微波爐是辦公室的必須品，但原來未必人人懂得使用。一名女網民於討論區分享一張社交網的截圖，指用微波爐翻熱飯盒，叮了足足25分鐘，結果飯蓋慘被叮至變形「凹陷」，無法打開，她自嘲「地獄手殘廚神非我莫屬」！
資料圖片
該名女網民於「連登討論區」分享一張IG的限時動態截圖，稱將午餐飯盒放到微波爐加熱，惟不慎「叮咗25分鐘」。及後取回飯盒時，發現無法打開蓋子，更稱「個蓋直頭凹埋」。面對飯盒蓋變形至此，不禁自嘲「地獄手殘廚神呢個朵非我莫屬」！
設計圖片
帖文引起網民的熱論，網民紛紛嘲笑女網民竟不懂如何操作微波爐，「叮25分鐘生米都煮成熟飯啦」、「唔識煮飯都算，微波爐都可以唔識用？」、「叮咁耐，生雞肉都熟啦」、「當咗個微波爐係焗爐咁用」。
該名港女用微波爐翻熱飯盒，叮了足足25分鐘。連登討論區圖片
有網民在留言分享曾遇到相似的經歷，「聽過有50歲人，拎個魚柳包拎去用高火叮，叮到燶晒全公司都聞到」、「公司試過有同事叮個包，叮咗差唔多廿分鐘，連部微波爐著埋火」、「試過有女同事話，叮一個飯要10分鐘，佢哋一次過叮三個飯，要三十分鐘」。
港女用微波爐叮25分鐘飯「蓋都凹埋」，最後更自嘲是「地獄手殘廚神」。連登討論區圖片
資料來源：連登討論區
大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。
(FB影片截圖）
老翁偷豬肉，當場斷正
有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。
(FB影片截圖）
店員以手推撞，老翁「碰瓷式」倒地
年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。
(FB影片截圖）
街坊認出是「慣犯」，但有網民批評店員出手不妥
影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。
(FB影片截圖）
兩派網民意見分歧
有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。
帖文來源：Facebook群組「大埔 TAI PO」
