娛圈事
許廷鏗亦將榮升做叔叔。
許廷鏗（Alfred）今日在銅鑼灣為活動擔任揭幕及抽獎嘉賓，他笑言對獎品當中的電動汽車特別有興趣。事緣21歲已考獲車牌的他，多年來也用屋企的車輛，從未擁有過自己的座駕，他說：「我嘅抽獎運係差少少，最威一次都係喺六合彩中咗廿幾蚊，本身抗拒賭博，曾經喺中學時輸咗200蚊之後，就被嚇窒，即使同鄭欣宜玩開賭，都只係賭餐飯。」若然今次能抽中獎在年底沖喜一下當然好，否則也會努力物色心頭好，預算以數十萬元的電動汽車的入門價來圓榮升車主夢。
許廷鏗自覺冇抽獎運。
許廷鏗從未擁有自己的汽車，計劃買新車圓車主夢。
提到將榮升叔叔，哥哥的小朋友即將出世，Alfred直言要待BB長大一點認得自己時送禮物才「抵啲」，因兩個外甥女在未懂性時已送了許多禮物，豈料被家姐妖魔化、營造到他很惡，令兩個外甥女怕怕，因此經驗告之不要急著送禮給BB。
哥哥就快做爸爸，許廷鏗亦將榮升做叔叔。
許廷鏗話外甥女好怕佢。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
