首以獨立歌手身份開騷 許廷鏗怕唔夠資格未答允做《造星IV》導師

Alfred表示因為不想誤人子弟，加上擔心自己湊女團未必能擔當中間的和事佬。

《許廷鏗 x per se音樂會》昨晚在麥花臣場館舉行，許廷鏗（Alfred）的父母和林欣彤均有捧場。

Alfred歌藝無容置疑。

許廷鏗父母

林欣彤

Alfred在演唱第一部份時已表現感觸，他先介紹當晚與情侶組合per se的Sandy及Stephen聯同一眾樂手定名為新組合Negativends，此時Sandy突然用紙巾拭淚，Alfred指可能人大了、眼淺得好快，爆綵排時跟Sandy對望，Sandy無故哭了起來，自己也跟著哭；Sandy笑指是因為經期第一天，自己也笑言一樣，總之不知何解觸動就是觸動。完騷後觀眾不肯離開，3人再度出場多唱兩首以示感謝。

Alfred與情侶組合per se一同演出。

Alfred在演唱開始時已表現感觸。

完騷後觀眾不肯離場，Alfred多唱兩首致謝。

今次是Alfred以獨立歌手身份首次開騷，他稱當晚的觀眾反應，給他一個很大的嘉許和鼓勵，注入了一支強心針，原本是一晚限定的新組合，現想有進一步的合作；還獲Stephen讚他是藝人中的模範model。

Alfred以獨立歌手身份首次開騷。

對於ViuTV公布Alfred將與林二汶、梁祖堯為《全民造星IV》擔任導師，Alfred表示其實仍是待定、自己尚未答允，因怕不夠資格，事關自己也是唱歌比賽出身，明白到參賽者能否成為歌手或繼續行音樂這條路、一開始是很重要的，不想誤人子弟，所以要慎重考慮；加上擔心自己湊女團未必能擔當中間的和事佬，本身亦少睇女團，需要多溫習才作決定。

觀眾反應令Alfred注入強心針。

Stephen、Sandy與許廷鏗

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。