孖七師傅193胞妹拍宣傳片 許廷鏗忍笑忍得好辛苦

Alfred更期待跟七師傅合唱。

許廷鏗（Alfred）將於8月28日（星期六）舉行全港首個空中音樂會《屈臣氏蒸餾水We Care關愛同遊Flycation》，活動更邀請到人氣急升的七仙羽師傅（七師傅） 擔任關愛大使。今日（10日）公開的活動宣傳片，七師傅與193胞妹郭嘉盈（Michelle）一同化身空姐施展渾身解數，夥拍Alfred拍攝宣傳片，笑料百出。

Alfred話同七師傅合作，忍笑忍得好辛苦。

對七師傅金句「師傅愛你」着迷的Alfred，今次跟七師傅首度合作他笑言有一定難度，因為要辛苦忍笑，他更期待跟七師傅合唱，可惜慘被對方拒絕，七師傅解釋：「我唱歌不好聽，我又不是專業歌星，我做遞水、遞毛巾，讓他潤喉嚨，幫他抹汗。」

Alfred本身很欣賞七師傅的金句及真性情。

宣傳片中七師傅化身善心空姐向乘客送水送愛心，她先以獨有口音的「七仙語」登場進行機艙廣播，她又邊送心心說：「無論你去到那裏，師傅都會愛你、We care你。」之後邊做手勢邊以數白欖方式力推蒸餾水，Alfred見到後不禁拍手激讚好詩好詩。

七師傅和Michelle化身空姐招呼飛機上乘客。

七師傅雖然話自己不夠靚和高當空姐，但覺得穿上空姐製服不算差，「上鏡還OK呀！」

193妹Michelle啱啱參加《全民造星IV》面試，仲未正式出道，但憑住阿哥193極高人氣已經有工作，面對這個第一次Michelle興奮又緊張，雖然飾演空姐送水難度不算高，其中對白就要講出193風格，「學阿哥所說，知我哋支水咩料啦！」而作為《全民造星IV》導師Alfred得知Michelle身份，則認為對方有優勢亦有進步空間，「她是193妹妹，我覺得女仔來說她已經很高，感覺很smart，看見她話頭醒尾，希望在娛樂圈不同崗位會見到她。」

Michelle搞笑學193風格講對白。

首次舉行空中音樂會的Alfred，歌迷可以參加遊戲贏取門票外，一向關心社區的他，藉此機會與「香港單親協會」一同邀請28位來自單親家庭的小朋友及家長，為他們打氣加油，讓他們感受大家的關愛及支持，過一個非一般Flycation暑假。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。