娛圈事
Coffee話睇到伯伯張畢業相搞到眼濕濕！
34歲林芊妤（Coffee）在2018年與拍拖3年的澳洲籍馬來西亞華人銀行家翟志榮結婚，同年10月誕下可愛兒子翟德彥（伯伯），近年成為瑜伽達人，IG追隨者逾百萬，家庭事業兩得意！
林芊妤（Coffee）感觸表示5歲兒子伯伯轉眼已幼稚園畢業，快將展開上小學的新階段。
伯伯幼稚園畢業相。
不知不覺間，伯伯原來已經5歲大，即將幼稚園畢業。Coffee今日（5月15日）在IG分享兒子的幼稚園畢業相，感觸表示︰「OMG，今日打開書包見到佢學校影嘅畢業相我又眼濕濕。Hello？Who is this﹗？點解我覺得佢個樣又變咗嘅？諗番我同老公拍拖嘅日子仲好似噚日嘅事，我個仔竟然就快讀小學，好黐線﹗」
BB時期。
Coffee經常分享家庭日常。
Coffee表示：「出到糧畀同事自己又開心已經好好」。
名牌及生活精品百貨LBuy日前舉辦MOKO旗艦店擴充營業慶典暨CoffeeSweat首間POP-UP Store開幕禮，並邀得瑜伽女神兼運動服飾品牌CoffeeSweat主理人Coffee林芊妤化身快閃店長到場。Coffee不但以運動上衣配襯短裙展現健康美，更與VIP一同慶祝及拍照留念。
Coffee化身快閃店長。
活動中，Coffee向在場人士分享經營CoffeeSweat感受，她指自己還記得起初創業時將屋企當作貨倉的畫面，轉眼間便已經開設了POP-UP Store，更表示計劃未來會開設專門店。她亦透露創立品牌以來已投資累近八位數字：「其實係我用公司嘅盈利繼續做投資，等啲衫質素更加好，設計更加靚，同埋等所有嘢好似客戶服務咁更加順暢。」
Coffee透露創立品牌以來已投資累近八位數字。
做生意有苦有樂，Coffee坦言起步期確實辛苦，「而家肥返、健康返，但兩年前嘅時候，好多人見到我都話我好瘦，但唔係做運動嗰隻瘦，嗰時的確係忙到可能夜晚七點幾先醒起自己未食過飯，可能係一日食得一餐；又試過唔滿意批貨而冇咗七位數字，因為唔想賣唔好嘅產品畀客人。」
Coffee坦言CoffeeSweat起步期確實辛苦。
生意穩步發展，亦加入了LBuy這個大家庭，以顧客至上為理念經營生意，但不代表能夠就此放軟手腳，Coffee坦言日常都要多方面兼顧，既要拍片，又要管理生意，更要照顧家庭，時間仍然不夠用：「其實都好崩潰，阿仔有時都會見到我呢一面，好似前排突破自己搞實體戶外活動，但延期咗兩次，我都喊咗，阿仔都有安慰我。（叫佢做多啲model幫手？）反而我係有過研究係咪做小朋友衫，可能我都會想嘗試下做男裝先。（最終想上市？）唔好喇，哈哈！而家目標都係經營唔同合作點，以及準備專門店先，然後再探索一下唔同嘅範疇。」Coffee又表示因LBuy設有更衣室及活動場地，為粉絲提供方便又多元化的設施，令她放心與其合作！
Coffee透露有過研究做小朋友衫，但可能會想嘗試做男裝先。
Coffee又指現時目標是經營不同合作點，以及準備專門店先。
講到近年市民消費意欲減低，令營商難度增加，Coffee直認感受到影響：「做生意嘅可能要出多啲力，我哋營業額都可能有跌一兩成，但我又覺得好正常同接受到，只要唔係蝕錢，同埋出到糧畀同事，自己又開心就已經好好。」
對於現時的經濟現境，Coffee直言：只要唔係蝕錢，同埋出到糧畀同事，自己又開心就已經好好。」
