獨立唱作歌手釗彤日本拍MV遇雙颱風 獲首位格林美頻道演出香港歌手XTIE編監新歌

釗彤一直以來都是自資做歌，她透露這次新歌製作用了近六位數字，已經花光了這段時期儲起的資金。

女團Beanies成員之一、獨立唱作歌手釗彤 （Chiutung）推出今年第二首派台作品《Say Nothing》。一如以往，新歌曲詞部份均由釗彤自己一手包辦，編、監則找來首位香港音樂人於美國格林美獎Recording Academy (GRAMMYs) 的「PRESS PLAY」系列演出歌曲《Skin》的XTIE，MV更飛到日本拍攝。

釗彤 （Chiutung）推出今年第二首派台作品《Say Nothing》。

釗彤直言今次無論曲風、MV選址、以及服飾等都跳出自己的comfort zone，多個成就解鎖。曲風方面，釗彤謂以往的歌種比較暗黑風，這次來個一百八十度的大反轉，歌曲洋溢着「小清新」氣息，「聽落比較舒服，我會形容為好似有風吹過的感覺，想大家聽呢首歌時候會感受到一份輕盈。」她將音樂路跟自己星座特質，「我係典型白羊座，平日嘅諗法同行動都會跳嚟跳去，呢個特質亦出現喺我音樂上，鍾意唔同嘅嘗試。」提到找來XTIE編曲監製，在錄音時XTIE引導她唱出了跟平時不一樣的聲音，她笑說：「《Say nothing》入面最高音嘅adlib部分竟然係我唱！我自己都估唔到！」

新歌曲詞部份均由釗彤自己一手包辦。

編、監則找來首位香港音樂人於美國格林美獎Recording Academy (GRAMMYs) 的「PRESS PLAY」系列演出歌曲《Skin》的XTIE。

MV於東京取景，除了是因為釗彤對東京有着情意結，同時亦是機綠巧恰，「好細個開始，東京已經係我夢寐以求想去嘅地方，我做Part time好辛苦儲錢就係為咗去一次東京旅行。自此之後我就一直迷戀東京呢個城巿，咁啱喺我籌備《Say nothing》MV嘅時候識咗導演Yuri，佢當時喺東京，我靈機一觸大膽咁提議去東京拍MV。因為這首歌的曲風對於我來說是一個新嘗試，不如連MV也跳出框框啦！」

MV更飛到日本拍攝。

除咗MV跳出框框，就連MV中穿的服裝亦突破她自己的常規，「例如係MV入面有一個涉谷街頭嘅造型係粉紅色同紫色為主，Stylist幫我試衫時我唔係好接受到，有少少不安，但睇完MV發現效果好好，原來自己都carry到咁colorful同y2k風嘅打扮。」除此之外，着和服令她又一成就解鎖，「今次係我第一次體驗着和服，喺猛烈太陽30幾度着住和服，令我解鎖咗自己新技能，原來我可以控制自己唔流汗，好有潛質夏天着冬天衫。」

釗彤對東京有着情意結。

提起和服，原來MV中出現的和服是臨時臨急借來，並非原本預備好的一套，「到埗後一直風和日麗，點知拍攝當日狂風暴雨，原來係雙颱風來襲。日本造型師因為落太大雨臨時唔願意借出和服，仲記得導演好嚴肅咁同我講：『借唔到本來套和服』，嚇到我唔知如何反應，我們一行人原地企咗喺東京街頭開緊急會議，決定立刻去原宿搵適合嘅服裝，就係而家係MV入面嗰套。因為天氣問題，基本上所有嘢都沒有按計劃發生，超級驚險！」

一直以來，釗彤都是自資做歌，今年5月推出了《Party In Hell》後，《Say Nothing》是第二首，她透露這次用了近六位數字，已經花光了這段時期儲起的資金。提到當獨立音樂人的辛酸，釗彤認為十分值得，「一人分兼幾職，好多人都覺得我好傻，每日得好少時間瞓覺，但可以繼續創作同表演就係我最大的原動力。《Say nothing》呢首歌我想分享嘅都係關於身邊總有好多人說三道四，但我哋都要堅持自己信念，好多獨立歌手都係咁，用作品代替說話，只要堅持下去一定會有所得着。」

釗彤透露這次新歌製作用了近六位數字，已經花光了這段時期儲起的資金。

Kay李凱翹直言：「呢半年賺到嘅所有錢都擺咗喺做歌上，好耐無試過咁熱血！」

唱作女團Beanies成員之一的Kay李凱翹，日前推出首支個人單飛歌曲《分手的決心》！作為一位獨立歌手，Kay為了出新歌傾囊而出，將近半年因為Beanies所賺到的錢都押上，她說：「除咗Beanies賺到嘅錢，連呢半年返菲林店part time、教瑜珈賺到嘅所有錢都擺咗喺做歌上，好耐無試過咁熱血，希望我嘅作品大家會喜歡同有共嗚。」

Kay李凱翹日前推出首支個人單飛歌曲《分手的決心》。

Kay更為了出新歌傾囊而出，將近半年所賺到的錢都押上。

觀看相關影片按連結：https://youtu.be/kBMumZE6RIs?si=qQgWtkwVCJD6vfMr

未入行當歌手前，Kay是一名空姐，做了8年後選擇裸辭，成為了獨立歌手，去年與Jaime張天穎、Geor陳樂頤、Winky黃健怡及Chiutung潘釗彤組成唱作女團Beanies。眼見其他成員陸續單飛出solo歌曲，Kay亦趕上步伐，推出個人單曲《分手的泱心》。對於裸辭一事，Kay說：「原來全心全意做自己喜歡嘅嘢，真係好值得！由裸辭到而家，都係用緊自己嘅儲蓄，最希望可以有多啲班教，有多啲機會接主持工作，同埋要再慳啲。」Kay笑言自從裸辭後，成為了一位精明的消費者，最喜歡留意各樣的優惠。

Kay未入行前是一名空姐，做了8年後選擇裸辭，成為了獨立歌手。

眼見其他Beanies成員陸續單飛出solo歌曲，Kay亦趕上步伐，推出個人單曲《分手的泱心》。

對於裸辭一事，Kay認為能全心全意做自己喜歡的事，真的好值得！

《分手的決心》由Kay與Patrick Yip合作寫曲部份，填詞找來小克，編曲及監製由Patrick Yip負責。日前，Kay為歌曲拍攝MV，請來中學師弟KF做導演及曾參與ViuTV真人show節目《戀愛staycation》的林嘉宏當男主角，由於拍攝的景點很多，所以分了兩日拍攝。

Kay與Patrick Yip合作為《分手的決心》寫曲。

MV男主角找來曾參與ViuTV真人show節目《戀愛staycation》的林嘉宏擔任。

喜歡攝影的Kay最難忘的除了是可以在黑房親手手沖黑白菲林，還有拍爆喊的過程，她說：「室內拍嗰日，一roll機就要我爆喊，本身好擔心，但好多謝我嘅acting coach（演戲導師） Donovan，佢好了解我，知道要點去引導我，喺我隔離一路講嘢，已經可以令我好快投入到個情緒爆喊出嚟！」

MV中，Kay最難忘的是可以在黑房親手手沖黑白菲林。

拍爆喊的過程亦相當難忘。

Kay感謝演戲導師Donovan，一直引導她。

另外，Kay表示第一日拍完外景，收工的時候租用的車卻忽然爆軚，她說：「最後全部人喺維修區嘅空地度等咗個半鐘，但係嗰個半鐘大家傾偈傾得好開心。」Kay表示以前做空姐，旅行佔了她的人生很大部份的時間，所以，MV其中一個景點是在機場維修區拍攝，令她重拾不少回憶，份外感觸和開心。

MV其中一個景點是在機場維修區拍攝，令Kay重拾不少以前做空姐的回憶。

Kay透露今次的MV是想用第一身視覺去記錄，所以用了DV機去拍攝，至於MV及歌曲的故事，她說：「係講一對情侶一齊及同居多年，感情由濃轉淡，說好嘅冰島之旅已經去唔到。喺沖曬菲林及執拾家中物件時回憶以往種種，最後雖然係好唔捨得，但都係決定放手離去。」

Kay又指今次的MV是想用第一身視覺去記錄，所以用了DV機去拍攝。

MV及歌曲的故事是關於一對情侶感情由濃轉淡。