高企，不是人人都買得起樓，大部分都會選租屋暫住。近日有網民於討論區上分享，指向遠房親戚租住一個單位，近日因打算轉工，便提早向業主通知不再續租。未料該網民仍未搬走，業主擅自帶人上門睇樓，其後更稱，「一場親戚冇得計啦，反正都冇貴重嘢喺度」，令該網民十分憤怒，遂向網民詢問業主是否有權隨時帶租客上門睇樓。

設計圖片

該網民於「香港討論區」發文表示，因家與公司的距離甚遠，所以向遠房親戚租下現時單位，位於公司附近。日前樓主已「遞信」辭職準備轉工，而且4月時租約剛已轉生約，因而提早通知業主不打算續租。

租客約滿唔續租，業主竟擅自帶人入屋睇樓。（示意圖，非涉事單位）unsplash圖片

未料樓主仍未搬走時，業主竟沒有通知擅自帶人上單位睇樓，最後樓主從管理員的通知始知事件，「樓下看更問我係唔係要搬」，「佢同我講，話業主今日帶咗兩個人上去睇樓，但係業主從來冇同我講過」。樓主聞言立即回家檢查，查看家中有否財物損失。

設計圖片

隨後，他又致電予業主了解情況，業主承認此事，樓主不禁怒斥「冇其他人喺屋企，佢帶咩人上嚟冇人知，隨時拎走我啲嘢都冇得追，真心有冇搞錯」！惟業主非但沒有道歉，更稱「一場親戚冇得計啦，反正都冇貴重嘢喺度」，其解釋更令樓主心感不忿，遂向網民詢問，「業主真係可以隨時帶人上租客度睇樓？」。

設計圖片

帖文引起網民的熱論，有部分網民亦表示該業主的行為過份，不應在未經同意下擅自帶人上門睇樓，建議樓主報警處理，「可以報警，有租約，業主無權入屋」、「佢已犯法, 可報警, 唔告佢都應備案, 以免一星期後先發現唔見咗野」，亦有網民質疑樓主租屋時，為何不換鎖以防萬一，「點解你唔換鎖，任由其他人入」、「當買個教訓，以後搬屋要換鎖」、「正常一入住第一件事就係換鎖」。

資料來源：香港討論區

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」