Skip to Content Facebook Feature Image

【2023.12.19娛圈熱點】張致恒交唔到租網上求助 姚焯菲預告推出自家時裝品牌

娛圈事

【2023.12.19娛圈熱點】張致恒交唔到租網上求助 姚焯菲預告推出自家時裝品牌
娛圈事

娛圈事

【2023.12.19娛圈熱點】張致恒交唔到租網上求助 姚焯菲預告推出自家時裝品牌

2023年12月19日 18:00 最後更新:18:04

關注一下過去24小時娛圈事Top 5熱話。

張致恒交唔到租 網上求助 指自己就嚟頂唔住

更多相片

關注一下過去24小時娛圈事Top 5熱話。

Chantel姚焯菲預告推出自家時裝品牌 親自上陣拍宣傳硬照

為娶嬌妻豪花百萬 馬國明新婚一星期即北上吸金

炎明熹主題樂園被野生捕獲 1行為獲網民激讚:依舊保持赤子童心

鐘鉉逝世六周年SHINee發文懷念 珉豪:今年更想念哥哥了

有「離婚界KOL」之稱的張致恒(Steven)和老婆區燕雯(雯雯)四年抱四,長期陷經濟困難,網民都非常擔心4個小朋友的溫飽。

▼詳情點擊圖片查看或按連結

Chantel姚焯菲預告推出自家時裝品牌 親自上陣拍宣傳硬照

17歲的「聲夢小花」姚焯菲(Chantel)現時在新西蘭留學,但仍不時飛返香港出席活動,事業心非常重。近日Chantel有新搞作,在IG預告會在明天(11月19日)推出自家時裝品牌「chantelxade」,並與好友齊齊做品牌模特兒。

▼詳情點擊圖片查看或按連結

為娶嬌妻豪花百萬 馬國明新婚一星期即北上吸金

馬國明與湯洛雯於今年元旦宣布婚訊,12月16日公開婚禮照片,宣布已經完婚,並開心的在社交平台連環放閃,與網民分享喜悅。不過,馬國明結婚後一星期即要北上出席活動吸金!

▼詳情點擊圖片查看或按連結

炎明熹主題樂園被野生捕獲 1行為獲網民激讚:依舊保持赤子童心

年僅18歲的炎明熹(Gigi)參加《聲夢傳奇》出道,在短短3年內由香港紅到內地,相當厲害,近日就有網民在主題樂園偶遇炎明熹,並影下她餵浣熊的相片,一臉興奮的她展示出應有的童真。

▼詳情點擊圖片查看或按連結

鐘鉉逝世六周年SHINee發文懷念 珉豪:今年更想念哥哥了

韓國男團SHINee成員金鐘鉉在2017年12月18日,不敵抑鬱症驟逝,得年僅27歲。鐘鉉離世至今已過6年,不過粉絲和親友們對他的愛和思念亦從未減退,12月18日凌晨所屬社SM娛樂也按照慣例,準時在零時於SHINee官方社交平台發文悼念。今年挑選了鐘鉉在舞台上閉著眼深情演唱的照片,帖文上寫道:「總是愛著您」。

▼詳情點擊圖片查看或按連結

往下看更多文章

炎明熹演唱會尾場三度落淚 任賢齊驚喜現身大讚:Gigi係未來嘅天后!

2024年04月15日 19:00 最後更新:22:51

炎明熹一連三場演唱會圓滿結束!

一連三場《大家樂呈獻:炎明熹Gi-FORCE演唱會2024》,昨晚(4月14日)在九龍灣國際展貿中心舉行尾場,亦是去年十月因颱風關係,而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。

《炎明熹Gi-FORCE演唱會2024》來到尾場。

《炎明熹Gi-FORCE演唱會2024》來到尾場。

陳煒、陳山聰、姜皓文到場支持。

陳煒、陳山聰、姜皓文到場支持。

來到第三場,Gigi依然狀態大勇,又唱又跳表現落力,不過這晚的後空翻動作發生了一個小插曲,正當Gigi完成空翻動作落地時,可能用力太猛,最終Gigi被衛衣的帽「兜頭笠」,完全遮擋了視線,只見Gigi先露出既可愛又尷尬的笑容,之後秒速整理衣服繼續又跳又唱,緩解了這個蝦碌場面。

Gigi表演後空翻。

Gigi表演後空翻。

落地時可能用力太猛,最終Gigi被衛衣的帽「兜頭笠」。

落地時可能用力太猛,最終Gigi被衛衣的帽「兜頭笠」。

除了唱自己的歌,當然少不了Gigi的「自選歌單」,當中有王菲的《守望麥田》、Serrini的《網絡安全隱患》、及陶喆的《流沙》等,Gigi笑指這張歌單由逾200首歌精心挑選,她又說:「大家知唔知呢場係補場呢?想問吓嗰時(取消)大家有冇失望?」台下即大叫「冇」,Gigi笑住讚歌迷思想正面。

Gigi笑指「自選歌單」由逾200首歌精心挑選。

Gigi笑指「自選歌單」由逾200首歌精心挑選。

在過去三場演唱會擔任Gigi音樂團隊成員的林智樂(Felix),來到尾場按捺不住,要在台上公開力讚Gigi,除了唱功了得,抗壓能力亦很強悍:「雖然有好多人讚佢,但有時都有啲好尖銳嘅留言,但佢都冇嘢,更重要係由我啱啱識佢到而家,佢個初心都冇變,對每個人都好好。有時記者朋友問我會唔會羨慕Gigi嘅事業,我覺得唔係羨唔羨慕,而係佢真係好值得擁有!」身旁的Gigi即感動表示,很少聽對方如此認真說話,並感謝對方為自己唱足三晚。

接着,Gigi獻唱《星語心願》,唱到最後那句「讓你知道我愛你」,台下即熱情回應「我都好愛你呀」。她表示小時候看電影《星願》,已經很喜歡電影的男主角,Gigi隨後唱出《對面的女孩看過來》,任賢齊(小齊)此時突然現身合唱,讓樂迷大為驚喜,更全場大合唱為演唱會掀起高潮。唱畢,Gigi說:「畀啲掌聲任前輩。」小齊謙虛感謝Gigi畀機會自己做嘉賓:「 因為我成間公司所有同事都好鍾意Gigi。噚日我喺新加坡做完演唱會返嚟,我啲夥計全部唔見晒,個個都嚟睇你,仲要一張飛都冇留畀我!同事們,聽住,聽日返工唔使咁早,好好享受今晚Gigi嘅演唱會。」他又笑謂Gigi與自己的女兒同一年出世,小齊搞笑說:「人多嘅時候叫我小齊哥,唔好叫Uncle呀。」

任賢齊驚喜現身。

任賢齊驚喜現身。

小齊謙虛感謝Gigi畀機會自己做嘉賓。

小齊謙虛感謝Gigi畀機會自己做嘉賓。

之後,Gigi送上繡有小齊名字的水樽:「我知你5月份開巡迴演唱會,所以我揀咗呢個,識自己煲水嘅水樽,呢個可以直接煲水,非常方便,我都繡咗你個名喺度。」小齊自嘲年輕的時候仍會飲凍飲:「漸漸就用咗暖水壺啦,好多謝你。我真係成間公司都講,佢係未來嘅天后,希望大家都畀多啲機會Gigi。」最後小齊再為樂迷送上《我是一隻魚》,全場跟著和唱。

小齊讚Gigi是未來的天后。

小齊讚Gigi是未來的天后。

除了嘉賓夠份量,這晚的驚喜同樣一浪接一浪,開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》,收到大家的訴求後,Gigi特意於補場上送予歌迷,但卻一時感觸唱到喊,幾乎大半首歌要台下歌迷代唱,Gigi說:「我覺得我又代入咗首歌裡面,但唔係愛情,今日係最後一場演唱會,即係今日係最後嘅一次,然後大家要遠離我嘅感覺。點解今晚先揀呢首歌嚟唱?因為我想送呢首歌畀補場嘅大家,但係我真係冇用,成首都唱唔到,要大家幫我,我下次會唱好佢㗎。」台下再次大叫「加油」,為哭成淚人的Gigi打氣。

Gigi特意獻唱新歌《還有一艘救生艙》給予今場補場的歌迷。

Gigi特意獻唱新歌《還有一艘救生艙》給予今場補場的歌迷。

感觸落淚。

感觸落淚。

Encore部份,Gigi特別為尾場的樂迷獻唱《你是你本身的傳奇》,坦言台下每位歌迷都是一個傳奇,一起成就了她的歌手夢,Gigi再一次落淚,對於這個人生第一個演唱會舞台、還有台下的觀眾,充滿不捨之情;唱到演唱會最後一首歌《Only For Me》,Gigi叫大家高舉手機燈和唱,望向這遍燈海,Gigi的淚水再一次滑落,令《大家樂呈獻:炎明熹Gi-FORCE演唱會2024》,在淚水與不捨之情下,感動落幕。

全場大合照。

全場大合照。

你 或 有 興 趣 的 文 章