62歲依然好精力 麥當娜咀完小男友再High爆彈結他

就快63歲，但麥當娜人老心不老！

入行40年，貴為Queen of Pop的麥當娜（Madonna）本月16日就63歲，雖然已到婆婆之齡，但娜嬸都不知幾好精力，亦好清楚世界發生緊咩事，睇佢IG就知，失驚無神落Club唱歌，又會於IG Story聲援Britney Spears，作為一個嬸嬸嚟講，都係一個好貼地嘅阿嬸。

好sweet。

秒變少女。

娜嬸IG Story聲援Britney Spears。

美國權威音樂雜誌《滾石》日前選出歷來的百大MV排行榜，麥當娜於1990年推出的大熱作品《Vogue》佔據季軍。

經常都會Po IG嘅娜嬸近期又有新搞作，今次係玩結他，尋日Po完相，今日就Po片，相同片有咩分別?片就精彩咯，一開始佢就同細過佢36年嘅舞蹈員小男友Ahlamalik Williams錫錫先，錫完就開始自high，見佢又跪地又摸胸又伸脷最後仲舔晒地，你冇睇錯，佢真係用條脷舔張地氈！

彈結他前先錫錫男友仔。

之後男友噴煙。

再輪到娜嬸噴煙。