公屋戶籍問題易引家庭糾紛。近日有網民於討論區發文指，7旬父於7年前再婚，娶了一名內地女子，該名女子帶同與前夫所生的女兒獲批來港，三人同住公屋。最近父親提出在公屋戶籍加上繼母的名字，令網民感失望及擔心，遂向其他網民遭問應如何處理。
資料圖片
該女網民於「連登討論區」訴說指，現年70多歲的父親，目前居住在公屋單位，7年前與1名內地女子再婚，並帶同與前夫所生的女兒一併來港住進公屋。自始樓主亦搬離家中，到外面居住，「係不時返去食飯畀下錢老豆」。樓主指，當時父親表明不會將內地妻子及繼女加入公屋戶籍，惟近日卻突然反口，「尋晚收工打嚟叫我畀入息證明」，最後樓主忍不住跟繼母大吵一場。
資料圖片
樓主坦言，對父親感失望及擔心，但同時理解父親想法，「其實唔係唔合理，佢身邊得呢個女人」。「其實一日個女人仲喺度，我一日都唔會返去」。面對矛盾處境，樓主遂向網民詢問意見，「我可以點做？」。
公屋 資料圖片
帖文引起網民熱論，有網民表示勸樓主應堅持不交出任何文件，「你唔交證明佢就唔可以加名，另外佢要你簽名」、「加咗名，佢就會離婚分戶，或逼你老豆走」，亦有網民表示樓主已久未回家居住，反而繼母已照顧7年，即使要加名亦無可厚非，「你又唔喺到住，要加咪加囉，無謂晒精神」、「其實諗真，如果個女人對你老豆唔係差嘅話，你咪當請咗個私家看護幫你照顧老豆嘅晚年。你唔簽即時離婚，照顧老豆嘅責任就交畀你，你老豆又唔開心」。
資料來源：連登討論區
7旬父欲加內地繼母名落公屋戶籍，港女既失望又擔心。unsplash圖片
港女想放租自己私樓，卻被無業妹指不孝，要求將私樓給予她與母親入住，網民鬧爆「自私」。
資料圖片
港女欲放租私樓 無業妹妹要求攜母親入住
該港女於親子王國討論區以「俾阿妹鬧我自私不孝」為題發文，表示自己已婚與丈夫同住私樓，妹妹則與母親同住公屋。日前她回去探望母親，言談間透露了名下其中一個單位不獲續租，需另覓新租客。豈料剛回家的妹妹聽到後，即要求與母親一同入住該單位，並質問「你住咗咁多年私樓，仲要阿媽住公屋。有樓多出嚟，點解唔俾阿媽住？」
資料圖片
妹妹罵樓主「不孝」 樓主指責妹妹「零貢獻」
樓主立刻被焫着，指責妹妹對家庭「零貢獻」、「一年返三個月工，休息七個月，又唔俾家用」、「你成日唔做嘢，又唔俾家用，而家你哋住緊嗰度嘅水電煤屋租，全部係我比，我阿媽生活費都係我比」。妹妹則不斷罵樓主「自私不孝」。樓主覺得，妹妹不是存心為母親著想，只是「想不勞而獲，可以升級住屋」。
Getty示意圖片
單位屬丈夫公司資產
樓主又表示自己曾嘗試託朋友介紹工作給妹妹，但妹妹卻因種種原因「又話啲人針對佢，又話地點遠，又話食飯時間短」，返了兩個禮拜工便辭職，令她感到非常尷尬和無奈，自此再也不敢介紹工作給妹妹。樓主還稱，該私人物業實際上是丈夫公司的資產，並非她個人所有，她僅因首置名額，才以個人名義購買。
示意圖
網民鬧妹妹「大貪」、「別有用心」
帖文引熱議，不少網民指責妹妹貪心及自私「佢都幾大貪，大食懶都算，仲吼住人哋層樓」、「其實最自私不孝係佢」、「你妹最識計著數」、「真係人無恥便無敵」；網民紛紛叫樓主小心中計「果種人易請難送，唔好捉租霸入米缸」、「你亞妹別有用心根本就冇為老人家諗過 ，恐怕將來易請難送，租又無得收，仲要養埋佢。千祈唔好制！」
(Getty圖片)
網民主張不宜與家人透露資產情況
有網民則建議不要與家人透露資產「親人是最強情緒勒索者，唔好理佢，日後自己有幾多錢同身家都唔好講比家人知，最多有需要時幫手就已經足夠」、「自己生活過得好，唔好同人講，親人都唔好講，愈親的人愈係唔抵得你，例如覺得你咁有錢都唔分D比我」、「對自己阿媽好、照顧係冇問題，但絕對唔會俾佢知道自己和老公真正財務狀況，冇必要！最怕佢年紀大口多同啲兄弟姐妹、親戚朋友閒話家常咁嘴多多，自找麻煩！」
示意圖片
帖文來源：親子王國討論區
