女同事鞋子濕水傳「鹹魚味」 港男：臭到成朝用口呼吸

網民：應該主動並婉轉地提醒對方。

夏天為大地帶來雨水，鞋子被雨水浸濕固然令人「難頂」，但原來濕鞋子帶來的惡臭更甚！有港男指，昨日早上曾下大雨，有女同事一回到公司便馬上換鞋，怎料濕透的鞋子竟傳來陣陣「鹹魚味」，令他難受到要「用個口呼吸」。

資料圖片

該名港男在網上討論區「連登」發文，指昨日早上曾經下大雨，坐在其對面一名約25歲的女同事回到公司後，立即換掉被雨水沾濕的鞋子，但她未有即時將濕鞋子擦乾或晾乾，只放在枱底。怎料該對鞋子後來開始散發陣陣「鹹魚味」，異味甚至彌漫整個辦公室，令樓主難受至極，更要「成朝用個口呼吸」。

資料圖片

樓主不禁表示：「就快連嘢都做唔到，我真係好想知佢（女同事）究竟自己聞唔聞到？」，又直言害怕會被其他同事誤會異味是由他發出。他透露，曾趁該名女同事去廁所時到對面「索吓」，發現越靠近其枱底，鞋子異味就越濃烈，故更確定異味是來自對方。

資料圖片

樓主認為，其他同事實際上也聞到異味，但可能不知道來源，又或不想該名女同事感到難受尷尬，故未有開口提醒。他又指，自己有自備午餐上班，但坦言在該個環境下實在無晒胃口，「我覺得我以後食鹹魚肉餅飯，都會諗起佢隻腳、諗起佢隻鞋」。最終他亦選擇外出吃午飯，被同事問到「今日唔係帶咗飯咩？」時，他回答「個飯今日唔想食」，對方竟「陰陰嘴笑」，懷疑對方「知咩事」。

有港男指昨日曾下大雨，有女同事一回到公司便馬上換鞋，怎料濕透的鞋子竟傳來陣陣「鹹魚味」。unsplash/資料圖片（示意圖）

帖文引起網民熱議，不少人都笑言樓主「有鹹魚味送飯」，「食飯嗰陣扮晒嘢大聲問：『咦！今日邊個食鹹魚啊？條鹹魚好重口味，今朝返工就有陣味喇，一定好好味啦？』」、「如果係肉餅飯，可以就咁喺個位食」、「拎碗白飯送飯」。不過亦有網民認為，若異味真的有影響他人，應該主動並婉轉地提醒對方，「點解唔直接講，有啲嘢影響到人就要出聲㗎啦」。

資料來源：「連登」

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」