無綫電視慶祝58周年台慶，匯聚全台藝員及歌手傾力演出之大型特備節目《萬千星輝賀台慶》，將於今晚（11月19日）假電視廣播城隆重舉行，「咪神」黃婧靈（波波）以一身低胸高衩禮服現身紅地氈，將其34E身材谷到盡，胸前更搖搖欲墜，視覺效果極震撼！
波波黃婧靈（本網記者攝）
波波直言行紅氈就是要將自己最靚、最自信的一面展示出來，她指今次她將網民的要求，包括Deep V、高衩及露腰三個元素告訴設計師，由設計師為她度身打造出這身禮服，她亦覺得自己今晚好性感，亦好優雅，「我今日條裙呢係有啲馬甲嘅造型，然後側邊露腰，即係露返啲線條出嚟，咁顯得我個人會瘦返啲，同埋即係突顯返我嘅優點，同埋高衩係我第一次試，因為我本身又唔係話好高，但都要試下啲唔同嘅嘢，咁所以就集合咗呢個Kind of Deep V，同埋高衩再加修腰露腰嘅一個元素喺入面！」
本網記者攝
本網記者攝
波波表示為了今晚在一、兩個月前已開始下苦功去Keep Fit，「因為我自己都比較為食，同埋我有拍一啲關於食嘢嘅節目，咁所以自己平時都會比較節制，或者做多咗運動咁樣，即係盡量保持住食原形嘅食物，好似今日咁，我都係唔係好夠膽食嘢，但係我都食咗少少，因為我陣間要跳舞，所以就要留少少Energy。」
本網記者攝
講到今晚要跳舞表演，波波直言：「個舞衣真係不得之了！」她透露舞衣比較火辣，而且會有一個脫衣環節來震撼大家眼球，「我哋一班女仔呢都好畀心機、好畀心機咁樣練，咁希望跳帶到驚喜畀大家！」
本網記者攝
由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。
莫燦霖師傅介紹一間位於土瓜灣的小店。
不起眼的小店主打傳統手工菜。
燒煎大白鱔焦香多汁。
單是炸菜蒸牛肉的餸汁已可送一碗飯。
莫燦霖師傅指雞蛋砵仔焗魚腸媲美名店出名。
昨晚（3月2日）「大廚發辦」莫燦霖師傅帶黃婧靈（波波）到土瓜灣下鄉道食懷舊手工菜。小店外貌並不起眼，但出品令人驚喜，莫師傅共點了4款必食菜式︰燒煎大白鱔、胡椒豬肚酸菜蜆湯、炸菜蒸牛肉、雞蛋砵仔焗魚腸。首先上桌的是白鱔，莫燦霖師傅笑言老遠已聞到香味，他說︰「呢味菜師傅只係輕輕掃薄粉就咁煎，應該乜都無做。反而喺味道拿捏師傅做到好準確，所以話做菜唔使下下都要做到與別不同，平凡中顯不平凡，先係最高境界。」波波吃後亦讚不絕口，外皮焦香之餘包裹住豐富肉汁。一旁的老闆娘吳太誇口表示在別家絕對吃不到，她自信滿滿說︰「事前有好多功夫，除骨、除刺要好多時間，係我哋呢度先有，第二度都無。」
韓國人氣乳酪雪糕店在香港開業。
杜拜朱古力麻糬熱潮持續。
Gillian模仿韓國張員瑛的食相。
杜拜朱古力麻糬受韓國熱捧。
當吃到炸菜蒸牛肉時，莫師傅形容是「童年回憶嘅味道」，他興奮說︰「啲牛肉靚過我哋細個食嗰啲，呢啲係手切。蒸完之後個汁仲可以撈飯，係我哋細路仔時食嘅家庭小菜。」波波還特意點了兩碗白飯，就是要用餸汁撈飯。老闆娘推介的焗魚腸吃的是手工及心機，魚腸不單要洗得非常乾淨，還要汆水2小時去腥。莫師傅自言此款菜只在一間名人飯堂吃過，這間小店出品足以媲美。
此外，杜拜朱古力在香港興起已有一段日子，今集伍倩彤（Gillian）會介紹一間連韓星都幫襯的杜拜朱古力店落戶香港，她說︰「你以為杜拜朱古力熱潮已經完咗？錯喇，而家有變奏版，就係杜拜朱古力嘅麻糬同Q餅。最近一間喺韓國有600幾間分店嘅雪糕店喺香港開店，連K-pop偶像IVE成員張員瑛、Gaeul同演員盧允端都有幫襯。」她笑言行經附近都不妨買一粒試試，順便可以扮韓星打卡。
