奶奶狂催生仔 要脅新抱：唔生就叫老公返內地娶老婆

不少長輩都希望兒孫滿堂，若子女婚後未有生育，可能會用盡各種方法「力勸」。有港女分享，自己與老公早有共識不生育，但奶奶仍經常催生仔，最近更變本加厲，要脅若她不生育，就叫兒子返內地娶老婆，令她非常氣憤！

設計圖片

有女網民在社交媒體Facebook專頁「生仔要考牌系列」投稿，指她現年38歲，老公40歲，兩人婚前已有共識不生育，但奶奶卻「好恨抱孫」，經常向他們力陳多個生仔的理由。樓主表示，奶奶由「香港教育」數到「政府福利」，認為二人都不應「輸蝕」，反而要珍惜「咁幸福嘅環境」，勸二人應該生兩個，「最好有個仔啦梗係」，更指老爺奶奶相當支持夫婦二人，甚至會資助他們。

設計圖片

不過樓主表示，自己與老公都不喜歡小朋友，「又困身，同埋生出嚟又搞唔掂，唔通拋棄佢唔理咩？真係好大責任」。但她指出，老公是家中唯一一個兒子，即使他有一個妹妹，奶奶仍將壓力推到他們二人身上。

有港女分享，奶奶仍經常催生仔，最近更要脅若她不生育，就叫兒子返內地娶老婆。「BB來了」劇照（示意圖）

而最令樓主感到生氣的是，奶奶曾經要脅樓主，「話如果我唔生嘅話，佢會叫我老公返內地娶老婆，反正佢有咁多親戚喺嗰邊，一定有好多女仔介紹到俾老公」，樓主老公聽後沒有理會，亦沒有反抗，但樓主就感到既難受又生氣。樓主更表示，幸好與老公都不喜歡小朋友，「如果我哋生咗嘅話，奶奶一定會插手多多事幹，到時候仲麻煩呀！」

設計圖片

帖文引起網民熱烈討論，不少人都認為樓主應堅持己見，自行決定生育與否，「生BB係女人嘅權利，並唔係義務，子宮係自己嘅，梗係自己話事啦」、「唔鐘意小朋友真係唔好生。根本唔係錢嘅問題」、「叫人生小朋友嘅人真係XX嚟，邊個辛苦邊個痛邊個勞氣邊個比錢養，得把聲」。另外亦有網民認為，樓主及老公應該好好與奶奶溝通，「你地一定要好好同你奶奶溝通好，最緊要你老公要做好中間個角色，唔係所有嘢你自己頂係會好辛苦」。

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」