娛圈事
黃婧靈（波波）樣子甜美、身材傲人，言行大膽，一直好受男觀眾歡迎。日前波波在IG貼新相，有人發現她右手有多條傷痕，擔心她自殘，引起熱議。
黃婧靈（波波）樣子甜美、身材傲人，言行大膽，一直好受男觀眾歡迎。
日前波波在IG貼新相
相中波波穿上藍色間條連身裙的在公園散步，又寫道：「散下步，遠離toxic(有毒的)人，呼吸新鮮空氣，食鍾意食嘅嘢，乃人生一大樂事也。」不過就有網民發現波波右手前臂上有多條傷痕，她再前一天上傳的照片則未見右手上有傷痕，擔心她被人欺負，心情不好傷害自己來發泄。有人留言問道：「右手𠝹手？」，又有其他人勸波波：「𠝹仔好過𠝹手。」但波波沒有回應或交代受傷原因。
有人發現她右手有多條傷痕，擔心她自殘
明明前一日隻手仲好白滑，又見佢笑得好開心，可能只係拍攝時擦傷下？
波波帶定水着期待「泰」解放！
由「泰國通」胡慧冲主持的TVB Plus（82台）長壽節目《冲遊泰國》再添食，即將開拍第10輯！來到第10輯當然要搞搞新意思，除了有胡慧冲和冬蔭家族成員參與拍攝外，還邀來「新一代咪神」 黃婧靈（波波）強勢加盟！波波昨日（11日）從香港國際機場出發泰國曼谷拍攝新一輯《冲遊泰國》。
波波已經出發泰國拍攝喇！
波波話好開心可以向胡慧冲學嘢。
一到泰國就攰到瞓着咗。
問到有份參與新一輯《冲遊泰國》心情，波波受訪時說：「好開心可以參與呢個節目，好多謝公司畀呢個機會我，同埋好期待可以向泰國通胡慧冲學嘢！」問到此行會否水着「泰」解放？波波興奮地說：「呢個一定啦，陽光與海灘喎，絕對唔可以嘥咗呢個機會，已經準備定水着帶去泰國，至於帶咗多套泳衣？呢個就賣下關子先，大家到時睇咪知囉！」提到最近有網友指她發福，問到會否怕美食當前增磅？波波笑言：「我會努力保持最佳狀態㗎喇，至於美食方面就只好淺嚐，唔會食太多，做藝人始終都要身材管理一下。」
開心自拍。
波波話帶定泳衣「泰」解放。
波波話帶定泳衣「泰」解放。
波波話帶定泳衣「泰」解放。
對於《冲遊泰國》開到第10輯，胡慧冲受訪時大嗌感恩：「好多謝 TVB，可以畀我一個節目做咗10輯咁多，不過開心嘅同時亦有啲擔心，今次會唔會係《冲遊泰國》嘅結局篇？定係之後會踏入第11輯？呢個真係唔知，所以要繼續好好地做好個節目！」問到今輯行程？胡慧冲透露：「今次因為有波波出現，梗係要安排啲碧波暢泳嘅場面畀佢啦！之前無論冬蔭妹也好、叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎，之後仲會去一個叫大城府嘅地方，之前好多輯都想去嗰度，但結果都係冇去到，希望今次真係去到啦，同埋曼谷梗係唔少得啦！」胡慧冲又預告冬蔭家族會再添新成員，但就「講啲唔講啲」謂：「究竟係美男定係大美女？定抑或係又男又女嘅雌雄同體呢？呢個大家到時就會知！」
胡慧冲話冬蔭家族會再添新成員，仲講到好神秘咁。
