冲遊泰國丨添食開拍第10輯 「新一代咪神」波波強勢加盟

波波帶定水着期待「泰」解放！

由「泰國通」胡慧冲主持的TVB Plus（82台）長壽節目《冲遊泰國》再添食，即將開拍第10輯！來到第10輯當然要搞搞新意思，除了有胡慧冲和冬蔭家族成員參與拍攝外，還邀來「新一代咪神」 黃婧靈（波波）強勢加盟！波波昨日（11日）從香港國際機場出發泰國曼谷拍攝新一輯《冲遊泰國》。

波波已經出發泰國拍攝喇！

波波話好開心可以向胡慧冲學嘢。

一到泰國就攰到瞓着咗。

問到有份參與新一輯《冲遊泰國》心情，波波受訪時說：「好開心可以參與呢個節目，好多謝公司畀呢個機會我，同埋好期待可以向泰國通胡慧冲學嘢！」問到此行會否水着「泰」解放？波波興奮地說：「呢個一定啦，陽光與海灘喎，絕對唔可以嘥咗呢個機會，已經準備定水着帶去泰國，至於帶咗多套泳衣？呢個就賣下關子先，大家到時睇咪知囉！」提到最近有網友指她發福，問到會否怕美食當前增磅？波波笑言：「我會努力保持最佳狀態㗎喇，至於美食方面就只好淺嚐，唔會食太多，做藝人始終都要身材管理一下。」

開心自拍。

波波話帶定泳衣「泰」解放。

波波話帶定泳衣「泰」解放。

波波話帶定泳衣「泰」解放。

對於《冲遊泰國》開到第10輯，胡慧冲受訪時大嗌感恩：「好多謝 TVB，可以畀我一個節目做咗10輯咁多，不過開心嘅同時亦有啲擔心，今次會唔會係《冲遊泰國》嘅結局篇？定係之後會踏入第11輯？呢個真係唔知，所以要繼續好好地做好個節目！」問到今輯行程？胡慧冲透露：「今次因為有波波出現，梗係要安排啲碧波暢泳嘅場面畀佢啦！之前無論冬蔭妹也好、叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎，之後仲會去一個叫大城府嘅地方，之前好多輯都想去嗰度，但結果都係冇去到，希望今次真係去到啦，同埋曼谷梗係唔少得啦！」胡慧冲又預告冬蔭家族會再添新成員，但就「講啲唔講啲」謂：「究竟係美男定係大美女？定抑或係又男又女嘅雌雄同體呢？呢個大家到時就會知！」

胡慧冲話冬蔭家族會再添新成員，仲講到好神秘咁。

有「泰國旅遊達人」之稱的胡慧冲（Roger），為TVB Plus（82台）主持王牌旅遊節目《冲遊泰國11》，本周四及五晚9點半播映。今輯主持包括「波波」黃婧靈及冬蔭家族，為大家導賞泰國食玩買好地方。

昨晚及今晚兩集波波大派表情包。

昨晚及今晚兩集波波大派表情包。

昨晚及今晚兩集波波大派表情包。

昨晚（1月1日）胡慧冲（Roger）跟「波波」黃婧靈繼續泰國古都大城府之遊，波波不單作為節目的顏值擔當，更大派多款表情包招呼粉絲，包括︰嘟嘴、派心、單眼、緊張、興奮、驚嚇等表情。節目開始Roger介紹一間充滿情懷的咖啡店，他笑說︰「泰國人都好鍾意去旅行，但唔係人人都咁寬裕可以成日去，所以泰國有好多扮外國嘅地方，仲有好多打卡位，大家影咗當去咗。」Roger介紹的一間咖啡室燈光柔和配以木系色調，充滿異國風情。

昨晚及今晚兩集波波大派表情包。

昨晚及今晚兩集波波大派表情包。

泰國以佛教主國，國內寺廟林立，一間位於大城府的佛廟，別出心裁全寺由外到內，都用上女士們至愛紫色。波波作為「紫色控」，一去到就表現相當興奮。她在廟內一邊打卡一邊拜神，還大讚廟宇設計漂亮︰「平時見開都係單色調，呢度五顏六色之餘仲要閃爍爍，好似去咗魔幻世界。好多珠珠都係善信捐款買嚟貼上去。所以會越嚟越閃。」

「紫色控」必定要到訪的寺廟。

波波入廟拜神。

不少本地善信都來參拜。

今晚（2日）Roger、波波轉移陣地來到離曼谷2小時車程的考艾（Khao Yai），到訪當地開心樂園。波波依舊表情包大放送，想睇波波有幾可愛，就要留意今晚節目播出。

咖啡店內外都洋溢異國風情。

波波與Roger歎茶不忘打卡。