無綫電視慶祝58周年台慶，匯聚全台藝員及歌手傾力演出之大型特備節目《萬千星輝賀台慶》，將於今晚（11月19日）假電視廣播城隆重舉行，「咪神」黃婧靈（波波）以一身低胸高衩禮服現身紅地氈，將其34E身材谷到盡，胸前更搖搖欲墜，視覺效果極震撼！
波波黃婧靈（本網記者攝）
波波直言行紅氈就是要將自己最靚、最自信的一面展示出來，她指今次她將網民的要求，包括Deep V、高衩及露腰三個元素告訴設計師，由設計師為她度身打造出這身禮服，她亦覺得自己今晚好性感，亦好優雅，「我今日條裙呢係有啲馬甲嘅造型，然後側邊露腰，即係露返啲線條出嚟，咁顯得我個人會瘦返啲，同埋即係突顯返我嘅優點，同埋高衩係我第一次試，因為我本身又唔係話好高，但都要試下啲唔同嘅嘢，咁所以就集合咗呢個Kind of Deep V，同埋高衩再加修腰露腰嘅一個元素喺入面！」
本網記者攝
本網記者攝
波波表示為了今晚在一、兩個月前已開始下苦功去Keep Fit，「因為我自己都比較為食，同埋我有拍一啲關於食嘢嘅節目，咁所以自己平時都會比較節制，或者做多咗運動咁樣，即係盡量保持住食原形嘅食物，好似今日咁，我都係唔係好夠膽食嘢，但係我都食咗少少，因為我陣間要跳舞，所以就要留少少Energy。」
本網記者攝
講到今晚要跳舞表演，波波直言：「個舞衣真係不得之了！」她透露舞衣比較火辣，而且會有一個脫衣環節來震撼大家眼球，「我哋一班女仔呢都好畀心機、好畀心機咁樣練，咁希望跳帶到驚喜畀大家！」
本網記者攝
