《福祿壽訓練學院》「真假麥玲玲」恍如孖生姊妹勁吸睛 82歲盧海鵬獲頒榮譽博士分享7字真言扮嘢心得

娛圈事

《福祿壽訓練學院》「真假麥玲玲」恍如孖生姊妹勁吸睛 82歲盧海鵬獲頒榮譽博士分享7字真言扮嘢心得

2024年04月12日 15:49 最後更新：16:02

盧海鵬獲頒榮譽博士！

由阮兆祥、李思捷、王祖藍主持的扮嘢真人Show《福祿壽訓練學院》於4月14日晚上播出第三集頒獎禮篇，由3位導師及24名學員攜手炮製一個既土炮又多元的頒獎禮，大會發布頒獎禮嘉賓陣容，82歲「扮嘢界始祖」盧海鵬獲頒榮譽博士。

點擊看圖輯

呢個表演祥師兄同一眾學員真係畀足心機㗎

個係傳說中嘅韓式呼吸

關嘉敏

陶大衛

葉泓聲

黃建東

王玲

劉倬昕

吳兆麟

黃潤成

手勢真係學到十足㗎

鵬哥獲頒「福祿壽訓練學院榮譽博士」

喺製作組預備嘅影片入面，有鵬哥昔日喺藝訓班上堂嘅相

仲有勁多經典造型

李思捷、阮兆祥及王祖藍先後向鵬哥經典扮嘢表演致敬。

鵬哥全晚都表現得好開心

呢一個場面真係好感人

頒獎嘉賓紂王與妲己

細細粒呢個嬌俏三連環絕，連頭髮都有戲。

左起：銀剛（李思捷）、金剛、彭剛（王玲）。

佢哋會大玩「金剛式廣東話」。

「真假麥玲玲」姊妹花。

是次頒獎禮嘉賓名單如下（排名不分先後），有負責頒發「年度電視演員」的「真假麥玲玲」，除了有如假包換的麥玲玲，還有阮兆祥扮演的「麥靈靈」；負責頒發「年度歌手」的「剛氏三兄弟」，除了有金剛、還有李思捷的「銀剛」及學員王玲扮演的「彭剛」；負責頒發「年度電影演員」的紂王及妲己，由王祖藍及細細粒分飾。3組頒獎嘉賓之中，以「真假麥玲玲」最為搞笑吸睛，雖然祥師兄與玲玲姐身高方面有很大差距，但向來扮女人有一手的祥師兄，不但「神還原」玲玲師傅經典造型，就連笑容都學到十足十；除了頒獎，二人還會在台上表演「神算大激鬥」，娛樂性豐富。至於成功減掉超過100磅的細細粒，則會以經典古裝美人妲己造型亮相，細細粒除了大晒銷魂鎖骨展示瘦身成果，更會連環大擺嬌俏甫務求做出妲己神髓，認真不足、搞笑有餘。細細粒受訪時，興奮表示身上所穿戲服，是當年溫碧霞的戲服，並開心地表示：「我唔敢相信可以著得落，仲要有鬆添！」更邊說邊展示戲服衣領上的「溫碧霞」名牌。

表演嘉賓方面，《福祿壽訓練學院》將大玩自抽，由Professor Fuk阮兆祥率領學員「一人Avantgardey」黃建東、「大坑小G」葉泓聲、「光B女」關嘉敏、「買一送一」吳兆麟、劉倬昕、「HK. MR BEAN」黃潤成、「還珠攻略」王玲及「廣州暴龍哥」陶大衛組成9人男團「Kowloon」，跳唱《亞洲超星團》主題曲《閃耀/Shining》，除了舞步手勢跟到十足十，更「神還原」重點神髓韓式呼吸，搞笑度爆錶。據知，祥師兄及一眾學員對是次表演相當重視，眾人由鎖定組成「Kowloon」開始，已日以繼夜為歌曲綵排。祥師兄笑言由於想認真跳，故與學員們一連十數天由晚上六時排練至晚上約十一點，獲工作人員力讚認真程度媲美台慶。

除了扮嘢兼搞gag，頒獎禮篇還有感人環節，就是「扮嘢界始祖」盧海鵬獲頒「福祿壽訓練學院榮譽博士」，製作組除預備了長約2分鐘的鵬哥經典扮嘢造型回顧影片外，福祿壽三位導師更會以鵬哥三個經典扮嘢造型亮相致辭及表演向鵬哥致敬。82歲的鵬哥依然相當玩得，上台領獎時不忘搞Gag兼開心謂：「喺TVB做咗好多年架喇，但係始終都冇獎項呀，點知依家我唔撈咁耐喇，佢又記得喎。」，並大拋7字真言扮嘢心得。三子完成表演後，聯同一眾學員齊齊向鵬哥送上「福祿壽」小豬公仔，全場掌聲如雷，配以鵬哥開心的表情，場面感人。

往下看更多文章

朱晨麗喪扭蛇腰大晒驚人腰力　姚子羚晒演技一人分飾三角扮「捉姦」

2024年07月21日 12:00 最後更新：14:11

學員再度扭六壬扮鬼扮馬！

《鄰住買特約：福祿壽訓練學院畢業Party感謝祭》將於今晚（21日）8點半翡翠台播映，節目由陳懿德、郭珮文（Juliana）擔任主持，三大導師阮兆祥、李思捷和王祖藍率領一眾學員，包括（排名不分先後）陶大衛、關嘉敏、黃建東、林樂熙、周百恩、莫家淦、彭建豪、趙頌宜、伍韻婷、陳柏曦、趙亮昭、麥嘉欣、劉倬昕、鄭詠謙、林妍、郭浩皇、葉泓聲、梁山山、黃潤成和馮彥中，與熱播劇《反黑英雄》主演陳山聰、姚子羚、朱晨麗、張馳豪、丘梓謙和曾文心大玩遊戲。今集節目優惠多多，除有大量感謝祭貨品於晚上9點半後在網購平台「鄰住買」開售外，觀眾於收看節目期間只要嘟一嘟螢幕上的QR Code，便有機會搶到現金利是！

《福祿壽訓練學院》一眾學員在節目中繼續扮鬼扮馬化身經典惡人或恐怖角色，當中以黃建東、麥嘉欣、鄭詠謙和林妍的造型最為搶鏡。戴上長假髮的東東，化身電影《九龍城寨之圍城》中的爆紅角色「王九」，還原角色「招牌奸笑」後相似度更直達90%！在《福祿壽》初選時扮醜晒「反差萌」的麥嘉欣，則紮上孖辮化身電影《孤疑》主角Esther，倒模的造型加上陰森的笑容令人不寒而慄！鄭詠謙落足心機扮演Joker，除戴上綠色假髮兼化小丑妝，連Joker的招牌紫色西裝亦跟到十足。林妍戴上粉色假髮兼化超重眼妝扮演劇集《殺手》的易蘭，還以短打上陣大晒魚網絲襪。兩位主持的造型同樣搶Fo，Juliana穿上露腰裝大晒無敵纖腰扮演性感獄警，德德則孭住鐵欄和穿上間條衫扮犯人。

葉泓聲玩到爆呔

首個遊戲「福祿壽搶著數！搶櫈仔！」場面熱鬧，第一Round已經有逾20人一同上陣爭櫈仔，音樂聲一停大家便蜂擁而上撞到一仆一碌，玩得落力的Gordon葉泓聲更激到爆呔，十分搞笑。之後的「扭扭檸檸福祿壽」挑戰大家腰力，玩法是各隊派出一人上演1對1 Battle，兩人要穿上特製彈弓腰帶後並需於限時內瘋狂扭腰務求盡快得到鎖匙。身材Fit爆的朱朱原來腰力驚人，對戰伍韻婷時猶如裝上摩打般扭動蛇腰，以絕對實力秒殺伍韻婷，朱朱風騷地說：「我平時好鍾意玩呼拉圈㗎！」

「以訛傳訛福祿壽」考驗眾人的扮嘢實力，對於雲集好戲之人的「反黑英雄」隊來說絕對是小菜一碟，子羚大晒好演技一人分飾三角完美演繹「捉姦」，一時扮奸夫玩咀嘴，一時又嬲爆爆扮捉姦在床，場面搞笑；視帝山聰同樣玩得落力，不但肉緊地捉住丘梓謙的頭扮咀嘴，更激到差點撞冧道具隔板。李思捷挑戰演繹「刀鋸美人」，出名扮聲叻的思捷以口技完美演繹刀鋸聲音。

最後的遊戲「對答如流福祿壽！！！」花生指數十足，玩法每隊派出6人出戰，於限時10秒內輪流答對問題，答錯要接受噴面大懲罰。當中一條問題「令姚子羚快啲結婚嘅方法」掀起全場高潮，曾文心搶答「拍多啲劇」時，竟遭搞鬼的祖藍搭嗲謂：「好憎呢個答案，拍劇唔係為咗拍拖㗎！」之後眾人起哄指祖藍和老婆李亞男便是例子時，祖藍再笑笑口回應：「我反對，我哋係一齊咗之後，我先安排啲劇同佢一齊拍！」最後一條問題，思捷竟因一事被辣着搞到爆粗，想知問題到底是甚麼？密切留意今晚播出的《福祿壽訓練學院畢業Party感謝祭》。

你或有興趣的文章